Yəhusuwa 4:3 - Hdi

³ Mnana mna ta həŋ ka ŋəɗa ŋəɗa, ka dzaʼa həŋ da Yardeŋ, ɗagaktá palaha ghwaŋpəɗ his ma vla fatá səla gwal ta dra skwi ŋa Lazglafta ya. Ka hlagaghata həŋ ta tsa palaha ghwaŋpəɗ his ya ka pghata ma tsa vli dzaʼa han kuni gita ya, » kaʼa.

Yəhusuwa 4:3 Iomraidhean Croise

Zlrafta 28:22

Nana pala klaf yu ka dzugwata na ná, dzaʼa nzakway ka həga Lazglafta. Dzaʼa vlaŋ vla yu ta zaka inda skwi dzaʼa vlihata tsi, » kaʼa.

Lukwa 19:40

« Ka iʼi nda kaghuni wa, ka haf ha həŋ ta wa taŋ ná, pala dzaʼa wahay, » kaʼa nda həŋ.

Yəhusuwa 24:27

Ka Yəhusuwa nda inda mnduha mantsa: « Nana pala na masləmtsək mataba amu, kabga da sna tsatsi ta inda tsa gwaɗaha mnama Yawe ya. Tsatsi masləmtsək mataba ghuni, ŋa pya kaghuni ta dzaʼa maganatá skwi kul raku ta Lazglafta ghuni, » kaʼa.

Yəhusuwa 3:13

Na gi fadamta tsa gwal ta dra skwi ŋa Lazglafta ta kla akwata dzratá wa Yawe, mghama inda ghəŋa haɗik ya ta səla taŋ da zala Yardeŋ dzaʼazlay ya, dzaʼa tsavap tsa zala. Haɗ tsa imi ta saha nda sa ya dzaʼa mbaɗgəlta mbaɗa wa. Dzaʼa slada slada manda skwi ŋaghu lu, » kaʼa.

Yəhusuwa 4:4

Ka hagaftá Yəhusuwa ta tsa la Israʼila ya zabap tsi ma inda mndəra mndu ya.

Yəhusuwa 4:8

Ka magatá la Israʼila manda va tsa mnanaf Yəhusuwa ta həŋ ya. Ka hlaktá həŋ ta palaha ghwaŋpəɗ his ma takataka Yardeŋ, manda va ya mnana Yawe ta Yəhusuwa, pal pal ta mndəra la Israʼila. Ka hlaktá həŋ da vla hana taŋ baɗ tsa, ka pghatá həŋ hada.

1Sam 7:12

Ka klaftá Samuyel ta pala ka dzugwata ma takataka Mitspa nda Seŋ, ka hgə tsi ka Iveŋghazer, kaʼa mantsa: « Ha da hadna katamata Yawe, » kaʼa.