Yəhusuwa 13:2 - Hdi

² Wya tsa kwakwarha ta pɗaku ya: Inda kwakwara la Filisti, nda inda ŋa la Gesur.

Yəhusuwa 13:2 Iomraidhean Croise

Zlrafta 10:14

nda la Patrus, nda la Kasəlu, nda la Kaftur. Ma mndəra la Kasəlu saba la Filisti.

Zlrafta 26:1

Ka slatá maya ta tsa haɗik ya. Nda dəga nda tsa ta slata ta fitika Abraham ya. Ka sliʼaftá Izak ka laghu da Gerar luwa Avimelek mghama la Filisti.

2Sam 15:8

Iʼi kwalva gha ná, mamu waɗu waɗa yu ma fitika nzakwa ɗa ma Gesur ta haɗika Aram. Ka yu na: “Ka vradaɗigha vra Yawe da Ursalima katsi, dzaʼa plana pla yu ta ghəŋ,” ka yu, » kaʼa.

2Sam 3:3

Mahisa ni, tsaya Kilʼav, Abigayel, si markwa Naval mnda la Karmel ya ma ni. Mahkəna ni, tsaya Avsalum, Maghaha ma ni, makwa Talmay, mghama la Gesur.

Vrafta ta zlahu 3:14

Yaʼir, zivira Mənase ta klaghutá inda kwakwara Arguv ha ka lagha ta mukuma kwakwara la Gesur nda la Maghaha. Ka tsanaftá tsi nda hga ni ta hga tsa kwakwara Basaŋ, ta hgu lu ha gita ka luwaha Yaʼir ya.

Yəhusuwa 12:5

Tsatsi ta ga mgham ta ghwá Hermuŋ, nda Salha, nda inda Basaŋ dikw ta mukuma nda la Gesur, nda ya nda la Maghaha. Tsatsi guli ta ga mgham ta ghəŋa rita kwakwara Gilghat dikw ta kuraghwa vla ga mghama Sihuŋ mghama Hesbuŋ.

Yəhusuwa 13:11

Kwakwara taŋ guli ná, tsaya Gilghat, nda kwakwara la Gesur, nda kwakwara la Maghaha, nda inda ghwá Hermuŋ, nda inda kwakwara Basaŋ dikw da luwa Salha.

Yəhusuwa 13:13

Ama ghəzlaŋ a la Israʼila ta la Gesur, nda la Maghaha wa. Ta mataba la Israʼila həŋ ha gita.

Gwal tsa guma 3:1

Wya mndəra mnduha zlana Yawe ŋa dzəgha la Israʼila, inda gwal si kul vulaŋtá dər wati ma vulu ma Kanʼana.

1Sam 27:8

Ta laf la Dawuda nda mnduha ni da zləɗatá la Gesur, nda la Gezer, nda la Ghamalek. Hahəŋ gwal ta tsa haɗik ya daga bamma, nda təv Sur dikw ta haɗika Masar.