Yəhusuwa 1:9 - Hdi

⁹ Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Yəhusuwa 1:9 Iomraidhean Croise

Zlrafta 28:15

Iʼi ná, kawadaga yu nda kagha. Dzaʼa nghay yu ta kagha ma inda vli ta dzaʼa ka. Dzaʼa vraghak vra yu ta na haɗik na, kabga haɗ yu dza zlaghata wu, katək na dzaʼa maga gha maga yu ta inda skwi ya taghaf yu ta imi ta sləməŋ, » kaʼa.

Zlrafta 39:2

Kawadaga Yawe nda Yusufu, mamu tsəha tida. Ka nzaku tsi ma həga ga daŋahəga ni mnda la Masar.

Zlrafta 39:3

Kəʼa ka daŋahəga ni nghadapta ná, kawadaga Yawe nda tsi, inda skwi ta magaŋta tsi nda dzva ni ná, vlaŋ vla Yawe ta tsəha.

2Sam 13:28

Wya ká Avsalum mnanaftá duhwalha ni: « Ka fata kuni ta iri ɗina! Ka ngha kuni ta fitika zɗafta ŋuɗufa Amnuŋ dabga ima inabi ya, dzaʼa mnaghuna mna yu ŋa dzata ghuni! Yaha kuni da zləŋa dzata. Iʼi a ta mnaghunafta wu ra? Ka drafta kuni ta ŋuɗuf nda tatá us tiri, » kaʼa.

1Rus 28:20

Ka Dawuda nda zwaŋa ni Salumuŋ mantsa: « Mbra ta vgha, ka ŋavata ka ka maga slna! Yaha ka da zləŋ, yaha ka da ghudzaku, kawadaga Yawe, Lazglafta, ka Lazglafta ɗa, nda kagha. Haɗ dzaʼa zlaghata wu, haɗ dzaʼa zlaghata ŋa zləmbuta gha wu, ha ka kɗatá inda tsa slna ba həga Yawe ya wa.

2Rus 15:7

Ama kaghuni, mbrawa mbra ta vgha, ma rwu kuni ta vgha, kabga mamu nisəla slna ghuni, » kaʼa.

Danyel 10:19

Kaʼa mantsa: « Ma zləŋ ka ta zləŋ, mamu sgita gha ta wa ira Lazglafta, ka nza zɗaku nda kagha, ŋava ŋa, mbra ta vgha! » kaʼa. Tata tsa gwaɗa ya nda iʼi, ka vravaftá mbrakwa ɗa. Ka yu mantsa: « Mna ta gwaɗa gha Rvera ɗa, kabga vliha vla ka ta mbraku, » ka yu.

Slna gwal ghunay 4:19

Ama ka i Piyer nda Yuhwana mantsa: « Mal sna ŋa ghuni ka zlaŋta ŋa Lazglafta skwi ta raku re, ari mal sna ŋa Lazglafta a na? Tsawa tsa kaghuni ka ghəŋa ghuni ta guma ni.

Vrafta ta zlahu 1:21

Nghawa ɓa, Yawe, Lazglafta ghuni ta vlaghunatá ma dzva ghuni ta na haɗik na. Ŋladafwa ŋla ka kla kuni ŋa ŋa ghuni manda ya mnaghuna Yawe, Lazglafta dzidzíha ghuni. Ma zləŋ kuni ta zləŋ, ma ghudzu kuni ta ghudzaku,” ka yu.

Vrafta ta zlahu 20:1

« Ka sab sa kuni da gəmata nda vulu nda ghumaha ghuni, ka nghaŋtá kuni ta plisha, ka mwata plisha a tsi, dər malaghu mala ndəghata gwal vulu ka kaghuni, yaha kuni da zləŋa həŋ, kabga kawadaga Yawe, Lazglafta ghuni nda kaghuni, tsatsi ta hlagaghunapta ma haɗika Masar.

Vrafta ta zlahu 31:23

Ka Yawe mnanaftá Yəhusuwa, zwaŋa Nuŋ mantsa: « Mbra ta vgha ka dihavata ka, kabga kagha dzaʼa hladamtá la Israʼila da tsa haɗik waɗata yu ta həŋ ya. Iʼi ná, dzaʼa nza nza yu kawadaga nda kagha, » kaʼa.

Vrafta ta zlahu 31:28

Tskagaghawa tska ta vata iʼi ta inda la galata mndu ma mndəra ghuni, nda gwal nghapta ka kaghuni, ka mnata yu ta tsa gwaɗaha ya ta wa sləməŋa taŋ, ka fata yu ta luwa nda haɗik ka masləmtsək,

Yəhusuwa 1:10

Mantsa tama, ka Yəhusuwa mnanaftá maliha ta ghəŋa mnduha mantsa:

Yəhusuwa 1:17

Dzaʼa snagha sna ŋni ta ŋa gha, manda va ya si ta snanata ŋni ta Musa ma inda skwi ya. Skwi kweŋkweŋ ná, má ka nza Yawe, Lazglafta gha kawadaga nda kagha, manda va ya si nza tsi nda Musa ya.

Yəhusuwa 1:18

Inda mndu ya dzaʼa ganavatá sidi ta zlahuha gha, ka kwalaghuta snatá ŋa gha, nda inda zlahuha dzaʼa ka da mnaŋnata ná, dzaʼa dza dza lu. Skwi kweŋkweŋ ná, ŋava ŋa kagha, ka mbra ka ta vgha, » ka həŋ.

Yəhusuwa 10:25

Ka Yəhusuwa nda tsa maliha ni ya mantsa: « Ma zləŋ kuni, ma rwaghuna tsi ta vgha. Mbrawa mbra ta vgha, ka dihavata kuni, kabga mantsa ya dzaʼa maga Yawe ŋa inda ghumaha ghuni gwal dzaʼa guyata kuni nda həŋ, » kaʼa.

Yəhusuwa 10:8

Ka Yawe nda Yəhusuwa mantsa: « Yaha ka da zləŋaŋtá həŋ, kabga zlaghaŋ zla yu ta həŋ ma dzva gha. Haɗ ya dər turtuk dzaʼa ŋaŋta da kagha wu, » kaʼa.

Yəhusuwa 3:7

Ka Yawe nda Yəhusuwa mantsa: « Gita, dzaʼa zlrafta yu ta kapaghafta ta wa ira inda la Israʼila. Mantsa ya, dzaʼa snaŋ sna həŋ kazlay na kawadaga yu nda kagha manda va ya si nza yu nda Musa ya kəʼa.

Yəhusuwa 6:27

Kawadaga Yawe nda Yəhusuwa, ya laghu hga ni da zərwa ta inda haɗik.

Yəhusuwa 8:1

Ka Yawe nda Yəhusuwa mantsa: « Ma zləŋ ka ta zləŋ, ma rwu mala gha, hlaf hla ta inda gwal vulu kawadaga nda kagha, ka dzaʼa ka da gruŋtá luwa Ghay. Ngha ɓa, vlagha vla yu ta mghama Ghay ma dzva gha. Zlaghaŋ zla yu ta mnduha ni, nda luwa ni, nda haɗika ni tani.

Gwal tsa guma 6:14

Ka mbəɗavatá Yawe nda təv tsatsi, kaʼa mantsa: « La nda na mbraku da kagha na, ka katagapta ka ta la Israʼila ma dzva la Midyaŋ. Iʼi a ta ghuna kagha wu ra! » kaʼa.

1Sam 10:7

Manda nghaŋta gha ta tsa ŋizlaha dzaʼa magaghata ya, ka maga ka ta inda skwi ya dzaʼa slanaghata ka ŋa magay, kabga kawadaga Lazglafta nda kagha.