Yəhusuwa 1:5 - Hdi

⁵ Ma inda nzakwa gha ná, haɗ mndu dzaʼa ŋaŋta da kagha wa. Manda ya nza yu nda Musa ya, manda va tsaya dzaʼa nzata yu nda kagha guli. Haɗ yu dzaʼa walaŋta zlaghata wu, haɗ yu dzaʼa walaŋtá vzighista guli wa.

Yəhusuwa 1:5 Iomraidhean Croise

Zlrafta 39:2

Kawadaga Yawe nda Yusufu, mamu tsəha tida. Ka nzaku tsi ma həga ga daŋahəga ni mnda la Masar.

1Mgh 1:37

Má ka nza Yawe nda Salumuŋ manda si nzakwa ni nda rveri, mghama ɗa ya. Má ka ŋlanaf ŋla tsi ta ga mghama ni ka malaghuta ta ghəŋa ŋa rveri, mghama ɗa Dawuda! » kaʼa.

1Mgh 11:38

Ka sna sna ka ta inda skwi dzaʼa mnaghafta yu, ka ta ksay ka ta tviha ya nghadap yu tɗukwa, nda ma ŋanata gha ta skwiha ta raku, nda zlahuha ɗa, manda ya maga kwalva ɗa Dawuda, dzaʼa nza nza yu kawadaga nda kagha. Dzaʼa vlagha vla yu ta həga ga mgham nda diha, manda ya maga yu ŋa Dawuda, dzaʼa fagham fa yu ma dzvu ta la Israʼila.

1Mgh 6:13

Dzaʼa nza nza yu mataba la Israʼila, haɗ yu dzaʼa zlanavatá mnduha ɗa la Israʼila wu, » kaʼa.

1Mgh 8:57

Ka nza Yawe, Lazglafta mu kawadaga nda amu, manda ya nza tsi nda dzidzíha mu! Ma vzimis tsi, ma zlama tsi.

1Rus 28:20

Ka Dawuda nda zwaŋa ni Salumuŋ mantsa: « Mbra ta vgha, ka ŋavata ka ka maga slna! Yaha ka da zləŋ, yaha ka da ghudzaku, kawadaga Yawe, Lazglafta, ka Lazglafta ɗa, nda kagha. Haɗ dzaʼa zlaghata wu, haɗ dzaʼa zlaghata ŋa zləmbuta gha wu, ha ka kɗatá inda tsa slna ba həga Yawe ya wa.

Sabi 3:12

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Danyel 11:16

Tsa mgham nda ga mazlay ya, ta gavadaghatá tsi, skwi ya kumaŋ tsi dzaʼa tsi magay, haɗ mndu dzaʼa ŋaŋta da tsi guli wa. Dzaʼa nza nza ta haɗik ya ta ɗinuta. Ma dzva ni mbrakwa zaɗanatá inda skwi.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

La Ruma 8:31

Ka si mantsa tsi, nu ta ŋa mnay mu ta ghəŋa tsaya tama? Ka si ŋa mu Lazglafta ya ní, wa dzaʼa dzaŋtá kəma nda amu na?

La Ruma 8:37

Ma inda tsa skwiha ya ná, fərtapfərta amu ma zatá ghwa, nda ma mndu ya ta ɗvutá amu.

Vrafta ta zlahu 20:1

« Ka sab sa kuni da gəmata nda vulu nda ghumaha ghuni, ka nghaŋtá kuni ta plisha, ka mwata plisha a tsi, dər malaghu mala ndəghata gwal vulu ka kaghuni, yaha kuni da zləŋa həŋ, kabga kawadaga Yawe, Lazglafta ghuni nda kaghuni, tsatsi ta hlagaghunapta ma haɗika Masar.

Vrafta ta zlahu 20:4

kabga Yawe, Lazglafta ghuni ta mbaɗa kawadaga nda kaghuni ŋa gəmata nda vulu nda ghumaha ghuni ŋa mbaghunafta,” kaʼa dzaʼazlay.

Vrafta ta zlahu 31:23

Ka Yawe mnanaftá Yəhusuwa, zwaŋa Nuŋ mantsa: « Mbra ta vgha ka dihavata ka, kabga kagha dzaʼa hladamtá la Israʼila da tsa haɗik waɗata yu ta həŋ ya. Iʼi ná, dzaʼa nza nza yu kawadaga nda kagha, » kaʼa.

Vrafta ta zlahu 4:31

Yawe, Lazglafta ghuni ná, Lazglafta tawa hiɗahiɗa ya. Zlaghunata a wu, zaɗaghunata a wu, zanapta a ta dzratá wa ni hbaf tsi nda waɗu nda dzidzíha ghuni wa. »

Vrafta ta zlahu 7:24

Dzaʼa vlaghuna vla ta mghamha taŋ ma dzva ghuni. Ka hərɗiŋta ghuni ta hga taŋ ta ghəŋa haɗik. Haɗ ya dzaʼa sladata ta kəma ghuni wu, dzaʼa zaɗana zaɗa kuni ta həŋ demdem.

2Tim 4:17

Tsaw nza nza Mgham Lazglafta kawadaga nda iʼi, ka vlihatá tsi ta mbraku, kəl yu ka kɗanaktá mna gwaɗa ni, ka snaŋtá inda gwal kul nzakway ka la *Yahuda. Katigipkata Lazglafta guli ma wa rveri.

Hebru 13:5

Yaha tsedi da tɗaghatá kaghuni. Rfawa rfa ta rfu ta ghəŋa kuraghuta ya da kaghuni, kabga ka Lazglafta na: « Haɗ yu dzaʼa zlaghata wu, haɗ yu dzaʼa walaŋtá vzighista wu, » kaʼa.

Yəhusuwa 1:17

Dzaʼa snagha sna ŋni ta ŋa gha, manda va ya si ta snanata ŋni ta Musa ma inda skwi ya. Skwi kweŋkweŋ ná, má ka nza Yawe, Lazglafta gha kawadaga nda kagha, manda va ya si nza tsi nda Musa ya.

Yəhusuwa 1:9

Mnaghaf a yu kazlay na ka ŋavata ka, ka mbra ka ta vgha kəʼa kay ra? Yaha ka da ghudzaku, yaha ka da zləŋ, kabga kawadaga Yawe, Lazglafta gha nda kagha, ma inda vli ta dzaʼa ka, » kaʼa.

Yəhusuwa 10:8

Ka Yawe nda Yəhusuwa mantsa: « Yaha ka da zləŋaŋtá həŋ, kabga zlaghaŋ zla yu ta həŋ ma dzva gha. Haɗ ya dər turtuk dzaʼa ŋaŋta da kagha wu, » kaʼa.

Yəhusuwa 21:44

Ka vlaŋtá Yawe ta mbiʼa vgha ta inda vli ta wanaftá həŋ, manda ya waɗana tsi ta dzidzíha taŋ. Inda ghumaha taŋ guli, haɗ ya ta laviŋtá sladata ta kəma taŋ wu, kabga zlanaŋ zla Yawe ta inda ghumaha taŋ ma dzva taŋ.

Yəhusuwa 3:7

Ka Yawe nda Yəhusuwa mantsa: « Gita, dzaʼa zlrafta yu ta kapaghafta ta wa ira inda la Israʼila. Mantsa ya, dzaʼa snaŋ sna həŋ kazlay na kawadaga yu nda kagha manda va ya si nza yu nda Musa ya kəʼa.

Yəhusuwa 6:27

Kawadaga Yawe nda Yəhusuwa, ya laghu hga ni da zərwa ta inda haɗik.

Gwal tsa guma 2:18

Ma fitika zlaganapta Yawe ta gwal tsanatá guma ta həŋ, kawadaga Yawe nda mnda tsa guma, ka katu tsi ta həŋ da ghumaha taŋ ma fitika nzakwa tsa mnda tsa guma ya. Ta taway ta hiɗahiɗa ta ŋaɗa ghəŋ ta ŋaɗ həŋ, dabga gwal ta ghuya ɗaŋwa ŋa taŋ, ka sa duni ŋa taŋ ya.

Gwal tsa guma 6:16

Ka Yawe nda tsi mantsa: « Dzaʼa nza nza yu kawadaga nda kagha, dzaʼa psla psla ka ta la Midyaŋ demdem, manda dzatá mndu turtuk, » kaʼa.

1Sam 10:7

Manda nghaŋta gha ta tsa ŋizlaha dzaʼa magaghata ya, ka maga ka ta inda skwi ya dzaʼa slanaghata ka ŋa magay, kabga kawadaga Lazglafta nda kagha.