Yəhusuwa 1:1 - Hdi

¹ Tahula mtuta Musa, kwalva Yawe, ka Yawe nda Yəhusuwa zwaŋa Nuŋ, si slufa Musa ya mantsa:

Yəhusuwa 1:1 Iomraidhean Croise

1Mgh 19:16

Ka famta ka nda ma pghanaghatá rɗi ta Yehu, zwaŋa Nimsi ka mghama la Israʼila. Ka famta ka nda ma pghanaghatá rɗi ta Ilisa, zwaŋa Safat, mnda luwa Avelʼməhula ŋa nzakwa ni ka anabi ma vla gha.

2Mgh 3:11

Ama ka Yəhusafat mantsa: « Haɗ sana anaba Yawe ɗekɗek hadna, ka dzaʼa mu da ɗawaŋtá ndana Yawe da tsi ra? » kaʼa. Ka sani ma kwalvaha mghama la Israʼila mantsa: « Mamu Ilisa, zwaŋa Safat hadna, mndu si ta sə Iliya ta imi tida, » kaʼa.

Nəhemiya 8:17

Ka babaftá inda tsa tskata mnduha ta varagaghata si hlagha lu ta həŋ ya ta dumbiha, ka nzanzamta mida, kabga magaŋ a la Israʼila ta tsa skalu ya daga ta Yəhusuwa zwaŋa Nuŋ ha ka sagha baɗ tsaya wa. Ka rfu həŋ ta rfu katakata.

Sabi 24:13

Ka sliʼafta Musa nda Yəhusuwa slufa ni, ka lafi Musa ta ghwá Lazglafta,

Mbsak 11:28

Ka Yəhusuwa zwaŋa Nuŋ, slufa Musa daga ma ga duhwala ni mantsa: « Rvera ɗa Musa, pyaf pya ta həŋ! » kaʼa.

Mbsak 12:7

Mantsa ya a ŋa kwalva ɗa Musa wa. Tsatsi ta nzakway ka mnda ɗa faf yu ta ghəŋ tida ŋa inda həga ɗa.

Mbsak 13:16

Tsaha ya hga zgwana ghunagha Musa ta həŋ ŋa vitsaptá tsa haɗik ya. Ka tsanaftá Musa ta hgu ta Huseyagh zwaŋa Nuŋ ka Yəhusuwa.

Mbsak 13:8

Mataba mndəra la Ifrayim, Huseyagh zwaŋa Nuŋ.

Lukwa 16:10

Ka nda sna mndu ta ŋanatá skwi kwitikw, nda sna guli ta ŋanatá skwi dagala. Ka sna a mndu ta ŋanatá skwi kwitikw wu katsi, sna a guli ta ŋanatá skwi dagala wa.

Slna gwal ghunay 7:45

Tahula tsa, ka zlghaftá dzidzíha mu guli da dadaha taŋ. Ka pghaftá Dzesuwa ta həŋ ka hladamta da tsa haɗik ghəzlaf Lazglafta ta mnduha mida ta kəma taŋ ya, kawadaga nda tsa həga tumpul ya. Ka nzaku tsi ha ka sagha ta fitika Dawuda.

La Ruma 1:1

Iʼi Pwal ta nzakway ka kwalva *Yesu *Kristi ta vindaftá na ɗelewer na. Lazglafta ta hgaftá iʼi ŋa nzakwa ɗa ka mnda ghunay ni. Tsatsi ta zbaptá iʼi ŋa dzaʼa ɗa mna Lfiɗa Gwaɗa ni ŋa mnduha.

Vrafta ta zlahu 1:38

Ama slufa gha Yəhusuwa, zwaŋa Nuŋ ya, dzaʼa lam la tsatsi. Vlaŋ mbraku, kabga tsatsi dzaʼa hladamtá la Israʼila da tsa haɗik ya, ŋa nzakwa ni ka haɗika za həga taŋ,” kaʼa.

Vrafta ta zlahu 31:23

Ka Yawe mnanaftá Yəhusuwa, zwaŋa Nuŋ mantsa: « Mbra ta vgha ka dihavata ka, kabga kagha dzaʼa hladamtá la Israʼila da tsa haɗik waɗata yu ta həŋ ya. Iʼi ná, dzaʼa nza nza yu kawadaga nda kagha, » kaʼa.

Vrafta ta zlahu 31:3

Yawe, Lazglafta ghuni dzaʼa klaghunatá kəma, tsatsi dzaʼa zaɗanatá na mndəra mnduha ta kəma ghuni na ŋa ghəzlafta ghuni ta həŋ. Yəhusuwa dzaʼa klaghunatá kəma manda ya mna Yawe.

Vrafta ta zlahu 33:1

Wya tfa wi ya tfanagha Musa, mnda Lazglafta ta la Israʼila makəɗ tsi ka mtuta.

Vrafta ta zlahu 34:12

Ta wa ira inda la Israʼila guli ná, ka magatá Musa ta skwiha nda mbra nda mbra ta ga zləŋ.

Vrafta ta zlahu 34:5

Ka mtutá Musa kwalva Yawe hada ta haɗika Muwav manda ya mnaf Yawe.

Vrafta ta zlahu 34:9

Nda ndəgha Yəhusuwa, zwaŋa Nuŋ nda Sulkuma ɗifil, kabga fanagha fa Musa ta dzvu. Ka snə la Israʼila ta gwaɗa da tsi, ka maga skwi ya mnanaf Yawe ta Musa.

Titus 1:1

Iʼi Pwal ta nzakway ka kwalva Lazglafta, ghunatá mnda *Yesu *Kristi, ŋa kataŋtá mnduha ɗagap Lazglafta ŋa nzakway ka ŋa ni, ŋa snanamtá həŋ ta vərɗaka tagha skwi ta maramatá tva nzaku ta zɗəganatá Lazglafta ya.

Yakubu 1:1

Iʼi Yakubu ta nzakway ka kwalva i Lazglafta nda Mgham *Yesu *Kristi, ta ga zgu yu ŋa ghuni mndəra mnduha Ghwaŋpəɗ his ta wutsa ta vgha ta ghəŋa haɗik.

Yəhusuwa 1:15

ha ka vlaŋta Yawe ta mbiʼa vgha ta zwana ma ghuni, manda ŋa kaghuni ya, ŋa zata hahəŋ guli ta haɗik ya vlaŋ Yawe, Lazglafta ghuni ta hahəŋ. Tahula tsa, ŋa vragaghuta ghuni zaktá haɗika ghuni ta ɓla zala Yardeŋ təv safa fitik ya vlaghuna Musa, kwalva Yawe ya, » kaʼa.

Yəhusuwa 1:2

« Mtu mta kwalva ɗa Musa. Ndana tama, sliʼaf sliʼa gha, kagha dzaʼa tsughwaɗa zala Yardeŋ kawadaga nda inda na mnduha na, ŋa lami da haɗik ya dzaʼa vlaŋta yu ta la Israʼila.

Yəhusuwa 12:6

Musa, kwalva Yawe, kawadaga nda la Israʼila ta kwaraftá həŋ. Ka vlaŋtá Musa, kwalva Yawe ta haɗika taŋ ka skwa za həga taŋ ta mndəra la Rubeŋ, nda la Gat, nda ya ŋa rita mndəra la Mənase.

Suna Yuhwana 1:18

iʼi hafu. Si nda mta yu, ama nda hafu yu ndana ŋa kɗekedzeŋ. Ma dzva ɗa ŋanata yu ta makuɓla mtaku nda həga mtaku tani.