Sabi 10:3 - Hdi

³ Ka lagha i Musa nda Haruna da Firʼawna, ka həŋ nda tsi mantsa: « Ka Yawe, Lazglafta la Hebru wa: “Ha yawu dzaʼa gɗavata ka ma kwal kul dzagatá ghəŋ ta kəma ɗa na? Zlana zla ta mnduha ɗa ka sliʼa həŋ, ka tsəlɓa həŋ ta tsəlɓu ŋa ɗa.

Sabi 10:3 Iomraidhean Croise

1Mgh 18:21

Ka gavadaghatá Iliya ta vata mnduha demdem, kaʼa mantsa: « Ha ŋa Yawu dzaʼa gwafta kuni ta tvi his na? Ka si Yawe na Lazglafta katsi, lawa la mista ni, ala ka Baghal tsi guli ya, lawa la mista ni! » kaʼa. Ama pslanaf a mnduha ta wi dər teʼ wa.

1Mgh 21:29

« Nda ngha ka ká Ahav hanaganatá ghəŋ ta kəma ɗa kiʼe? Tsəhala hanagana hana tsi ta ghəŋ ta kəma ɗa ya, haɗ yu dzaʼa ghunanaktá tsa zləmnda ya ma nzakwa ni nda hafu wu, ama ma fitika ga mghama zwaŋa ni dzaʼa klakta yu ta ghəŋa la ga taŋ, » kaʼa.

2Mgh 22:19

Tsəhala ta haga madər ka, ka hanaganatá ka ta ghəŋa gha ta kəma Yawe snaŋər ka ta skwi mna yu ta ghəŋa tsa vli ya, nda mnduha ta nzakw mida tani, kazlay dzaʼa nzakway tsa luwa ya ka kufik, vli nda ksiʼa kəʼa ya, nda ya ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

2Rus 33:12

Ma tsa nzakwa ni ma ghuya ɗaŋwa ya, ka zbə tsi ta lɓanatá ŋuɗuf ta Yawe, Lazglafta ni, ka hanaganatá tsi ta ghəŋ katakata ta kəma Lazglafta dzidzíha ni.

2Rus 33:19

Ndəɓa dzva ni, nda ya ká Lazglafta tsuʼanaftá tawa ni, inda dmakuha ni nda ghwaɗaka skwiha maga tsi, nda vliha ya babaf tsi ta vliha tskal tskala, nda dzagwatá skwa wuyayha Asera, nda tsatsatá skwa wuyayha makəɗ tsi ka hanaganatá ghəŋ ná, nda vivinda ma ɗelewera Huzay.

2Rus 34:27

Tsəhala ta haga madər ka, ka hanaganatá ka ta ghəŋa gha ta kəma Lazglafta ma snaŋta gha ta tsa gwaɗaha ta ghəŋa tsa vli ya, nda ya ta ghəŋa mnduha ni, kabga hanaganata gha ta ghəŋ ta kəma ɗa, ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

2Rus 7:14

ka lagha mnduha ɗa, ya ta hgə lu ta həŋ nda hga ɗa ta həŋ, ka hanaganatá ghəŋ, ka ndəɓa dzvu, ka zba iʼi, ka mbəɗanatá hul ta ghwaɗaka tva taŋ katsi, dzaʼa snaga sna yu daga ta luwa, dzaʼa plana pla yu ta dmakwa taŋ, dzaʼa mbanaf mba yu ta haɗika taŋ.

Sabi 10:4

Ka kwalaghu kwala ka ta zliŋtá həŋ katsi, dzaʼa zligiŋ zla yu mahtsim ta hiʼa maya ta kwakwara gha.

Sabi 16:28

Ka Yawe nda Musa mantsa: « Ha ŋa yawu dzaʼa kwalaghuta kuni ta snatá zlaha ɗa, nda skwiha ya ta mnaghunafta yu na?

Sabi 4:23

Ka yu si nda kagha na: Zliŋ zla ta zwaŋa ɗa ŋa dzaʼa ni da tsəlɓu ŋa ɗa ka yu, ama ka kwalaghuta ta zliŋta. Mantsa tama, dzaʼa dza dza yu ta zwaŋa gha, zumala gha,” » kaʼa.

Sabi 5:1

Tahula tsa, ka lagha i Musa nda Haruna da Firʼawna, ka həŋ mantsa: « Ka Yawe, Lazglafta la Israʼila na: “Zliŋ zla ta mnduha ɗa ka dzaʼa həŋ skalihatá skalu ma mtak,” » kaʼa.

Sabi 9:17

Kulam nda tsa, ta gla ghəŋ ka ta ghəŋa mnduha ɗa, zliŋ a ka ta həŋ wa.

Danyel 5:22

Kagha, Belsatsar zwaŋa ni, nda sna kagha ta inda tsa skwiha ya, kulam nda tsa, hanagana a ka ta ghəŋa gha wa.

Mbsak 14:27

« Ha ŋa yawu dzaʼa zlanata yu ta guyatá ghəŋa na mnduha ka ghwaɗak ta ruruŋwaku nda iʼi na na? Sniɗigha sna na ruruŋwakwa la Israʼila ta ghəŋa ɗa.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Yakubu 4:10

Hanaganawa ghəŋa ghuni ta kəma Mgham, dzaʼa kapaghunaf kapa.

1 Piyer 5:6

Hanaganawa ghəŋ mista mbrakwa Lazglafta, kada kapaghunafta tsi ma fitik ya kumaŋ tsi.