Hebru 9:2 - Hdi

² nda tumpul bafta lu ta tsa həga ya. Taŋtaŋa huɗa tsa həga ya ná, vli nda ghuɓa ta hga lu. Mida famta lu ta pitirla, nda tabəl, nda buradi ŋa Lazglafta.

Hebru 9:2 Iomraidhean Croise

Sabi 25:23

« Ka tsafta ka ta tabəl nda udza kwehi: Ka mitər turtuk slrakwa ni, ka saŋtimitər hutaf mbsak bughwata ni, ka saŋtimitər ndəfáŋ mbsak slada ni.

Sabi 25:30

Ka pghafta ka ta tsa tabəl ya ta buradi dzaʼa vlihata lu ŋa nzakwa ni ta kəma ɗa ŋa ɗekɗek. »

Sabi 25:31

« Ka magafta ka ta sundula pitirla nda dasu ghenen. Tida tida dzaʼa taɗagapta ka nda guduma ta səla ni, nda sundula ni, nda ŋulaŋha ni, nda mazalha ni, nda vzlizlaha ni ka skwa turtuk.

Sabi 26:1

« Ta ghəŋa gwaɗa ta həga tumpul ya ná, ŋa magafta gha ta patakha ghwaŋ nda vəvɗatá sləvdza liŋ kulefeɗ, tsərslata ni nda sləvdzi ka kubwalkubwal, nda ya ka dva ghuz, nda ya ka dva ghəlez. Ka gagamta gwal ta vivɗa ta kerubaha mida guli.

Sabi 26:33

Nda mista tsa skwiha hdeuʼhdeuʼ ya dzaʼa hbiŋta ka ta tsa zlala ya. Dzaʼa kladamta nda ta hula tsa zlala ya ka ta akwata dzratá wi. Tsa zlala ya dzaʼa dgaghunaptá vli nda ghuɓa, nda vli ta ghuɓuta.

Sabi 26:35

Ka fata ka ta tabəl nda ta kəma zlala ma tsa vli nda ghuɓa ya nda ta slərpu ma tsa həga tumpul ya nda ga mazlay. Ka fata ka guli ta pitirlaha mbəŋ nda tsa tabəl ya nda ta slərpu təv maghura.

Sabi 29:1

« Wya skwi dzaʼa ka magay ŋa pghaɗimtá i Haruna nda zwana ni ŋa magihata taŋ ta slna dra skwi: Ka klafta ka ta lghəŋ dɓakwa nda maŋazakha his kul haɗ maslivinza ta həŋ.

Sabi 29:35

Ka maganata ka ta i Haruna nda zwana ni ta inda skwiha manda va ya mnaghaf yu. Ka magata ka ta fitik ndəfáŋ ta pghamtá həŋ ma slna.

Sabi 40:2

« Baɗ taŋtaŋ ma tila mataŋtaŋ dzaʼa dzugwata ka ta həga, həga tumpula guyaku.

Sabi 40:4

Ka famta ka ta tabəl, ka payafta ka ta skwiha ŋa tida. Ka famta ka ta pitirlaha, ka tsatsuŋta ka ta vu ta wa tsa pitirlaha ya.

Mata 12:4

Ka lam həŋ da həga Lazglafta ka zuta həŋ ta skwa zay fana lu ta Lazglafta. Haɗ sana mndu ta za tsa skwa zay ya, dər Dawuda, dər tsa gwal kawadaga nda tsi ya mazlay wu, ba gwal dra skwi ŋa Lazglafta yeya ta zay.

Mata 5:15

Haɗ lu ta tsamtá vu ma pitirla ka dzuɓamta ma tughba wa. Ta vli tskala ta fagata lu ŋa tsuwaɗakay ni ta inda gwal ma tsa həga ya.

Hebru 9:25

Inda vaku tsa mali ta ghəŋa gwal ta dra skwi ŋa Lazglafta ta dzaʼa da tsa vli nda ghuɓa katakata ma həga tumpul ya nda tatá usa rini. Ama Kristi ná, lam a tsatsi ŋa gɗata ta vlatá ghəŋa ni wa.