Hebru 9:14 - Hdi

¹⁴ Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Hebru 9:14 Iomraidhean Croise

2Sam 4:11

Kighkigh dzaʼa nzakwa tsi nda ghwaɗaka mnduha ta dzatá tɗukwa mndu ma həga ni ta ghəzləŋa ni, ɗawta a yu ta usa ni da kaghuni ka zaɗaghunata ta ghəŋa haɗik wu ra? » kaʼa.

2Mgh 19:16

Ar Yawe, fa fa ta sləməŋ, ka sna ka! Guna guna ta iri gha Yawe, ka ngha ka! Sna ɓa ta gwaɗa Saŋheriv ta ghunakta ŋa raza kagha Lazglafta nda hafu mida!

Sabi 12:5

Tsa slaɓalakwa skwi nda səla dzaʼa klafta həŋ ya ná, maŋazak ka dugzum turtuk vakwa ni a tsi katsi, kul haɗ maslivinza tida.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

La Levi 22:20

Yaha kuni da vlatá skwi nda səla nda maslivinza tida, kabga tsuʼaghunafta a yu wa.

Mbsak 28:11

« Ma inda ngha tili, kladaghata ghuni ŋa Yawe ta skwa pla ghəŋ ŋa dray tsuh tsuh: Ta lghəŋha dɓakw dɓakwa his, nda maŋazak turtuk, nda slaɓalakwha maŋazak ndəfáŋ turtuk turtuk vakwa taŋ, rini kul haɗ maslivinza ta həŋ,

Mbsak 28:3

Ka mnanata ka ta həŋ: Wya skwa pla ghəŋ ŋa dray ta vu dzaʼa kladaghata kuni ŋa Yawe: Slaɓalakwha maŋazak his turtuk turtuk vakwa taŋ, kul haɗ maslivinza ta həŋ, ka skwa pla ghəŋ ŋa dray tsuh tsuh inda fitik.

Mbsak 28:9

« Baɗ Sabat, dzaʼa vla vla lu ta slaɓalakwha maŋazak his turtuk turtuk vakwa taŋ, kul haɗ maslivinza ta həŋ, nda mbəha nimaya ka hpu kəzlitit ka kiluʼ mkuʼ hwaɗata ni nda rɗi, nda skwi ŋa slranata.

Mata 12:28

Ala, ka si nda Sulkuma Lazglafta ta ghəzla yu ta ghwaɗaka sulkumha katsi, ɓhavaghunaɓha ga mghama Lazglafta nda tsa tama.

Mata 16:16

« Kagha ná, *Kristi ka, Zwaŋa Lazglafta ya ta vla hafu ka, » ka *Piyer nda tsi.

Mata 20:28

Manda va tsaya ná, sa a *Zwaŋa mndu ŋa maganata lu ta slna wa. Ama sasa ŋa maganatá slna ta mnduha, ŋa vlata ni ta hafa ni ŋa mbanaftá ndəghata mnduha, » kaʼa.

Mata 7:11

Ka si kaghuni ta nzakway ka ghwaɗaka mnduha, nda sna kuni ta klaftá ŋərma skwiha ka vlaŋtá zwana ghuni ya ní, Da ghuni ta luwa yeya dzaʼa kwal kul snaŋta klaftá skwiha ɗina ɗina, ka vlaŋtá gwal ta ɗawaŋta da tsi rki? »

Lukwa 1:74

“Dzaʼa mbaghunaf mba yu ma dzva ghuma ghuni, kada laviŋta kuni ta ksanatá slna kul haɗ zləŋ,

Lukwa 12:24

Nghawa zarakataghuvi ɓa, haɗ ta sləgu dər tska skwi ta vwah wu, haɗ wbani wu, haɗ guvurani guli wu, Lazglafta ta zuŋtá skwi. Malaghu mala a kaghuni piw ta ɗyakha ra?

Lukwa 12:28

Ka gita u na ka Lazglafta pghanavatá rka ta kuzuŋ ma vwah ná, gi ga mahtsima ni ŋa driŋta nda vu. Kaghuni yeya dzaʼa kwal tsi suɗavaghunatá lgut tama rki? Nahgani ta htiŋtá zlghay nda ŋuɗufa ghuni? Nu kul laviŋtá kuni ta faftá ghəŋ?

Lukwa 4:18

« Kawadaga Sulkuma Lazglafta nda iʼi ŋa vlihatá mbraku. Zbap zba Lazglafta ta iʼi ka tfiɗaghatawi ŋa mnanatá Lfiɗa Gwaɗa ta gwal ka pɗu, ghunaf ghuna ta iʼi ŋa mnanatá gwal habaf lu kazlay: Palaghunispala lu kəʼa, ŋa gwaniŋtá ira gwal nda ghulpa, ŋa zluʼagapta ɗa ta gwal raghwana lu,

Yuhwana 3:34

Mndu ghunaga Lazglafta ná, gwaɗa Lazglafta ta gwaɗ tsi, kabga zwakuzwakwa Sulkum vlaŋ Lazglafta mida.

Slna gwal ghunay 1:2

ha ka sagha ta fitik kəl lu ka klaghata ta luwa. Ma kɗaku tsi ka ŋlaghatá ta luwa na, vlaŋ vla ta zlahuha ni nda mbrakwa Sulkum nda ghuɓa ta mnduha ya zabap tsi ka gwal ghunay.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

Slna gwal ghunay 14:15

« Nawawanawa zwana ma, nahgani na dzaʼa kuni magay na? Mndu aŋni manda va kaghuni tane. *Lfiɗa Gwaɗa ŋa aŋni ta kləgaghunaghata, ka zlaŋta kuni ta skwa wuyayha ka mbəɗakta kuni ta vgha təv Lazglafta ya nda hafu mida, ya ta magaftá luwa nda haɗik, nda inda skwiha mida tani.

Slna gwal ghunay 15:9

Haɗ sana skwi dgana Lazglafta ta amu nda hahəŋ manda ghuɓiŋta ni ta ŋuɗufa taŋ, ma zlghafta taŋ wa.

La Ruma 1:20

Nzakwa Lazglafta ka ghəŋa ni nda mbrakwa ni ya ŋa kɗekedzeŋ ná, skwi ya kul laviŋtá lu ta nghaŋta ya. Ama daga ka yawu zlrafta ghəŋa haɗik, laviŋ lava lu ta nghaŋta nda ta tva skwiha ya maga tsi. Ta haɗ mndu nda pslaftawi da tsi wa.

La Ruma 1:4

Ma sliʼagaptani ma mtaku, ka kligiŋtá Lazglafta ta ghəŋa nzakwa ni ka zwaŋa ni nda mbrakwa ni ta tsa Yesu Kristi Mghama mu ya. Ka mutsaftá tsi ta inda mbrakwa Sulkum nda ghuɓa.

La Ruma 11:12

Ka si klanak kla tsa zlambakwa taŋ ya ta skwi ɗina ta ghəŋa haɗik, klanak kla tsa hta ta həŋ ya guli ta skwi ɗina ta gwal kul nzakway ka la Yahuda katsi, kighkigh dzaʼa nzakwa tsi baɗu vravakər inda la Israʼila tama?

La Ruma 11:24

Ka si kagha, nzakwa fwa zaytuŋ ma mtak ta tsagaghata lu ka ndiʼanafta ta fwa zaytuŋ ya ta hvə lu nda hva ka katsi ya ní, hahəŋ ta nzakway ka fwa zaytuŋ ta hvə lu nda hva nzakwa taŋ yeya, dzaʼa kwal lu kul ndiʼiglanafta ta va tsa dughwaŋa ni ya rki?

La Ruma 6:13

Ma zlanaŋ kuni ta dmaku ta fawayha ghuni ŋa maga dmaku. Katək ná, vlaŋwa vla ta ghəŋa ghuni ta Lazglafta, kabga nda nza kuni ka gwal nda hafu ta sliʼagapta ma mtaku. Zlanaŋwa fawayha ghuni ta Lazglafta, ka maga tsi ta skwiha ya tɗukwa nda həŋ.

La Ruma 6:22

Ndana tama guli ná, pligighunispla lu ma dmaku ka nutá kuni ka kwalva Lazglafta ka mutsaftá kuni ta nzata nda ghuɓa ma nzakwa ghuni, ŋa mutsay ghuni ta hafu ŋa kɗekedzeŋ ma kɗavakta ni.

1Kwa 15:45

Manda ya nda vinda ma deftera Lazglafta na: « Adamu taŋtaŋa mnda səla vuslanam Lazglafta ta hafu. » Mahisa *Adamu ta nzakway ka *Kristi ya ná, ta luwa saha tsatsi, tsatsi ta vla hafu ŋa mnduha.

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

2Kwa 6:16

Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

Galat 2:19

Zlahu ta dzatá iʼi, kəl yu ka zlaŋtá zlahu ŋa nzakwa ɗa nda hafu da Lazglafta. Ma zləŋaftá Kristi ta udza zləŋay ná, kawadaga mtuta yu nda tsi.

Afisus 2:5

Kulam nda va tsa rwatá amu, kabga vəl magata mu ta ghwaɗaka skwiha ya ná, ka ɗvaftá tsi ta amu ka vramamta nda hafu kawadaga nda *Kristi. Zɗakatahuɗa Lazglafta kəl kuni ka mbafta.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Vrafta ta zlahu 15:21

Ka mamu ya nda maslivinza tida, dər ta dzəgiɗi tsi, dər nda ghulpa tsi, dər mndəra wati ma maslivinza a tsi tida, haɗ kuni dzaʼa hna tsaya ŋa Yawe, Lazglafta ghuni wa.

Vrafta ta zlahu 17:1

Yaha kuni dá planatá ghəŋ ta Yawe, Lazglafta ghuni nda sla, ka rina fisik a tsi, ya nda maslivinza tida, ka ya ka tərɗa a tsi, kabga nda nza tsaya ka manzakɗaway ka ŋa Yawe, Lazglafta ghuni.

Vrafta ta zlahu 31:27

Iʼi ná, nda sna yu ta gatá sida ghuni nda təŋatá ghəŋa ghuni. Ka si ma na nzakwa ɗa ta nda hafu kawadaga nda kaghuni na, ta ga sidi kuni nda Yawe ya ní, kighkigh dzaʼa maga kuni tahula mtatá iʼi na!

Vrafta ta zlahu 33:27

Lazglafta ŋa kɗekedzeŋ vla ɗifa gha, mista gha dzva ni ŋa ɗekɗek. Ghəzlaf ghəzla ta ghuma ta kəma gha, “Zaɗana zaɗa gha!” kaʼa.

Vrafta ta zlahu 5:26

Tsaya ná, wati ma mndu ya, tahula snaŋta ni manda aŋni ta lwa Lazglafta nda hafu mida ta gwaɗagapta ma vu, ŋa nzata ni nda hafu na?

1Tes 1:9

Nda wa taŋ ta rusa mnduha ŋa ŋni, ká kuni tsuʼaftá aŋni ma lagha ŋni da kaghuni, nda ya ká kuni zlaŋtá skwa wuyay ka mbəɗavata tsəlɓu ta kəma vərɗa Lazglafta ya ta vla hafu,

1Tim 1:17

Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!

1Tim 3:15

Ala, ka gərɗugərɗa yu katsi, dzaʼa nda sna ka ká ka dzaʼa nzaku ma həga Lazglafta ta nzakway ka *Igliz, hahəŋ guguɗi ta dihanatá kahwathwata.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 10:10

Maga maga *Yesu Kristi ta skwi ta kum Lazglafta. Ka vlaŋtá tsi ta ghəŋa ni ŋa pla ghəŋ turtuktuk səla. Mantsa ya kəl mu ka nzakway nda ghuɓa ta wa ira Lazglafta.

Hebru 10:12

Ama Yesu Kristi ná, turtuktuk vlata tsatsi ta ghəŋa ni ŋa pla ghəŋ ŋa hərɗiŋta ɗekɗek ta dmakwa mnduha. Tahula tsa, ka nzatá tsi nda ga zeghwa Lazglafta.

Hebru 10:2

Ka si má ta ghuɓay tsi katsi, magata taŋ turtuktuk ya ná, má ndanəgla a həŋ ta dmakuha taŋ wu, má zlaŋ zla lu ta pləgəltá ghəŋ.

Hebru 10:22

Ma tsa nzakwa ni mantsa ya tama, gavanamavagava ta Lazglafta nda ŋuɗuf turtuk, nda fata ghəŋ dar, nda ghuɓata ŋuɗuf kul haɗ dmaku mida, nda mbazatá mbaza nda imi tsələŋa.

Hebru 11:21

Nda ma zlghay nda ŋuɗuf tfanaghata Yakubu ta wi ta zwana Yusufu ma ndusakwani ka mtaku. Ta tfə tsi ta tsa wi ya ŋa taŋ, ka dzuɓuŋtá tsi ta vgha ta wa dafa ni ka tsəlɓu ta kəma Lazglafta.

Hebru 13:12

Tsaya kəl Yesu ka mtuta guli tahula luwa, ŋa ghuɓiŋtá dmakwa mnduha nda ma ŋa ni ma us.

Hebru 3:12

Ɗasuwa ka kuni zwana ma ɗa, yaha ya dər turtuk mataba ghuni da nzata nda ghwaɗaka ŋuɗuf ka zlanavatá Lazglafta ta vla hafu ya.

Hebru 6:1

Mantsa ya tama, zluŋmazla ta hamata zwana tagha skwi ya ta tagh mu ta ghəŋa *Kristi, mbaɗma ta ghəŋa tagha skwa gwal nda ndəha. Ma laghu mu vrəglafta ta ghəŋa dughwaŋa skwi ta nzakway ka: Gwaɗa ta ghəŋa pla dmaku, ŋa zlaŋta mnduha ta maga slnaha ya ta kla həŋ da Zaɗaku, nda gwaɗa ta zlghaftá Lazglafta nda ŋuɗuf,

Hebru 7:16

Nza a tsa mndu ya ka mndu ta ksa slna Lazglafta manda ya ta mnata zlahu ta fata mndu wa. Tsatsi ná, nza nza tsatsi nda mbrakwa hafu ya kul kɗavakta.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 9:12

Ma tsa lami lam *Yesu turtuktuk da tsa huɗi nda ghuɓa katakata ya ná, lam a nda klatá usa dugzumha nda zwaŋa lghəŋ wa. Vərɗa ŋa ni ma us vla tsi, ka mbamafta ŋa ɗekɗek ma dmakuha mu.

Hebru 9:26

Ka má mantsa tsi ná, má mbəɗava a fitika ghuyay ni ta ɗaŋwa daga ka yawu zlagapta ghəŋa haɗik wa. Turtuktuk səla zlagapta tsatsi ma na kɗavakta fitik na. Ka vlaŋtá tsi ta ghəŋa ni ta Lazglafta ŋa hərɗiŋtá dmakwa mu ɗekɗek.

Hebru 9:7

Ama ma tsa mahisa huɗi ya, mali ta ghəŋa gwal ta dra skwi ŋa Lazglafta turtukwa ni ta lami dida, turtuk ma vaku, ŋa kladanamtani nda usa rini, ŋa vlaŋtá Lazglafta ŋa plinistá krughuva ni, nda ya ŋa plinistá ŋa hamata mnduha guli.

Hebru 9:9

Tsaya skwa gray nda skwi ta magaku gitana. Ta maray kazlay: Vla skwi ta vlə lu, nda pla ghəŋ ta plə lu ŋa Lazglafta ná, slaghu a ŋa dzanaghatá ghəŋa ghuɓatá dmakwa gwal ta tsəlɓu ŋa ni wu kəʼa.

1 Piyer 1:19

ama nda usa Kristi ta bluta varata lu ta kaghuni. Manda zwaŋa tuwak kul haɗ maslivinza, kul haɗ rɗak tida ya, na tsa Kristi ya.

1 Piyer 2:22

Tsatsi ná, walaŋ a ta gatá dmaku wu, haɗ sana tsakalawi ta sabi ma wa ni wa.

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Piyer 4:2

Ma na pɗakwa fitik ŋa zay ghuni nda hafu ta na ghəŋa haɗik na ná, nzawa nza ta nzaku manda ya ta zɗəganatá Lazglafta, manda ya ta haraʼu sluʼuvgha ya a wa.

1 Yuhwana 1:7

Ala ka si ta mbaɗ ma tsuwaɗak mu ta mbaɗa manda nzakwa Lazglafta ma tsuwaɗak ya, nda guya ghəŋa mu sani nda sani nda tsa ŋa ghuɓimista usa *Yesu Zwaŋa Lazglafta ta inda dmakuha mu.

1 Yuhwana 3:5

Wya nda sna kaghuni kazlay: Sasa Yesu Kristi ta ghəŋa haɗik da klaghutá dmakwa mnduha kəʼa. Tsatsi ná, haɗ dmaku ɗekɗek tida wa.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

1Sam 17:26

Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.