Hebru 9:12 - Hdi

¹² Ma tsa lami lam *Yesu turtuktuk da tsa huɗi nda ghuɓa katakata ya ná, lam a nda klatá usa dugzumha nda zwaŋa lghəŋ wa. Vərɗa ŋa ni ma us vla tsi, ka mbamafta ŋa ɗekɗek ma dmakuha mu.

Hebru 9:12 Iomraidhean Croise

Danyel 9:24

Tsanaf tsa Lazglafta ta luma ndəfáŋ mbsak ta mnduha gha, nda ya ŋa luwa gha nda ghuɓa. Ɗina tsa fitik ya, ŋa hluta ghwaɗaka skwi, ŋa kwala dmaku kul haɗ, ŋa slərɓaptá zughu ma krughuvi ŋa klaktá nzaku tɗukwa ŋa ɗekɗek, ŋa ŋərzlanatá tsa skwi manda skwi ma suni, nda gwaɗa ya mna la anabi ya, ŋa fəglaghutá nda ma pghanaghatá rɗi ta tsa vli ta ghuɓuta ya.

La Levi 16:15

Tahula tsa, ŋa saba ni ghwanaftá dugzum ŋa pla ghəŋ ŋa ɗawa pla dmakwa mnduha. Dzaʼa kladam kla ta usa ni ta hula zlala. Dzaʼa maga maga nda tsa us ya manda tsa maga tsi nda usa lghəŋ ya. Dzaʼa wutsikaf wutsika ta paɗuwi, nda ya təv kəma paɗuwi.

La Levi 4:3

Ka mali ta ghəŋa gwal dra skwi ŋa Lazglafta pghanagha lu ta rɗi ta gatá dmaku katsi, hlam hla ta mnduha da dmaku, tsaya ná, kladaghata ni ta lghəŋ dɓakwa kul haɗ maslivinza tida ŋa Yawe ŋa pla ghəŋ ŋa ɗawa pla dmaku.

La Levi 8:2

« Hlaf hla ta i Haruna nda zwana ni, nda lgutha taŋ, nda rɗa pghanaghatá mndu, nda lghəŋ ŋa pla ghəŋ ŋa ɗawa pla dmaku, nda maŋazakha his, nda buradi kul haɗ is mida ma tughba.

La Levi 9:15

Tahula tsa, ka vlatá tsi ta mbəha mnduha. Ka klaftá tsi ta dugzum ŋa pla ghəŋ ŋa ɗawa pla dmakwa mnduha, ka ghwanaftá tsi, ka vlata ka skwa pla ghəŋ ŋa ɗawa pla dmakwa mnduha, manda tsa nda mamakwa sla ya.

Markus 3:29

Ama inda mndu dzaʼa razanaftá Sulkum nda ghuɓa, plinista a lu ta dmakwa ni ɗekɗek wa. Dzaʼa nzakway dmakwa ni ta ghəŋa ni ŋa kɗekedzeŋ, » kaʼa nda həŋ,

Lukwa 1:68

« Zləzlvama Mgham Lazglafta la Israʼila kabga sagha ni da kataŋtá mnduha ni, ka varatá tsi ta həŋ.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

Afisus 1:7

Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Kwalus 1:14

Ma ndiʼatá vgha mu nda tsa Zwaŋ ya mutsafta mu ta flauʼwatá vgha, kabga mutsaf mutsa mu ta platá dmakwa mu.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 10:19

Mantsa tama zwana ma ɗa, nda pla vgha mu ta lami da tsa vli nda ghuɓa katakata ya nda ma usa *Yesu.

Hebru 10:4

kabga haɗ usa lghəŋha, nda dugzumha ta hərɗiŋtá dmaku wa.

Hebru 13:12

Tsaya kəl Yesu ka mtuta guli tahula luwa, ŋa ghuɓiŋtá dmakwa mnduha nda ma ŋa ni ma us.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 9:13

Ghalya, ta psla psla lu ta dugzumha, nda lghəŋha ka wutsika usa ni ta gwal ta gatá krughuvi manda ya ta mnə zlahu ya. Ta ksaf ksa lu ta vlək guli ka drata nda dra, ŋa faɗaftá hutiɗifa ni ka dzay ta mnduha guli. Tsaya dzaʼa kəl tsa krughuva taŋ ya ka saha ta həŋ manda ya ta mnə zlahu.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Hebru 9:15

Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.

Hebru 9:19

Tahula mnanafta Musa ta inda zlahu ta mnduha demdem, manda ya mnaf zlahu, ŋa klafta ni ta usa zwana lghəŋ nda ŋa dugzumha ka gaɓanafta nda imi. Ɓlaha ta sluhwa fwa izwap nda swida tuwaka dva hbuŋ lu ta wa udzu, ka tsughumamta ma tsa us ya, ka wutsikay ta tsa deftera zlahu ya, nda ya ta inda mnduha.

Hebru 9:28

Manda tsaya Kristi guli, turtuktuk səla mtuta tsi, ŋa vlaŋtá ghəŋa ni ta Lazglafta, ŋa hərɗiŋtá dmakwa ndəghata mnduha, ŋa vrəglagatani ka mahis. Tsa vrəglagata dzaʼa vrəglagata tsi ya, ŋa hərɗgəltá dmaku a wa, ama ŋa mbanaftá gwal ta fata vgha ka kəzlay.

Hebru 9:7

Ama ma tsa mahisa huɗi ya, mali ta ghəŋa gwal ta dra skwi ŋa Lazglafta turtukwa ni ta lami dida, turtuk ma vaku, ŋa kladanamtani nda usa rini, ŋa vlaŋtá Lazglafta ŋa plinistá krughuva ni, nda ya ŋa plinistá ŋa hamata mnduha guli.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.