Hebru 8:5 - Hdi

⁵ Tsa slna ta mag tsa gwal ta maga slna Lazglafta ya ná, fwata skwi ta magaku ta luwa ya, sulkuma skwi ta magaku ta luwa ya guli. Ma fitika dzaʼa Musa ba həga tumpul ná, wya ka Lazglafta nda tsi: « Ɗasuwa ká ka, manda va tsa nzakwa ni mara gha yu ta ghwá ya ná, manda va tsaya ká ka da bafta, » kaʼa.

Hebru 8:5 Iomraidhean Croise

1Rus 28:12

Vlaŋha ta mndərga tva magatá inda skwiha ndanaŋ tsi ta magay ma ghəŋa ni nda daɓiha həga Yawe, nda inda dzuguviha ta wanafta, ŋa ɗifa skwa gadghəl ma həga Lazglafta, nda ŋa skwiha faghu lu nda ghuɓa.

1Rus 28:19

Ka Dawuda mantsa: « Inda tsaha ya ná, mamu vindata ni ma ɗelewer vindaf Yawe nda dzva ni. Ka vlihatá tsi ta mahizl ŋa paslapta turtuk turtuk ta mndərga tva maga tsa slnaha ya, » kaʼa.

Sabi 25:40

Ka famta ka ma ghəŋ ɗina, ka magata ka ta tsa slna ya manda va na ta maraghata yu ta na ghwá na. »

Sabi 25:9

Ka magafta kuni ta tsa həga tumpul ya nda inda huzla mida tani manda va ya dzaʼa maraghata yu. »

Sabi 26:30

Ka bafta ka ta tsa həga tumpul ya manda va na maragha yu ta na ghwá na.

Sabi 27:8

Ka magafta ka ta tsa gwir ya nda kataku, ka ghurum ká vli ma huɗa ni. Manda va ya maragha lu ta na ghwá na, mantsa ya dzaʼa magafta lu. »

Mbsak 8:4

Wya ká lu magaftá tsa sundula pitirla ya: Magaf nda dasu lu ka taɗapta nda guduma, zlrafta ta tughwa ni dikw ta vzlizlaha ni. Ka magaftá lu ta sundula pitirla ya manda ya maranaŋ Yawe ta tsata ni ta Musa.

Mata 2:12

Tahula tsa ka mnanatá Lazglafta ta həŋ nda ma suni kazlay: Yaha yaha həŋ da vradaghata nda da Hiridus kəʼa. Ka sliʼaftá həŋ ka vraghata da luwa taŋ nda ta sana tvi.

Slna gwal ghunay 7:44

« Ma nzakwa dzidzíha mu ma mtak ná, mamu si həga tumpul pgham lu ta huzla dzratá wi nda Lazglafta mida, da həŋ. Manda va ya mnanaf Lazglafta ta Musa ŋa magafta ni ya, ka magaftá tsi manda va ya nghaŋ tsi.

Kwalus 2:17

Inda tsaha ya ná, nda nza ka sulkuma skwi dzaʼa sagha nda sa. Vərɗa ni tama ná, Kristi ya.

Hebru 10:1

Zlaha Musa ná, vərɗaka nziɗiɗa tsa skwi ta sagha ya a wu, fuwatani ya. Laviŋ a ɗekɗek ta payaftá gwal ta gavanavatá Lazglafta ŋa nzakwa taŋ manda ya ta kumay tsi wa. Waká tsa pla ghəŋ ta gɗata lu ta magay inda fitik, vaku nda vaku ya dzaʼa ghuɓiŋta həŋ ta wa ira Lazglafta na?

Hebru 11:7

Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Hebru 13:10

Tsa gwal ta dra skwi ŋa Lazglafta mataba la *Yahuda ya ná, haɗ wa taŋ ka za skwi ta ŋa mu ma gwir wa.

Hebru 9:9

Tsaya skwa gray nda skwi ta magaku gitana. Ta maray kazlay: Vla skwi ta vlə lu, nda pla ghəŋ ta plə lu ŋa Lazglafta ná, slaghu a ŋa dzanaghatá ghəŋa ghuɓatá dmakwa gwal ta tsəlɓu ŋa ni wu kəʼa.

Yəhusuwa 22:28

Wya skwi ndan aŋni: Ka dzaʼa mnay mnduha dazlay ŋa aŋni, nda ya ŋa zwana aŋni mantsa ya katsi, ka aŋni dzaʼa zlgha wa ni na: “Nghawa ta tsatá na gwir magaf dzidzíha mu na ɓa! Nda nza manda gwira Yawe. Nza a ŋa dra skwa pla ghəŋ tsuh tsuh, nda ya ŋa vla skwa pla ghəŋ tida wu, ama nda nza ka masləmtsək mataba aŋni nda kaghuni.”

Suna Yuhwana 15:5

Tahula tsaya guli, ka nghaŋtá yu ta gunatá həga tumpul ma həga Lazglafta ta luwa ya ta kəl mnduha ka guya vgha nda Lazglafta.