Hebru 8:4 - Hdi

⁴ Ka má si ta haɗik na *Kristi katsi ná, ma haɗ fitik dzaʼa nzata tsi ka mnda dra skwi ŋa Lazglafta wu, kabga nda ghada kluta gwal ta dra skwi ŋa Lazglafta ta vli manda ya mnaf zlahu.

Hebru 8:4 Iomraidhean Croise

Mbsak 18:5

Kaghuni dzaʼa nghapta ka vli nda ghuɓa, nda gwir. Mantsa tama, haɗ ɓasa ŋuɗufa ɗa dzaʼa dɗəglanaghatá la Israʼila wa.

Hebru 10:11

Inda gwal ta dra skwi ŋa Lazglafta turtuk turtuk, ta sladu ta sladu ta nzata həŋ ka maga slna taŋ inda fitik, ta gɗata ta vla va tsa skwi turtuk ŋa hərɗiŋta dmaku ya, ama laviŋ a ta hərɗiŋta wa.

Hebru 11:4

Nda ma zlghay nda ŋuɗufa ni klafta Abel ta skwa pla ghəŋ ta malaghutá ɗinaku ka ŋa Kayinu, ka vlaŋtá Lazglafta. Tsa zlghay nda ŋuɗufa ni ya kəl Lazglafta ka klafta ka mndu tɗukwa, kabga tsuʼaf tsuʼa ta tsa skwi vlaŋ tsi ya. Nda mta Abel má mndani, ama kabga zlghay nda ŋuɗufa ni ná, tata gwaɗa tsatsi.

Hebru 5:1

Inda mali ta ghəŋa gwal ksa slna Lazglafta ná, mataba mnduha zabapta lu. Slna taŋ ná, ŋa maganatá slna ta Lazglafta da manaka taŋ ya, ŋa vla skwi nda pla ghəŋ ŋa Lazglafta ta ghəŋa dmakwa mnduha.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 8:3

Inda mali ta ghəŋa gwal ksa slna Lazglafta ná, fa fa lu ŋa vla skwi ta vlata lu, nda skwa pla ghəŋ tani. Nda ra ka mutsafta ŋa amu ma mali ta ghəŋa gwal ksa slna Lazglafta guli ta skwi ŋa vlay ni.

Hebru 9:9

Tsaya skwa gray nda skwi ta magaku gitana. Ta maray kazlay: Vla skwi ta vlə lu, nda pla ghəŋ ta plə lu ŋa Lazglafta ná, slaghu a ŋa dzanaghatá ghəŋa ghuɓatá dmakwa gwal ta tsəlɓu ŋa ni wu kəʼa.