Hebru 8:3 - Hdi

³ Inda mali ta ghəŋa gwal ksa slna Lazglafta ná, fa fa lu ŋa vla skwi ta vlata lu, nda skwa pla ghəŋ tani. Nda ra ka mutsafta ŋa amu ma mali ta ghəŋa gwal ksa slna Lazglafta guli ta skwi ŋa vlay ni.

Hebru 8:3 Iomraidhean Croise

Yuhwana 6:51

Iʼi buradi ta vla hafu ta saha daga ta luwa. Kata zay mndu ta tsa buradi ya, dzaʼa nzaku tsa mndu ya nda hafu ŋa kɗekedzeŋ. Tsa buradi ta vlə yu ya ná, sluʼuvgha ɗa ya. Dzaʼa vlay yu, kada nzakwa mnduha ta ghəŋa haɗik nda hafu, » ka Yesu nda həŋ.

La Ruma 4:25

Lazglafta ta vlatá tsa Yesu ya ma dzva mnduha ŋa dzata ta ghəŋa dmakwa mu. Ka sliʼaganaptá tsi guli ma mtaku ŋa nzakwa mu ka gwal tɗukwa ta wa ira ni.

La Ruma 5:6

Mantsa nzakwa ni, ta ma fitika nzakwa mu kul haɗ mbrakwa mu ná, ka saha Yesu Kristi mtuta ta ghəŋa gwal dmaku ma fitik ya kumaŋ Lazglafta.

La Ruma 5:8

Ka Lazglafta maramaŋtá ɗvuta ni ta amu na: Ta ma fitika nzakwa mu ta ma dmaku ta saha Yesu Kristi mtuta ta ghəŋa amu.

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 2:17

Tsaya tama kəl tsi ka nzakway ka skwi nda ra ka nuta ni ka gra vgha nda zwana ma ni, kada nzakwa tsi ka mali ta ghəŋa gwal ta dra skwi ŋa Lazglafta. Tsatsi ná, dagala tawa hiɗahiɗa da tsi, ŋərma ya ma slna Lazglafta, ŋa platá dmakwa mnduha.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

Hebru 5:1

Inda mali ta ghəŋa gwal ksa slna Lazglafta ná, mataba mnduha zabapta lu. Slna taŋ ná, ŋa maganatá slna ta Lazglafta da manaka taŋ ya, ŋa vla skwi nda pla ghəŋ ŋa Lazglafta ta ghəŋa dmakwa mnduha.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 8:4

Ka má si ta haɗik na *Kristi katsi ná, ma haɗ fitik dzaʼa nzata tsi ka mnda dra skwi ŋa Lazglafta wu, kabga nda ghada kluta gwal ta dra skwi ŋa Lazglafta ta vli manda ya mnaf zlahu.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.