Hebru 7:28 - Hdi

²⁸ La mali ta ghəŋa slna Lazglafta ya ta zbapta zlaha Musa ná, gwal nda hta nzakwa taŋ ya. Ma fitika waɗata Lazglafta ta tsa waɗu waɗa tsi ya, mbəɗapta tsa gwaɗa ya ta zlaha Musa. Ka fatá tsi ta zwaŋa ni ŋa kɗekedzeŋ ka mali ta ghəŋa gwal ksa slna Lazglafta, ŋa dzanaghatá ghəŋa skwi kumaŋ tsi.

Hebru 7:28 Iomraidhean Croise

La Levi 4:3

Ka mali ta ghəŋa gwal dra skwi ŋa Lazglafta pghanagha lu ta rɗi ta gatá dmaku katsi, hlam hla ta mnduha da dmaku, tsaya ná, kladaghata ni ta lghəŋ dɓakwa kul haɗ maslivinza tida ŋa Yawe ŋa pla ghəŋ ŋa ɗawa pla dmaku.

Lukwa 13:32

« Lawa mnanatá tsa gərhaŋ ya kazlay: Ta ghazla duhwala halaway yu, ta mbamba gwal ma ɗaŋwa yu gita nda ya mahtsim, ta mahkəna fitik ŋa kɗiŋta ɗa ta slna ɗa, kaʼa nda həŋ.

Yuhwana 19:30

« Nda dza ghəŋa inda skwi tama, » ka Yesu tapanar tsi ta tsa ima inabi masmasa ya. Ka dzagatá tsi ta ghəŋ, ka sab hafu mida.

Hebru 1:2

Ama ndanana, nda ma Zwaŋa ni ta gwaɗa Lazglafta ta gwaɗa nda amu. Ma fitika zlagigiŋta Lazglafta ta ghəŋa haɗik ná, nda tsa Zwaŋa ni ya zlagigiŋ tsi. Tsa Zwaŋa ni ya guli fanagha tsi ta ga mgham ta ghəŋa inda skwi.

Hebru 2:10

Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.

Hebru 2:17

Tsaya tama kəl tsi ka nzakway ka skwi nda ra ka nuta ni ka gra vgha nda zwana ma ni, kada nzakwa tsi ka mali ta ghəŋa gwal ta dra skwi ŋa Lazglafta. Tsatsi ná, dagala tawa hiɗahiɗa da tsi, ŋərma ya ma slna Lazglafta, ŋa platá dmakwa mnduha.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

Hebru 5:5

Manda va tsaya *Kristi guli, tsatsi a ta fanaghatá ghəŋa ni ta nzaku ka mali ta ghəŋa gwal ksa slna Lazglafta wu, ama Lazglafta ta nzakway ka Da ta mnay ŋa ni kazlay: Kagha ná, Zwaŋa ɗa ka, nda nza yu ka Da gha gita kəʼa.

Hebru 7:21

Yesu ná, nda waɗu fata Lazglafta ka mnda ksa slna ni, ma fitika mnata ni kazlay: Iʼi Lazglafta na: « Waɗa waɗa yu, haɗ yu dzaʼa vrəglafta tida wu: “Nda nza ka ka mnda ksa slna ŋa kɗekedzeŋ,” » kəʼa.

Hebru 7:24

Yesu ná, ŋa kɗekedzeŋ nzatá nzakwa tsatsi. Slna tsa nzakwa ni ka mnda dra skwi ŋa Lazglafta ya guli, haɗ dzaʼa tsavapta wa.

Hebru 7:3

Tsatsi ná, haɗ da ni wu, haɗ ma ni wu, haɗ dzidza ni wa. Haɗ vəl mnay kazlay: Baɗu yeya yata lu, baɗu yeya mtuta tsi kəʼa guli wa. Manda Zwaŋa Lazglafta nzakwa ni. Nda nza ŋa kɗekedzeŋ ka mnda ksa slna Lazglafta.