Hebru 7:25 - Hdi

²⁵ Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

Hebru 7:25 Iomraidhean Croise

Danyel 3:15

Ndanana tama, dzaʼa nda sna kuni guli ta vyəglatá duliha, nda siŋlakha, nda htimbilha kavghakavgha, nda dewdewha, nda inda huzla skalu ta ghudzaga, dzaʼa nda paya vgha ghuni ma tsa fitik ya, ŋa tsəlɓu ŋa tsa skwi dzugwa yu ya suʼu? Ka tsəlɓa a kuni wu, dzaʼa gi vzam vza lu haɗ dzudzukway wu ta kaghuni da həga vu ghandand. Wati ma lazglafta ya dzaʼa klaptá kaghuni ma dzva ɗa na? » kaʼa.

Danyel 3:17

Rvera ɗa, dər vzam vza ka ta aŋni da tsa duda vu ghandand ya ná, mamu Lazglafta ŋni ya ta ksanata ŋni ta slna nda mbraku ŋa katagaŋnapta ma tsa həga vu ghandand ya, dzaʼa katagaŋnapta guli ma dzva gha!

Danyel 3:29

Ndana tama, wya ka iʼi ta mnata skwi ŋa magay, ŋa inda mndəra mnduha ta inda haɗikha ta gwaɗa kavghakavgha. “Dər wati ma mndu tsi dzaʼa vzaftá rutsak ta Lazglafta i Sadrak, nda Mesak, nda Ghaveɗnegu ya, dzaʼa ɗatsanap ɗatsa lu ta tsa mndu ya. Dzaʼa nuna həga tsa mndu ya ka maghdzək, kabga haɗ sana lazglafta dzaʼa laviŋta mbanaftá mndu manda va nana wu,” » kaʼa.

Danyel 6:20

Tahula tsa, ka sliʼaftá mgham bit tgha tsaɗakwər vli, ka laghu tsi misimmisim da vla tsa ghuruma rveriha ya.

Danyel 9:16

Mghama ɗa, daga manda ghalya ka ta gɗata ta maraŋnatá nzakwa gha ka tɗukwa. Mantsa ya tama, kdəkkdək zlana zla ta tsa gufatá ŋuɗufa gha katakata ta ghəŋa Ursalima luwa gha, ghwá gha nda ghuɓa ya. Mantsa nzakwa ni, ta ghəŋa dmaku ga ŋni, nda krughuva dzidzíha ŋni, ta ghuɓasay inda gwal ta waŋnafta ta Ursalima nda mnduha gha.

Yuhwana 14:13

Mantsa tama, inda skwi dzaʼa kuni ɗawaŋta nda hga ɗa, dzaʼa magay yu, kada maraŋta Da ta glakwa ni nda ma zwaŋ.

Yuhwana 14:16

Iʼi, dzaʼa ɗaway yu da Da ta sana mndu ŋa ghunəgaghunatani ŋa nzata ni ŋa ɗekɗek kawadaga nda kaghuni ŋa kata kaghuni.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

La Ruma 5:10

Ma fitika nzakwa mu ka ghuma Lazglafta ná, ka slərɓaptá tsi ta zughu mataba mu nda tsi nda ma mtuta mtu zwaŋa ni. Mantsa tama guli ná, ya nda slərɓa zughu mataba mu nda tsi ya, nda fa ghəŋa mu guli kazlay: Dzaʼa mbamaf mba nda ma hafa zwaŋa ni kəʼa.

La Ruma 5:2

Nda ma tsa Yesu Kristi ya mutsafta mu ta zɗakatahuɗa Lazglafta nda ma zlghafta mu nda ŋuɗuf. Ta tsa zɗakatahuɗi ya sladafta amu ka rfu, kabga nda fa ghəŋa mu ta gwata Lazglafta nda amu ma glakwa ni.

La Ruma 8:34

Wa ya dzaʼa laviŋta ksutá həŋ ma guma na? *Yesu *Kristi ná, mtu mta. Ta nzaku nda ga zeghwa Lazglafta, ta maga duʼa da manaka amu.

1Kwa 1:21

Nda ŋa taŋ ma ɗifil ná, trap tra mnduha ma ghəŋa haɗik ta tsatsaftá skwi maga Lazglafta nda ŋa ni ma ɗifil. Ka klaftá Lazglafta ta tsa gwaɗa ta mnə mu, niŋ hahəŋ ka gwaɗa tsaɓaku ya, ŋa mbanaftá mnduha ta zlghafta.

Afisus 2:18

Əŋkaʼ a ka Kristi kəl amu demdem, kaghuni nda aŋni tani, ka laviŋta ndusanavatá Lazglafta ta nzakway ka Da, nda ma tsa Sulkum nda ghuɓa turtuk ya.

Afisus 3:12

Nda ma zlghafta mu ta Yesu Kristi ka ndiʼaftá vgha nda tsi, kəl mu ka ndusanavata Lazglafta kul haɗ zləŋ.

Afisus 3:20

Lazglafta ta laviŋtá maga inda skwi demdem. Nda tsa mbrakwa ni ta maga slna ma amu ya, ta laviŋta tsi ta maga inda skwiha ka malaghutá skwiha ya ta ɗawu mu nda skwiha ta ndanu mu tani.

Filip 3:21

Saha ni dzaʼazlay ná, ŋa mbəɗanaftani ta na vgha mu kul haɗ ghəzliwa ni na, ka ŋlanafta manda ŋa ni, nda mbraku ya kəl tsi ka nzanaghatá inda skwi, dzaʼa maga tsi.

1Tim 2:5

Na nzakwa ni ná, turtuktuk Lazglafta. Turtuktuk mndu ta guyanaftá mndu nda Lazglafta guli. Tsa mndu ya ná, *Yesu *Kristi ya

2Tim 1:12

Ta ghəŋa tsaya ta kəl yu ka ghuya na ɗaŋwa na. Ama ksa a hula ni ta iʼi wu, kabga nda sna yu ta mndu ya faf yu ta ghəŋ tida. Graf gra yu guli kazlay: Mamu tsatsi nda mbraku, ŋa ŋanatá tsa Lfiɗa Gwaɗa faɗim tsi ma dzvu ya ha ka sagha fitika tsa guma kəʼa.

Hebru 11:6

Ka haɗ zlghay nda ŋuɗuf wu ná, haɗ fitik zɗəgana mndu ta Lazglafta wa. Mndu ta gavadaghata da Lazglafta ná, ɗina ka grafta ni kazlay: Mamu Lazglafta, ta magay ta skwi ɗina guli ŋa gwal ta zbay kəʼa.

Hebru 13:15

Gɗamagɗa ta zləzlva Lazglafta ka nzakwa tsi manda skwa pla ghəŋ nda ma Yesu Kristi. Zləzlvama hga ni nda gwaɗa ma wa mu.

Hebru 2:18

Ndanana tama, laviŋ lava ta kataŋtá gwal ta dzəghu halaway, kabga dzəghaŋ dzəgha lu ta tsatsi ka ghəŋa ni, ka ghuyanaptá ɗaŋwa.

Hebru 2:9

Tsa mndu vragana lu ŋa fitik kwitikw mista duhwalha Lazglafta ta nzakway ka *Yesu ya nghaŋ amu. Ka vlaŋtá Lazglafta ta glaku, nda sgit ta ghəŋa vəl mtuta ni, ka ghuytá ɗaŋwa. Mantsa ya tama, ma zɗakatahuɗa Lazglafta ná, ka ŋa inda mndu ɗaŋta tsi ta mtaku.

Hebru 5:7

Ma fitika nzakwa Yesu ma ghəŋa haɗik ná, ka mag tsi ta duʼa ka taw ka ŋɗaŋɗa da Lazglafta ta laviŋtá mbanafta ma mtaku. Ka snanatá Lazglafta ta ghəŋa vəl hananatani ta ghəŋa ni.

Hebru 7:16

Nza a tsa mndu ya ka mndu ta ksa slna Lazglafta manda ya ta mnata zlahu ta fata mndu wa. Tsatsi ná, nza nza tsatsi nda mbrakwa hafu ya kul kɗavakta.

Hebru 7:19

Zlaha Musa ná, laviŋ a ta nanaftá mndu ka mndu tɗukwa ta wa ira Lazglafta wa. Ama ndanana ná, mutsaf mutsa mu ta fata ghəŋ ta malaghuta. Tsaya dzaʼa ɓhadamaghata da Lazglafta.

Hebru 7:24

Yesu ná, ŋa kɗekedzeŋ nzatá nzakwa tsatsi. Slna tsa nzakwa ni ka mnda dra skwi ŋa Lazglafta ya guli, haɗ dzaʼa tsavapta wa.

Hebru 7:8

Mndəra la Levi ta zlgha zaka ma skwi mutsaf lu ya ná, ta mtay həŋ ta mtaku. Ama tsəna Melkisedek ta zlghafta zaka da Abraham na ná, mndu ta nzaku nda hafu ŋa kɗekedzeŋ ya, manda ya nda vinda ma defteri.

Hebru 9:24

Lam a *Kristi da tsa vli nda ghuɓa katakata ma həga tumpul magaf mnda səla ya wa. Fwata tsa vərɗa ni ta nzakway ta luwa ya tsaya. Tsatsi ná, ta luwa laghwa tsatsi. Ndanana, ta nzaku ta kəma Lazglafta ta gwaɗa ma vla mu.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.