Hebru 7:14 - Hdi

¹⁴ Nda sna lu guli ta tsatsi kazlay: Sabi ma mndəra la Yuda kəʼa. Nziya ya nza tsi ná, gwaɗaŋ a Musa ta gwaɗa ta ghəŋa tsa mndəra taŋ ya ma fitika gwaɗay ni ta gwaɗa ta ghəŋa gwal ta dra skwi ŋa Lazglafta wa.

Hebru 7:14 Iomraidhean Croise

Zlrafta 46:12

Wya zwana Yahuda: Gher, nda Unaŋ, nda Sela, nda Perets, nda Zerah. Ka rwutá i Gher nda Unaŋ ta haɗika Kanʼana. Wya zwana Perets: Hetsruŋ, nda Hamul.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Mbsak 24:17

Ta nghay yu, ama ŋa ndanana a wa. Ta vitsay yu, ama ndusa a wa: Ka sab tekwatsa da Yakubu, ma Israʼila ta sliʼafta dafa ga mgham, ta pslanaptá bizlbizla kuma la Muwav, nda bɗəma inda mndəra la Set.

Mata 2:6

“Kagha luwa Betʼlehem ta haɗika Yahuda. Hta a nzakwa gha mataba luwaha ya ta haɗika Yahuda wu, kabga ga ghuni dzaʼa saba Mgham dzaʼa ngha mnduha ɗa la Israʼila,” » kaʼa.

Lukwa 1:43

Waká yu mutsa nana ma zɗaku kəl ma ni ma mghama ɗa ka sagha da ini na?

Lukwa 3:33

Nasuŋa Amminadav, Aminadava Admin, Admina Arni, Arni Hesərum, Hesruma Fares, Faresa Yuda,

Yuhwana 20:13

« Nya ta taw ka ní makwa na? » ka həŋ nda tsi. « Mghama ɗa ya klagha lu, sna a yu ta vli fam lu wu, » kaʼa nda həŋ.

Yuhwana 20:28

« Kagha ta nzakway ka Mghama ɗa, kagha ta nzakway ka Lazglafta ɗa guli, » ka Tuma zlghanaftá wi.

La Ruma 1:3

Ta ghəŋa zwaŋa ni ya ka mnda səla yaga lu ma zivira mgham Dawuda tsa gwaɗa ya.

La Ruma 2:3

Kagha mndu ya ta tsanaghatá guma ta ghəŋa gwal ta maga skwiha mantsa ya, wya ta magay magay kagha kay guli. Ta grə ka ná, dzaʼa ndap nda ka ma guma Lazglafta rki na?

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

Filip 3:8

Mantsa ya nzakwa ni, ka skwi bətbət inda tsa skwiha ya da iʼi, kabga nda sna yu ta Yesu Kristi Mghama ɗa. Malaghu mala tsatsi ta ghəŋa inda skwi, kəl yu ka pghiŋtá inda hamata skwi. Manda ŋəɗak ta ngha yu ta tsa skwiha ya, kada ndiʼafta yu ta vgha nda Yesu Kristi,

Hebru 7:13

Tsəna mghama mu ta gwaɗ lu ta na gwaɗa na ta ghəŋa ni na ná, *Yesu ya. Mataba mndəra sana mndu ta kul walaŋta ksa slna Lazglafta ta gwir tsatsi.

Hebru 7:15

Skwi ta kɗəgliŋtá tsaliŋta ná, zlagap zlaga sana mnda ksa slna Lazglafta. Manda va Melkisedek tsatsi guli.

Suna Yuhwana 22:16

« Iʼi Yesu ta ghunaftá duhwala ɗa ŋa mnanaŋtá tsa skwiha ya ta *Igliz. Iʼi ná, zivira mghama Dawuda yu, gumbəzla ta wuɗaku ga sərɗək yu, » kaʼa.

Suna Yuhwana 5:5

Ka sani ma tsa galata mnduha ya nda iʼi mantsa: « Ma taw ka ta taw, wya rveri mataba mndəra la Yuda, ma zivira Dawuda, ta zata ghwa. Tsatsi dzaʼa ɓlanaptá tsa ŋizla ya, ka gunanafta tsa defteri ya, » kaʼa.