Hebru 7:1 - Hdi

¹ Tsa Melkisedek ya ná, si mghama luwa Salem ya. Mali ta ghəŋa gwal ksa slna Lazglafta Dagala ya guli. Ka sliʼaftá tsi ka laghu da guya Abraham ta vrakta ta kwarafta sana mghamha nda vulu. Ka tfanaghatá tsi ta wi.

Hebru 7:1 Iomraidhean Croise

Danyel 4:2

Ma sana rviɗik tama, ta hanuta hana ɗa yu ta ghəzləŋa ɗa, ka faɗighata sana suni ta vlihatá zləŋ. Tsa skwi nghaŋ yu ya ná, kɓiɗif kɓa katakata.

Danyel 5:18

Ari rvera ɗa, vlaŋ vla Lazglafta Dagala ta ga mgham, nda glaku, nda sgit, nda mbraku ta da gha Nevuhadnetsar.

Danyel 5:21

Ka ghəzlaptá lu mataba mnduha, ka nutá ndana ni manda ŋa nimtak. Kawadaga nda kəɗihha ma mtak kəʼa ta nzaku. Ka zə tsi ta kuzuŋ manda ŋa slaha. Ka nzaku wuninik tida, ha ka snaŋta ni kazlay Lazglafta Dagala ta nzanaghatá ga mgham ta gə mnda səla kəʼa. Ta vlaŋ vla ta ga mgham guli ta mndu ya kumaŋ tsi.

Markus 5:7

ka wahu nda lwi dagala. « Yesu Zwaŋa Lazglafta Dagala: Nya mataba ɗa nda kagha na? Ta ndəɓa dzvu yu da kagha nda həga Lazglafta, ma ghuyɗip ka ta ɗaŋwa, » kaʼa.

Slna gwal ghunay 16:17

Ka gi mbaɗ tsi mista ŋni nda i Pwal. « Nana mnduha na ná, gwal ksanatá slna ta Lazglafta Dagala ya, tva mbaku ta mnaghunata həŋ! » kaʼa ta dzaʼa nda gugɗay.

Hebru 6:20

Da hada tiŋlaghuta *Yesu ta lami ka amu, ŋa nzaku ŋa kɗekedzeŋ ka mali ta ghəŋa gwal dra skwi ŋa Lazglafta manda ŋa Melkisedek ya.

Hebru 7:2

Ŋa tsa Melkisedek ya hlanafta Abraham ta Zaka inda skwi zagagha tsi ma vla tsa vulu ya. Klatá ghəŋa tsa Melkisedek ya ná, « mgham tɗukwa ya. » Guli na: Mghama luwa Salem ya. Tsa mghama luwa Salem ya guli ná, « mghama zɗaku » ya.

Hebru 7:3

Tsatsi ná, haɗ da ni wu, haɗ ma ni wu, haɗ dzidza ni wa. Haɗ vəl mnay kazlay: Baɗu yeya yata lu, baɗu yeya mtuta tsi kəʼa guli wa. Manda Zwaŋa Lazglafta nzakwa ni. Nda nza ŋa kɗekedzeŋ ka mnda ksa slna Lazglafta.

Hebru 7:6

Melkisedek ná, tekw a tsatsi mataba mndəra la Levi wu, ama ka klaftá Abraham ta zaka ma skwi zagagha tsi, ka vlaŋta. Ta ghəŋa tsa guli ná, ka tfanaghatá Melkisedek ta wi ta mndu ya tanaf Lazglafta ta imi ta sləməŋ.