Hebru 6:18 - Hdi

¹⁸ Mantsa ya ná, his skwiha ya dzaʼa kwal lu kul laviŋtá mbəɗanafta. Skwiha ya tanaf tsi ta imi ta sləməŋ ta mndu nda waɗu ya waɗa tsi nda tsi. Haɗ dzaʼa walaŋtá tsakalatawi mida wa. Mantsa ya guli ná, ta vlama vla ta mbraku ta amu gwal ta hwayamta da ghuva Lazglafta, ŋa ŋavata mu nda fatá ghəŋ ta skwi ya tamaf Lazglafta ta imi ta sləməŋ ya.

Hebru 6:18 Iomraidhean Croise

Zlrafta 19:22

Hwaya misimmisim, ka dzaʼa ka da ɗifaghuta hada. Haɗ sana skwi dzaʼa laviŋta yu ta magay ka ta lam a ka dida wu, » kaʼa. Tsaya kəl lu ka hga tsa luwa ya, ka Tsughwar.

1Mgh 2:28

Si mista Aduniya na Yuʼav, ama ka kwalaghutá tsi ta dzaʼa mista Avsalum. Mantsa tama, snaŋta ni ta tsa gwaɗa ya, ka hwayaghatá tsi ɗifaghuta ma həga tumpula Yawe, ka kasavata ta duliha gwir.

Mbsak 23:19

Mnda səla a Lazglafta ŋa tsakalay ni ta wi wa. Zwaŋa mnda səla a ŋa mbəɗanaftá skwi kura tsi wa. Ta gwaɗay ta gwaɗa ŋa kwal kul magata ra? Ta gwaɗay ta gwaɗa ŋa kwal kul ksa slna nda tsi ra?

Mata 24:35

Dzaʼa lula luwa nda haɗik, ama gwaɗa ɗa ná, walaŋta a ta luta wa. »

Mata 3:7

Nghay Yuhwana ta ndəghadaghata la *Farisa nda la *Sadukiya ta sliʼadaghata da tsi, ŋa maganaftani ta batem ta həŋ ná, kaʼa nda həŋ mantsa: « Mndəra la mupuhwa! Wa ya ta mnaghunatá hwayapta ma tsa ɓasatá ŋuɗufa Lazglafta dzaʼa sagha ya na?

Lukwa 2:25

Ma tsa fitik ya, mamu sana mndu ma Ursalima Simeyuna hga ni. Tsa mndu ya ná, tɗukwa mndu ya, ta snay ta gwaɗa da Lazglafta. Ta kzlaykzlay ta mnda mba la Israʼila. Kawadaga Sulkuma Lazglafta nda tsi guli.

La Ruma 15:5

Ka vlaghuna vla Lazglafta lɓa ŋuɗuf ŋa mndu nda ksa ŋuɗuf ŋa mndu ta nzaku nda dzratá wi mataba ghuni nda ma ksay ghuni ta saɗa *Yesu Kristi.

La Ruma 3:25

Tsa Yesu Kristi ya vla Lazglafta ŋa mtuta ni ta ghəŋa inda mnduha ka planatá dmakwa taŋ nda usa ni nda ma zlghafta taŋ ta Yesu Kristi ŋa maraŋta kazlay: Tɗukwa tsatsi kəʼa. Tsa dmaku si ta mag mnduha ghalya ya ná, ka nzata Lazglafta manda skwi kul nghaŋta,

La Ruma 3:4

Pyaf a wu! Dər má ta tsakalawi inda mnduha ná, kahwathwata ŋa Lazglafta ta mnay, manda ya nda vinda ma deftera Lazglafta kazlay: « kagha Lazglafta, ka gwaɗa gwaɗa ka ta gwaɗa ná, nda sna lu kazlay: tɗukwa tsa gwaɗa gha ya kəʼa. Dər má tsafha lu ta rutsak ta kagha, fləwəɗ dzaʼa saba ka ma guma ni. »

La Ruma 5:5

Ka faf fa mu ta ghəŋ ta Lazglafta ná, nzata a ka bətbət wu, kabga maramaŋ mara Lazglafta ma ŋuɗufa mu kəʼa ɗvutá amu nda ma Sulkuma ni ya vlama tsi.

Filip 2:1

Tsa ndiʼatá vgha ghuni nda *Kristi ya a ta vlaghunatá dra ŋuɗuf ra? Tsa ɗvu ɗvaf tsi ta kaghuni ya a ta mbra kaghuni ra? Nda sulkum nda ghuɓa a guyatá vgha ghuni ra? Ta ɗvuvustá vgha a kuni sani nda sani mataba ghuni ra? Ta tawa hiɗahiɗa a kuni sani nda sani mataba ghuni guli ra?

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 1:27

Ta kumay ta snaŋta taŋ ta glakwa tsa gadghəla ni nda ɗifa ta wuɗaku, ya payana tsi ŋa inda gwal kul nzakway ka la *Yahuda ya. Tsa ɗifatá skwi ya ná, Kristi ya ma ŋuɗufa ghuni. Nda ma tsatsi fafta kuni ta ghəŋa nzata kawadaga nda tsi ma glakwa Lazglafta.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

1Tim 1:1

Iʼi Pwal, ghunatá mnda *Yesu *Kristi, manda ya mnaf Lazglafta mnda mba amu nda Yesu Kristi ya faf mu ta ghəŋ tida ta vinda na ɗelewer na.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

2Tim 2:13

Ka dər nza a mu ka ŋərma mndu tawa ira ni wu, tsatsi tani, ta nzakwa ni tsatsi ka ŋərma mndu, kabga laviŋ a tsatsi ta mnay kazlay: Sna a yu ta kagha wu kəʼa nda ghəŋa ni wa.

Titus 1:2

Ŋa nzakwa taŋ nda fatá ghəŋ ta mutsa hafu ŋa kɗekedzeŋ, kabga ghada ghada Lazglafta kul haɗ ta tsakalawi ta tamaftá imi ta sləməŋ, ma kɗaku tsi ka tsaftá ghəŋa haɗik.

Hebru 11:7

Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

Hebru 3:11

Ma tsa gatá sida ɗa ya ná, waɗa waɗa yu, haɗ həŋ dzaʼa walaŋtá lami da tsa vla mbiʼa vgha payanaf yu ta həŋ ya wa, » kaʼa.

Hebru 3:6

*Kristi ná, zwaŋ ta nzanaghata ta ghəŋa həga ya. Amu tsa həga ni ya, ka gɗanagɗa mu ta ŋanatá zlghay nda ŋuɗufa mu, ka ghərɓay mu ta ghərɓaku ma fatá ghəŋa mu.

Hebru 6:17

Nda tsaya ná, kumaŋ kuma Lazglafta ta tsalanaptá tsa gwal dzaʼa tsuʼa tsa skwi tanaf tsi ta imi ta sləməŋ ta mndu ya kazlay: Haɗ yu dzaʼa mbəɗanaftá skwi mna yu wu kəʼa, kəl tsi ka sganaghata nda waɗu.

Hebru 7:19

Zlaha Musa ná, laviŋ a ta nanaftá mndu ka mndu tɗukwa ta wa ira Lazglafta wa. Ama ndanana ná, mutsaf mutsa mu ta fata ghəŋ ta malaghuta. Tsaya dzaʼa ɓhadamaghata da Lazglafta.

Hebru 7:21

Yesu ná, nda waɗu fata Lazglafta ka mnda ksa slna ni, ma fitika mnata ni kazlay: Iʼi Lazglafta na: « Waɗa waɗa yu, haɗ yu dzaʼa vrəglafta tida wu: “Nda nza ka ka mnda ksa slna ŋa kɗekedzeŋ,” » kəʼa.

Yəhusuwa 20:3

Ka dza dza mndu mataba ghuni ta mndu, ka si walaŋ nda wala a tsi ta dzata wu, nda kumay ni a tsi wu katsi, dzaʼa laviŋ lava tsa mndu ya ta dzaʼa ɗifaghuta ma sani ma tsa luwaha ya. Mantsa ya tama, ŋa ndapta ni ma dzva mndu nda mnda ni fanagha lu ta plamta.

1 Yuhwana 1:10

Ka ta ga amu ta dmaku wu ka mu katsi, ta tsakalawi Lazglafta kaʼa mu nda tsaya. Haɗ tsa gwaɗa ni ya ma ŋuɗufa mu nda tsa tama wa.

1 Yuhwana 5:10

Mndu ta zlghaftá Zwaŋa Lazglafta ná, nda sna tsatsi kazlay: Kahwathwata tsa skwiha ya kəʼa. Mndu kul zlghaftá Lazglafta guli ná, niŋ na ta Lazglafta ka tsakalawi, kabga kwala ni kul zlghaftá skwi mna Lazglafta ta ghəŋa zwaŋa ni.

1Sam 15:29

Yawe, glakwa la Israʼila ná, haɗ ta tsakalawi wu, haɗ ta haga madər wu, kabga nza a tsatsi manda mnda səla ta haga madər ya wu, » kaʼa.