Hebru 5:7 - Hdi

⁷ Ma fitika nzakwa Yesu ma ghəŋa haɗik ná, ka mag tsi ta duʼa ka taw ka ŋɗaŋɗa da Lazglafta ta laviŋtá mbanafta ma mtaku. Ka snanatá Lazglafta ta ghəŋa vəl hananatani ta ghəŋa ni.

Hebru 5:7 Iomraidhean Croise

La Levi 2:2

Ka kladaghata tsa mndu ya da zwana Haruna gwal ta dra skwi ŋa Lazglafta. Ka tsəɗaʼata mnda dra skwi ŋa Lazglafta ta tsa laɓatá hpu nda rɗi, nda ya nda inda urdi ɗuk ma dzvu, ka drafta ta gwir ta kuraghuta tsaya ka havu. Tsaya skwa pla ghəŋ draf lu ta vu zɗəgana həlata ni ta Yawe.

Mata 27:46

Lagha vli ta nzemndi hkən tama, ka wahatá *Yesu nda lwi dagala. « Eluwa! Eluwa! Lama sabaktani, » manda mnay kazlay: « Da ɗa! Da ɗa! kabgawu kəl ka ka zliɗivata na? » kəʼa ya.

Mata 27:50

Ka wahglatá Yesu nda lwi dagala, ka sap hafu mida.

Markus 15:34

Manda magatá nzemndi hkən, ka hgatá *Yesu nda mbraku, kaʼa mantsa: « Eluhi, Eluhi, lama sabaktani? » kaʼa. Manda mnay kazlay: Lazglafta ɗa, Lazglafta ɗa, kabgawu zliɗivata ka na? kəʼa ya.

Markus 15:37

Ama ka wahatá Yesu nda mbraku, ka sab hafu mida.

Lukwa 23:46

Ka *Yesu mantsa: « Da! Ma dzva gha ta vlaghata yu ta hafa ɗa, » kaʼa wahata nda lwi dagala. Tahula mnata ni ta tsa gwaɗa ya, ka sabi hafu mida.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 11:35

Ka mbəzə Yesu ta ima taw.

Yuhwana 11:42

Nda sna yu kazlay: Ta gɗa gɗa ka ta zlghiɗiftawa ɗa kəʼa. Nziya nza tsi ná, ŋa na mnduha ta wiɗifta na ta mna yu, kada zlghafta həŋ, » kaʼa.

Yuhwana 17:1

Tahula gwaɗata *Yesu ta tsa gwaɗaha ya, ka nghadaftá tsi nda ta luwa. Kaʼa mantsa: « Da, nda maga fitik! Maraŋ mara ta glakwa zwaŋa gha ŋa maraŋta zwaŋa gha guli ta glakwa gha.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

Galat 4:4

Ama magatá tsa fitik ya, ka ghunagata Lazglafta ta zwaŋa ni. Marakw ta yagata ma sagha ni, ka nziŋtá tsi mista zlaha Musa,

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Hebru 10:10

Maga maga *Yesu Kristi ta skwi ta kum Lazglafta. Ka vlaŋtá tsi ta ghəŋa ni ŋa pla ghəŋ turtuktuk səla. Mantsa ya kəl mu ka nzakway nda ghuɓa ta wa ira Lazglafta.

Hebru 10:5

Tsaya kəl Kristi ka mnay ŋa Lazglafta ma fitika dzaʼa ni saha ta ghəŋa haɗik, kaʼa mantsa: « Va a ka ta plaghatá ghəŋ nda rini wu, va a ka ta vlaghatá sana skwi ŋa plaghata ghəŋ guli wa. Ama ka vlihatá ka ta sluʼuvgha ŋa vlaghata.

Hebru 11:7

Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

Hebru 12:28

Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Hebru 2:14

Tsa zwani mnə tsi ya ná, mnda səla həŋ demdem. Ka nutá Yesu ka ghəŋa ni guli ka mnda səla manda va hahəŋ, kada laviŋta tsi ta mtuta, ŋa nanatá halaway ta ŋanatá mbrakwa mtaku ya, ka mbegi.

1 Yuhwana 4:3

Ka haɗ tsa mndu ya ta mnay kazlay: Manda tsaya nzakwa Yesu kəʼa wu ná, haɗ Sulkuma Lazglafta ma tsa mndu ya wa, sulkuma ghuma Kristi mida. Nda ghada snaŋta ghuni ta mnay kazlay: Dzaʼa sagha sa tsa ghuma ya kəʼa. Nda ghada sagha ni ndanana tama ta ghəŋa haɗik.

2 Yuhwana 1:7

Kəl yu ka mnay mantsa ná, nda ndəgha gwal nana mndu ta tamtá vgha ma ghəŋa haɗik. Ka həŋ ta mnay ná, ka mndu tsakwam a saha *Yesu *Kristi ta ghəŋa haɗik wu, ka həŋ. Tsa mndu ta mnay mantsa ya ná, ghuma Kristi ya. Tsatsi ná, nana sanlaha ma mnduha ta nanə tsi.