Hebru 5:11 - Hdi

¹¹ Mamu skwi dagala ŋa mnay ta ghəŋa ni, tsaw nda bla tsislay ŋa ghuni, kabga la a da sləməŋa ghuni wa.

Hebru 5:11 Iomraidhean Croise

1Mgh 10:1

Ka snaŋtá sana marakw ka mgham ta haɗika Seva ta gwaɗa ta laghwa hga Salumuŋ da zərwa katakata nda zɗakatahuɗa Yawe, ka lagha tsi da dzəghaŋta nda ɗawayha nda bla nda bla.

Mata 13:15

Təŋu təŋa ghəŋa na mnduha na. Dərzlaf dərzla həŋ ta sləməŋa taŋ, haf ha həŋ ta ira taŋ, kabga va a həŋ ta nghaŋta wa, yaha həŋ da snaŋta nda sləməŋa taŋ, yaha həŋ da grafta ma ŋuɗufa taŋ, yaha həŋ da mbəɗanaftá nzakwa taŋ, da mbanaftá yu ta həŋ.”

Markus 8:21

« Ka si mantsa tsi, nu kwal kuni snaŋta tama? » kaʼa nda həŋ.

Lukwa 24:25

Ka Yesu nda həŋ mantsa: « Mnduha kul haɗ mahizl ma ghəŋa taŋ, ta daramay nda darama ta zlgha inda skwi mna la anabi!

Yuhwana 16:12

« Ta dagala skwi má ŋa managhunata ɗa, tsaw laviŋta a kuni ta ŋafta ndanawa.

Yuhwana 6:6

Ŋa tsakwasla gwaɗa da tsi kəl tsi ka mnanata mantsa, kabga nda sna tsatsi ta skwi dzaʼa tsi magay.

Slna gwal ghunay 28:27

Nana mnduha na ná, təŋ təŋa ghəŋa taŋ. Dərzliŋdərzla həŋ ta sləməŋa taŋ, hahaf haha həŋ ta ira taŋ, kabga vaʼa həŋ ta nghaŋta nda ira taŋ wu, va a həŋ ta snaŋta nda sləməŋa taŋ guli wu, da lam tsi da ŋuɗufa taŋ, da mbəɗaktá həŋ ta vgha təv iʼi, da mbanafta yu ta həŋ kəʼa ya kay.”

Hebru 5:10

Ka fatá Lazglafta ka mali ta ghəŋa gwal ta dra skwi ŋa Lazglafta manda ŋa Melkisedek.

Hebru 5:12

Nda kɗa fitik má prək ka nzakwa ghuni ka gwal taghanatá skwi ta sanlaha, kabga nda kɗa fitika ghuni ta tagha skwi, ama ta sna a kuni wa. Ŋa sləglavapta nda sla vgha ka taghəgəlta ŋa ghuni ta va tsa skwiha ma gwaɗa Lazglafta taghu kuni daga taŋtaŋ ya. Ta sna a kuni karaku ta za skwa zay ta zə la galata mndu wu, manda zwaŋ ta ghuva tata sa uʼa ya kuni.

2 Piyer 3:16

Tsaya skwi ta mnə tsi ma inda ɗelewerha ni ya, ta gwaɗ tsi ta gwaɗa ta ghəŋa mndəra tsa skwiha ya. Mamu sana skwi ya nda bla ta vindamta tsi ma tsa ɗelewerha ni ya, ta tərɗanafta gwal kul snaŋtá skwi, nda gwal kul taghaku skwa taŋ, ta klatá ghəŋa skwi mida. Manda va tsaya ta snuta həŋ ta magay nda sana vliha ma skwi vindaf lu ma sanlaha ma ɗelewer. Manda tsaya ta klanakta hahəŋ ka ghəŋa taŋ ta zaɗaku.