Hebru 5:1 - Hdi

¹ Inda mali ta ghəŋa gwal ksa slna Lazglafta ná, mataba mnduha zabapta lu. Slna taŋ ná, ŋa maganatá slna ta Lazglafta da manaka taŋ ya, ŋa vla skwi nda pla ghəŋ ŋa Lazglafta ta ghəŋa dmakwa mnduha.

Hebru 5:1 Iomraidhean Croise

La Levi 8:2

« Hlaf hla ta i Haruna nda zwana ni, nda lgutha taŋ, nda rɗa pghanaghatá mndu, nda lghəŋ ŋa pla ghəŋ ŋa ɗawa pla dmaku, nda maŋazakha his, nda buradi kul haɗ is mida ma tughba.

La Levi 9:7

Ka Musa nda Haruna mantsa: « Gavadagha gava ta vata gwir, ka vlata ka ta skwa pla ghəŋ ŋa ɗawa pla dmakwa gha, nda skwa pla ghəŋa gha ŋa dray tsuh tsuh, ka slərɓapta ka ta zughu ŋa gha nda ŋa mnduha. Tahula tsa, ka vlata ka ta mbəhu mnduha, ka slərɓanapta ka ta zughu ta həŋ manda ya mnaf Yawe, » kaʼa.

La Ruma 15:17

Tsaya tama ná, ta ghubay yu ta ghəŋa ɗa ma Yesu Kristi, ta ghəŋa slna Lazglafta ya maga yu.

1Kwa 15:3

Tsa ŋərma skwi tiŋlaghu yu ta taghaghunafta ya, tsaya zlghaf iʼi kazlay: Mtu mta *Kristi ta ghəŋa dmakwa mu kəʼa, manda ya mnə deftera Lazglafta.

Hebru 10:11

Inda gwal ta dra skwi ŋa Lazglafta turtuk turtuk, ta sladu ta sladu ta nzata həŋ ka maga slna taŋ inda fitik, ta gɗata ta vla va tsa skwi turtuk ŋa hərɗiŋta dmaku ya, ama laviŋ a ta hərɗiŋta wa.

Hebru 10:12

Ama Yesu Kristi ná, turtuktuk vlata tsatsi ta ghəŋa ni ŋa pla ghəŋ ŋa hərɗiŋta ɗekɗek ta dmakwa mnduha. Tahula tsa, ka nzatá tsi nda ga zeghwa Lazglafta.

Hebru 11:4

Nda ma zlghay nda ŋuɗufa ni klafta Abel ta skwa pla ghəŋ ta malaghutá ɗinaku ka ŋa Kayinu, ka vlaŋtá Lazglafta. Tsa zlghay nda ŋuɗufa ni ya kəl Lazglafta ka klafta ka mndu tɗukwa, kabga tsuʼaf tsuʼa ta tsa skwi vlaŋ tsi ya. Nda mta Abel má mndani, ama kabga zlghay nda ŋuɗufa ni ná, tata gwaɗa tsatsi.

Hebru 2:17

Tsaya tama kəl tsi ka nzakway ka skwi nda ra ka nuta ni ka gra vgha nda zwana ma ni, kada nzakwa tsi ka mali ta ghəŋa gwal ta dra skwi ŋa Lazglafta. Tsatsi ná, dagala tawa hiɗahiɗa da tsi, ŋərma ya ma slna Lazglafta, ŋa platá dmakwa mnduha.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 8:3

Inda mali ta ghəŋa gwal ksa slna Lazglafta ná, fa fa lu ŋa vla skwi ta vlata lu, nda skwa pla ghəŋ tani. Nda ra ka mutsafta ŋa amu ma mali ta ghəŋa gwal ksa slna Lazglafta guli ta skwi ŋa vlay ni.

Hebru 8:4

Ka má si ta haɗik na *Kristi katsi ná, ma haɗ fitik dzaʼa nzata tsi ka mnda dra skwi ŋa Lazglafta wu, kabga nda ghada kluta gwal ta dra skwi ŋa Lazglafta ta vli manda ya mnaf zlahu.

Hebru 9:9

Tsaya skwa gray nda skwi ta magaku gitana. Ta maray kazlay: Vla skwi ta vlə lu, nda pla ghəŋ ta plə lu ŋa Lazglafta ná, slaghu a ŋa dzanaghatá ghəŋa ghuɓatá dmakwa gwal ta tsəlɓu ŋa ni wu kəʼa.