Hebru 3:5 - Hdi

⁵ Musa ná, ŋərma mndu ya ma slna si ta mag tsi ma inda həga Lazglafta. Slənani ná, mnanaŋtá mnduha ta skwiha má dzaʼa mnə Lazglafta ya.

Hebru 3:5 Iomraidhean Croise

Nəhemiya 9:14

Nda ma kwalva gha Musa, ka snanamtá ka ta həŋ ta Sabat, fitik nda fa ka ŋa gha. Ka mnanaftá ka ta həŋ ta dvuha nda zlahuha.

Sabi 14:31

Ka nghaŋtá la Israʼila ta glakwa slna dzva Yawe ta maganatá la Masar. Ka zləŋatá həŋ ta Yawe, ka faftá həŋ ta ghəŋ tida, nda ya ta ghəŋa kwalva ni Musa guli.

Sabi 40:16

Ka magatá Musa ta inda skwiha demdem manda va ya mnanaf Yawe.

Mbsak 12:7

Mantsa ya a ŋa kwalva ɗa Musa wa. Tsatsi ta nzakway ka mnda ɗa faf yu ta ghəŋ tida ŋa inda həga ɗa.

Mata 24:45

« Wa na ŋərma kwalva nda hiɗa fanam daŋahəga ni həga ni ma dzvu ta inda gwal ksanata slna, ŋa nghapta ni ka həŋ ka dgay ni ta skwa zay ŋa taŋ nda fitika ni na na?

Mata 25:21

Ka daŋahəga ni həga ni nda tsi mantsa: “Ɗina tsa, ŋərma kwalva ka! Manda va tsa nzakwa gha ka ŋərma mndu ma skwi kwitikw ya, ta vlagha vla yu ta skwi dagala. Saghu sa gha da rfu kawadaga nda iʼi,” kaʼa.

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Lukwa 24:27

Ka zlraftá Yesu ta rusa gwaɗa ta ghəŋa ni manda ya mna i Musa nda inda la anabi ma deftera Lazglafta.

Lukwa 24:44

Kaʼa nda həŋ mantsa: « Wana na skwi si ta mnə yu ŋa ghuni ma fitika nzakwa ɗa kawadaga nda kaghuni kazlay: “Inda skwi ya vindaf lu ta ghəŋa iʼi ma deftera Musa nda ya ma deftera la anabi, nda ya ma Zabura ná, dzaʼa magaku kəʼa ya kay,” » kaʼa nda həŋ.

Yuhwana 5:39

« Ta ndiʼa ndiʼa kuni ka tagha skwi ya nda vinda ma gwaɗa Lazglafta kabga mida dzaʼa mutsa ŋni ta hafu ŋa kɗekedzeŋ ka kuni. Tsa gwaɗa Lazglafta nda vinda ya ná, ta ghəŋa iʼi ta gwaɗa tsi.

Slna gwal ghunay 28:23

Ka tsaftá həŋ ta sana fitik tama ŋa gwayavata taŋ. Baɗu tsa fitik ya, ka sliʼaftá ndəghata həŋ ka lagha slanaghatá Pwal ma vla nzakwa ni. Ka zlraftá Pwal ta paslay, ka mnay ŋa taŋ ta gwaɗa ta ga mgham Lazglafta, daga ga sərɗək, ha tekulemes fitik, ŋa tɗakta ghunislaka taŋ ta ghəŋa gwaɗa ta *Yesu. Ka mnə tsi ta gwaɗa ma deftera zlaha Musa, nda ya ma deftera la anabi, ŋa taŋ.

Slna gwal ghunay 7:37

Tsa Musa ya ta mnay nda zwana la Israʼila guli kazlay: Dzaʼa klagap kla Lazglafta ta anabi manda iʼi mataba la ghuni ya kəʼa.

La Ruma 3:21

Ndana tama, maranaŋ mara Lazglafta ta tvi ta mnduha dzaʼa kəl həŋ ka nzakway ka tɗukwa mnduha ta kəma ni. Tsa nzaku tɗukwa ya ná, nda ma zlahu a ta nzakwa lu wa. Mnaŋ mna zlaha Musa nda la anabi guli ta gwaɗa ta ghəŋa ni.

1Kwa 4:2

Vərɗa skwi ya ta psə lu da mndu ya fanam lu ta skwi ma dzvu ná, nzakwa ni ka ŋərma mndu.

Vrafta ta zlahu 3:24

“Mgham Yawe, zlraf zlra ka ta maranaŋta kwalva gha ta glakwa gha, nda mbrakwa gha. Wati ma lazglafta ya dər ta luwa tsi, dər ta haɗik a tsi, ta laviŋta magatá mndərga na mghama slna maga ka na na?

Vrafta ta zlahu 34:5

Ka mtutá Musa kwalva Yawe hada ta haɗika Muwav manda ya mnaf Yawe.

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

Hebru 1:1

Manda ghalya ná, nda kɗa fitika Lazglafta ta gwaɗganatá dzidzíha mu nda ta tvi kavghakavgha nda ma wa la anabi.

Hebru 3:2

Yesu ná, Lazglafta ta zbafta ŋa maga tsa slna ya. « Ka nzaku tsi ka ŋərma mndu ma tsa slna ya, ma nzakwa ni da Lazglafta manda va ŋa Musa, ma magay ni ta slna ni ŋa inda gwal ma həga Lazglafta ya. »

Hebru 3:4

Inda həga ná, mndu ta bafta. Mndu ta baftá inda skwi guli ná, Lazglafta ya.

Hebru 8:5

Tsa slna ta mag tsa gwal ta maga slna Lazglafta ya ná, fwata skwi ta magaku ta luwa ya, sulkuma skwi ta magaku ta luwa ya guli. Ma fitika dzaʼa Musa ba həga tumpul ná, wya ka Lazglafta nda tsi: « Ɗasuwa ká ka, manda va tsa nzakwa ni mara gha yu ta ghwá ya ná, manda va tsaya ká ka da bafta, » kaʼa.

Hebru 9:24

Lam a *Kristi da tsa vli nda ghuɓa katakata ma həga tumpul magaf mnda səla ya wa. Fwata tsa vərɗa ni ta nzakway ta luwa ya tsaya. Tsatsi ná, ta luwa laghwa tsatsi. Ndanana, ta nzaku ta kəma Lazglafta ta gwaɗa ma vla mu.

Yəhusuwa 1:15

ha ka vlaŋta Yawe ta mbiʼa vgha ta zwana ma ghuni, manda ŋa kaghuni ya, ŋa zata hahəŋ guli ta haɗik ya vlaŋ Yawe, Lazglafta ghuni ta hahəŋ. Tahula tsa, ŋa vragaghuta ghuni zaktá haɗika ghuni ta ɓla zala Yardeŋ təv safa fitik ya vlaghuna Musa, kwalva Yawe ya, » kaʼa.

Yəhusuwa 1:2

« Mtu mta kwalva ɗa Musa. Ndana tama, sliʼaf sliʼa gha, kagha dzaʼa tsughwaɗa zala Yardeŋ kawadaga nda inda na mnduha na, ŋa lami da haɗik ya dzaʼa vlaŋta yu ta la Israʼila.

Yəhusuwa 1:7

Mbray kagha ta vgha, ka ŋavata gha kahwathwata kweŋkweŋ ŋa gha, ŋa ŋanatá inda tagha skwi ya mnaghaf kwalva ɗa Musa. Yaha ka da mbəɗaghutá vgha dər nda ga zeghwi, dər nda ga zlaɓa, kada dzaʼa ka ta kəma ta kəma ma inda vli ta dzaʼa ka.

Yəhusuwa 8:31

Ka baftá tsi manda va ya mnanaf Musa, kwalva Yawe ta la Israʼila. Nda vinda guli ma ɗelewera zlaha Musa kazlay tsa gwir ya ná, baf nda pala kul fiɗaŋtá lu nda kfur lu kəʼa. Tahula tsa, ka dranaftá lu ta skwa pla ghəŋ ŋa dray tsuh tsuh ta tsa gwir ya, ta Yawe. Ka vlaŋtá lu ta skwa pla ghəŋa zɗaku guli.

Yəhusuwa 8:33

Inda la Israʼila, nda la galata mnduha taŋ tani, nda maliha taŋ tani, nda gwal tsanatá guma ta həŋ tani, nda zwana haɗik tani, nda la mayəm ma səla taŋ tani, inda tsa mnduha ya ta sladata nda ga slərpuha tsa akwata dzratá wa Yawe ya. Ka nzatá həŋ mbəŋ nda tsa la Levi gwal dra skwi ŋa Lazglafta ya ta kla tsa akwati ya. Gəts la Israʼila nda təv ghwá Gərizim. Gəts la Israʼila guli nda təv ghwá Gheval. Mantsa ya ka lu dzaʼa magata, ka Musa kwalva Yawe mnuta ŋa tfanaghatá wi ta la Israʼila.

Suna Yuhwana 15:3

Fa laha ya si ta fə Musa ta nzakway ka kwalva Lazglafta nda laha ya si ta fə Zwaŋa Tuwak, ta fə həŋ. Ka həŋ mantsa: « Mgham Lazglafta ta mbruta, dagala slna gha ya ta mag ka, ka skwa ndərmimay nzakwa ni. Kagha Mgham ta ghəŋa inda haɗikha. Inda skwi ta mag ka ná, tɗukwa tɗukwa nzakwa ni, kahwathwata nzakwa ni guli.