Hebru 2:17 - Hdi

¹⁷ Tsaya tama kəl tsi ka nzakway ka skwi nda ra ka nuta ni ka gra vgha nda zwana ma ni, kada nzakwa tsi ka mali ta ghəŋa gwal ta dra skwi ŋa Lazglafta. Tsatsi ná, dagala tawa hiɗahiɗa da tsi, ŋərma ya ma slna Lazglafta, ŋa platá dmakwa mnduha.

Hebru 2:17 Iomraidhean Croise

2Rus 29:24

Ka ghwaghwanaftá gwal dra skwi ŋa Lazglafta, ka paghaftá usa taŋ ta gwir ŋa pla ghəŋ ŋa slərɓanaptá zughu ta inda la Israʼila, kabga mna mna mgham kazlay na, skwa pla ghəŋ ŋa dray tsuh tsuh nda skwa pla ghəŋ ŋa ɗawa pla dmaku ná, dzaʼa nzakway tsaha ya ka ŋa inda la Israʼila, kəʼa.

Danyel 9:24

Tsanaf tsa Lazglafta ta luma ndəfáŋ mbsak ta mnduha gha, nda ya ŋa luwa gha nda ghuɓa. Ɗina tsa fitik ya, ŋa hluta ghwaɗaka skwi, ŋa kwala dmaku kul haɗ, ŋa slərɓaptá zughu ma krughuvi ŋa klaktá nzaku tɗukwa ŋa ɗekɗek, ŋa ŋərzlanatá tsa skwi manda skwi ma suni, nda gwaɗa ya mna la anabi ya, ŋa fəglaghutá nda ma pghanaghatá rɗi ta tsa vli ta ghuɓuta ya.

La Levi 14:18

Dzaʼa magaf maga mnda dra skwi ŋa Lazglafta ta pɗakwa tsa rɗi ma dzva ni ya ta ghəŋa tsa mndu ta kliŋta lu ta skwi ta tsaɗ lu tida ya. Mantsa ya dzaʼa slərɓanapta mnda dra skwi ŋa Lazglafta ta zughu ta kəma Yawe.

La Levi 16:16

Mantsa ya dzaʼa slərɓanapta Haruna ta zughu ta vli ta ghuɓuta, dabga skwi ta tsaɗ lu ta magata la Israʼila, da sida taŋ, da dmakuha taŋ. Manda tsaya dzaʼa magata tsi nda tumpula guyaku da həŋ wam nzakwa taŋ ka gwal ta tsaɗ lu.

La Levi 8:15

Ka ghwanaftá Musa, taʼaha ta usa ni, ka ɗaɗafta nda ndəfiŋa ni ta inda duliha gwir ŋa ghuɓiŋtá tsa gwir ya. Ka pghidiŋtá tsi ta pɗakwa tsa us ya dista tsa gwir ya ŋa fata ka ŋa Yawe ŋa slərɓa zughu.

Mbsak 15:25

Dzaʼa slərɓanap slərɓa mnda dra skwi ŋa Lazglafta ta zughu ta inda guyatá ghəŋa la Israʼila. Dzaʼa plana pla lu ta dmakwa taŋ, kabga ka fərtaku gata həŋ. Dzaʼa klaf kla həŋ ta mbəha taŋ ŋa dray ta vu ŋa Yawe, nda ya ŋa ɗawa pla dmakwa taŋ maga həŋ ka fərtaku ya.

La Ruma 15:17

Tsaya tama ná, ta ghubay yu ta ghəŋa ɗa ma Yesu Kristi, ta ghəŋa slna Lazglafta ya maga yu.

La Ruma 5:10

Ma fitika nzakwa mu ka ghuma Lazglafta ná, ka slərɓaptá tsi ta zughu mataba mu nda tsi nda ma mtuta mtu zwaŋa ni. Mantsa tama guli ná, ya nda slərɓa zughu mataba mu nda tsi ya, nda fa ghəŋa mu guli kazlay: Dzaʼa mbamaf mba nda ma hafa zwaŋa ni kəʼa.

Afisus 2:16

Ma tsa mtuta ni ta udza zləŋay ya guyanafta tsi ta tsa mndəra mnduha his ya ka mndəra mndu turtuk, ka slərɓaptá zughu mataba taŋ nda Lazglafta. Ma tsa mtuta ni ya kwala sani kul husaŋtá sani nda sani mataba taŋ.

Kwalus 1:21

Kaghuni ghalya ná, ka mayəm, nda ghuma Lazglafta si nzakwa ghuni, ta tva ndana ghuni, nda ghwaɗaka slna ta mag kuni.

Hebru 10:21

Tsaya tama ná, mamu mu nda mali ta ghəŋa gwal dra skwi ŋa Lazglafta ta hemanata, ta nzanaghatá həga Lazglafta.

Hebru 2:11

Tsa mndu ta ghuɓa mndu ya nda tsa gwal ghuɓiŋ lu ya tani ná, ma da turtuk həŋ. Tsaya tsa kwal hula ksaŋtá Yesu ka hga həŋ ka zwana ma ni ya. Kaʼa nda Lazglafta mantsa:

Hebru 2:14

Tsa zwani mnə tsi ya ná, mnda səla həŋ demdem. Ka nutá Yesu ka ghəŋa ni guli ka mnda səla manda va hahəŋ, kada laviŋta tsi ta mtuta, ŋa nanatá halaway ta ŋanatá mbrakwa mtaku ya, ka mbegi.

Hebru 2:16

Mantsa ya nzakwa ni, duhwalha Lazglafta a sa tsi da kataŋta wa. Zivira Abraham ya sa tsi da kataŋta.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

Hebru 3:2

Yesu ná, Lazglafta ta zbafta ŋa maga tsa slna ya. « Ka nzaku tsi ka ŋərma mndu ma tsa slna ya, ma nzakwa ni da Lazglafta manda va ŋa Musa, ma magay ni ta slna ni ŋa inda gwal ma həga Lazglafta ya. »

Hebru 3:5

Musa ná, ŋərma mndu ya ma slna si ta mag tsi ma inda həga Lazglafta. Slənani ná, mnanaŋtá mnduha ta skwiha má dzaʼa mnə Lazglafta ya.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

Hebru 4:15

Mali ta ghəŋa gwal ta dra skwi ŋa Lazglafta ya nda hta mbrakwa ni ka suʼa skwi kawadaga nda amu ma hta ta mbrakwa mu a ŋa amu wa. Katək ná, dzəghaŋ dzəgha lu ta mala mu ta ghəŋa gwal ksa slna Lazglafta manda va amu, ama ga a tsatsi ta dmaku wa.

Hebru 5:1

Inda mali ta ghəŋa gwal ksa slna Lazglafta ná, mataba mnduha zabapta lu. Slna taŋ ná, ŋa maganatá slna ta Lazglafta da manaka taŋ ya, ŋa vla skwi nda pla ghəŋ ŋa Lazglafta ta ghəŋa dmakwa mnduha.

Hebru 5:10

Ka fatá Lazglafta ka mali ta ghəŋa gwal ta dra skwi ŋa Lazglafta manda ŋa Melkisedek.

Hebru 5:2

Tsa la mali ta ghəŋa gwal ta dra skwi ŋa Lazglafta ya ná, nda sna hahəŋ ká həŋ dzaʼa maga skwi ɗina ŋa gwal kul snaŋtá maga skwi ɗina, ta maga dmaku, kabga wanaf wa skwiha ta hta mbraku ta tsatsi guli.

Hebru 5:5

Manda va tsaya *Kristi guli, tsatsi a ta fanaghatá ghəŋa ni ta nzaku ka mali ta ghəŋa gwal ksa slna Lazglafta wu, ama Lazglafta ta nzakway ka Da ta mnay ŋa ni kazlay: Kagha ná, Zwaŋa ɗa ka, nda nza yu ka Da gha gita kəʼa.

Hebru 6:20

Da hada tiŋlaghuta *Yesu ta lami ka amu, ŋa nzaku ŋa kɗekedzeŋ ka mali ta ghəŋa gwal dra skwi ŋa Lazglafta manda ŋa Melkisedek ya.

Hebru 7:26

Tsaya tama ná, nda nza Yesu ka mali ta ghəŋa gwal ksa slna Lazglafta ya pahaŋ mu. Tsatsi ná, nda ghuɓa nzatá nzakwa ni, haɗ rutsak tida wa. Haɗ dmaku tida guli wa. Nza a tsatsi manda gwal dmaku wa. Klagha kla lu ta luwa.

Hebru 7:28

La mali ta ghəŋa slna Lazglafta ya ta zbapta zlaha Musa ná, gwal nda hta nzakwa taŋ ya. Ma fitika waɗata Lazglafta ta tsa waɗu waɗa tsi ya, mbəɗapta tsa gwaɗa ya ta zlaha Musa. Ka fatá tsi ta zwaŋa ni ŋa kɗekedzeŋ ka mali ta ghəŋa gwal ksa slna Lazglafta, ŋa dzanaghatá ghəŋa skwi kumaŋ tsi.

Hebru 8:1

Wya mala dughwaŋa skwi ta mnə ŋni: Mamu mu nda mali ta ghəŋa gwal dra skwi ŋa Lazglafta. Tsatsi ná, ta luwa ta nzakwa tsatsi nda ga zeghwa dughurukwa Lazglafta.

Hebru 8:3

Inda mali ta ghəŋa gwal ksa slna Lazglafta ná, fa fa lu ŋa vla skwi ta vlata lu, nda skwa pla ghəŋ tani. Nda ra ka mutsafta ŋa amu ma mali ta ghəŋa gwal ksa slna Lazglafta guli ta skwi ŋa vlay ni.

Hebru 9:11

Ndanana ná, sagha sa *Kristi ta nzakway ka mali ta ghəŋa gwal dra skwi ŋa Lazglafta famatá vərɗa skwiha ya ta tsuʼu mu. Ka lami tsi nda ma həga tumpul dagala ta ɗinuta katakata, ya kul baftá mnda səla. Ta ghəŋa na haɗik na a bafta Lazglafta guli wa.