Hebru 2:10 - Hdi

¹⁰ Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.

Hebru 2:10 Iomraidhean Croise

Zlrafta 18:25

Haɗ kagha dzaʼa maga skwi manda tsaya wu, ŋa zaɗanata gha ta tɗukwa mnduha kawadaga nda ghwaɗaka mnduha wa. Magta a kagha ta skwi mantsa ya ŋa tɗukwa mnduha kawadaga nda ghwaɗaka mnduha wa. Magta a kagha mantsa ya wa. Kagha ta tsanaghatá guma ta inda haɗik ná, tsata a ka ta guma nda tva ni wu ra? » kaʼa.

Mbsak 7:15

nda lghəŋ dɓakwa turtuk, nda maŋazak turtuk, nda slaɓalakwa tuwak turtuk vakwa ni ŋa pla ghəŋ ŋa dray tsuh tsuh,

Lukwa 13:32

« Lawa mnanatá tsa gərhaŋ ya kazlay: Ta ghazla duhwala halaway yu, ta mbamba gwal ma ɗaŋwa yu gita nda ya mahtsim, ta mahkəna fitik ŋa kɗiŋta ɗa ta slna ɗa, kaʼa nda həŋ.

Lukwa 2:14

« Glaku ŋa Lazglafta ta luwa, zɗaku ta ghəŋa haɗik mataba mnduha ɗvu tsi. »

Lukwa 24:26

Nza a tkweʼ ka ghuyay *Kristi ta tsa ɗaŋwaha ya ma kɗaku tsi ka lami da glakwa ni ra? » kaʼa nda həŋ.

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

Yuhwana 11:52

Ŋa la Yahuda nda ghəŋa taŋ a wu, nda nza guli ŋa tskanatá inda zwana Lazglafta ta wiɗatá vgha.

Yuhwana 19:30

« Nda dza ghəŋa inda skwi tama, » ka Yesu tapanar tsi ta tsa ima inabi masmasa ya. Ka dzagatá tsi ta ghəŋ, ka sab hafu mida.

Slna gwal ghunay 3:15

Ka dzatá kuni ta mndu ya nda hafu da tsi. Tahula dzata ghuni, ka sliʼaganaptá Lazglafta mataba gwal nda rwa. Ma tsa sliʼagapta sliʼagap tsi ya ná, nda nza aŋni ka masləmtsəka ni.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

La Ruma 11:36

Sagha da tsatsi inda skwi, nda ma tsatsi nzata inda skwi, ka ŋa ni inda skwi. Ŋa Lazglafta glaku ŋa kɗekedzeŋ. *Amin!

La Ruma 9:23

Mantsa ya kumaŋta Lazglafta ta snaŋta mnduha ta glakwa sgita ni ŋa gwal tawa tsi ta hiɗahiɗa ta həŋ, tsa gwal ya thanaf tsi ŋa lami da sgita ni ya.

1Kwa 2:7

Tsa ɗifil mnə yu ya ná, ɗifila Lazglafta ya ta nzakway ka skwi si nda ɗifa kul nghaŋtá mnduha si ghalya ya. Ma kɗaku lu ka zlagəgiŋtá ghəŋa haɗik ná, fa fa Lazglafta ŋa mba amu, ŋa ŋlamafta.

1Kwa 8:6

Dər ma mantsa tsi, ŋa amu ná, turtuktuk Lazglafta ta nzakway ka Da mu, ta zlaganapta inda skwi ma ghəŋa haɗik. Ŋa ni amu guli. Turtuktuk mghama mu guli, tsaya *Yesu *Kristi zlaganap Lazglafta ta inda skwiha nda ma tsatsi ya, ma tsatsi nzata amu nda hafu guli.

2Kwa 3:18

Amu demdem, bukwa a kuma mu wa. Manda dalagar ya ta wuɗakwa glakwa Mgham Yesu ta amu. Mgham Yesu ta nzakway ka Sulkum ya ta mbəɗanafta ka nanafta manda va tsatsi, ka kla amu ta kəma ta kəma ma tsa glakwa ni ta malaghuta ya.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

2Kwa 5:18

Inda tsaha ya ná, Lazglafta ta magata. Ka ghunagatá tsi ta Kristi mtuta ŋa slərɓaptá zughu mataba mu nda tsatsi. Ka vlaŋnatá tsi ta slna dzaʼa mnanatá mnduha ŋa sagha taŋ slərɓaptá zughu mataba taŋ nda tsatsi.

2Kwa 6:18

Dzaʼa nzakway yu ka Da ghuni, ŋa nzakwa kaghuni ka zwana ɗa nda kwagha ɗa guli, ka Mgham Lazglafta nda mbra kəʼa ya.

Galat 3:26

Kaghuni demdem, nda nza kuni ka zwana Lazglafta ma zlghafta ghuni ta Yesu Kristi.

Afisus 2:7

Mantsa ya maramaŋta tsi ta zɗakatahuɗa ni nda ma Yesu Kristi, ŋa nghaŋta mnduha dzaʼa yay lu ta kəma ta nzakwa glakwa tsa zɗakatahuɗa ni ta malaghutá inda skwi ya.

Afisus 3:10

Ndanana ka zlaganaptá Lazglafta nda ma mnduha ni ŋa nghaŋta gwal dagala dagala nda gwal nda mbra nda mbra ta luwa ta guyatá vgha mnduha ni, ŋa snaŋta taŋ ta nzakwa ɗifila Lazglafta kavghakavgha.

Kwalus 3:4

Vərɗa hafa ghuni ná, Kristi ya. Baɗu da zlagapər tsi, dzaʼa zlagaku kaghuni guli kawadaga nda tsi. Tekw kaghuni ma glakwa ni dzaʼazlay.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Hebru 6:20

Da hada tiŋlaghuta *Yesu ta lami ka amu, ŋa nzaku ŋa kɗekedzeŋ ka mali ta ghəŋa gwal dra skwi ŋa Lazglafta manda ŋa Melkisedek ya.

Hebru 7:26

Tsaya tama ná, nda nza Yesu ka mali ta ghəŋa gwal ksa slna Lazglafta ya pahaŋ mu. Tsatsi ná, nda ghuɓa nzatá nzakwa ni, haɗ rutsak tida wa. Haɗ dmaku tida guli wa. Nza a tsatsi manda gwal dmaku wa. Klagha kla lu ta luwa.

Hebru 7:28

La mali ta ghəŋa slna Lazglafta ya ta zbapta zlaha Musa ná, gwal nda hta nzakwa taŋ ya. Ma fitika waɗata Lazglafta ta tsa waɗu waɗa tsi ya, mbəɗapta tsa gwaɗa ya ta zlaha Musa. Ka fatá tsi ta zwaŋa ni ŋa kɗekedzeŋ ka mali ta ghəŋa gwal ksa slna Lazglafta, ŋa dzanaghatá ghəŋa skwi kumaŋ tsi.

1 Piyer 1:12

Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

1 Piyer 5:1

Ndanana tama, wya ka yu ta mnanatá la galata mndu ta ngha *Igliz mataba ghuni. Iʼi guli ná, glata mndu yu manda va hahəŋ. Masləmtsəka ghuya ta ɗaŋwa ghuy Kristi yu, dzaʼa mutsay iʼi guli ta mayaka ɗa ma glakwa Kristi ya dzaʼa maraŋta Lazglafta.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

Suna Yuhwana 4:11

« Mghama ŋni, Lazglafta ŋni, kagha ta zlaganaptá inda skwi. Manda ya ɗvaf ka zlaganapta ka ta həŋ, Ka gi nzaku həŋ. Tsaya tama kəl tsi ka nzakway ka skwi nda ra ka vlaghata glaku, nda zləzlvu. Ŋa gha mbraku guli, » ka həŋ.

Suna Yuhwana 7:9

Tahula tsa, ka nghaŋtá yu guli ta ŋəɗdəma ŋəɗdəma ta mnduha kul laviŋta lu ta mbəɗafta. Tsa mnduha ya ná, sab ma inda haɗikha, nda ya ma inda mndəra mndu, nda ya ma inda zivira mnduha, nda ya ma inda gwaɗa ta gwaɗ mndu saba həŋ. Ta sladu həŋ ta kəma dughuruk nda ya ta kəma Zwaŋa Tuwak nda suɗatá lguta ŋusliŋ nda ŋatá zlizlam ma dzvu, həŋ.