Hebru 13:7 - Hdi

⁷ Havakwa maliha ghuni, gwal ta mnaghunatá gwaɗa Lazglafta. Havakwahava ká həŋ nzakwagapta, nda ya ká həŋ mtaku. Ka kla kuni ta saɗa zlghay nda ŋuɗufa taŋ.

Hebru 13:7 Iomraidhean Croise

Mata 24:45

« Wa na ŋərma kwalva nda hiɗa fanam daŋahəga ni həga ni ma dzvu ta inda gwal ksanata slna, ŋa nghapta ni ka həŋ ka dgay ni ta skwa zay ŋa taŋ nda fitika ni na na?

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Lukwa 5:1

Ma sana fitik ta nzaku *Yesu ta wa drəf ma Genezaret, ka va sliʼadaghata dəmga dlivis slanaghata ŋa sna gwaɗa Lazglafta da tsi.

Lukwa 8:11

« Wya klatá ghəŋa tsa mahdihdi ya: Tsa hulfa ya ná, gwaɗa Lazglafta ya.

Slna gwal ghunay 13:46

Zləŋaŋə a i Pwal nda Barnabas ta həŋ wa. Ka həŋ mantsa: « Nda ra má ka tiŋlaghutá mna gwaɗa Lazglafta ŋa kaghuni mazlay, ka kwalaghutá kaghuni. Ra a aŋni ka mutsa hafu ŋa kɗekedzeŋ wu ka kuni ya, dzaʼa mbəɗaghutá vgha ŋni nda təv gwal kul nzakway ka la Yahuda ndana tama.

Slna gwal ghunay 14:23

Ka paghanamtá həŋ ta gwal ŋa ngha mnduha ta həŋ ma inda vla guyatá ghəŋa mnduha Lazglafta. Tahula ndəɓata taŋ ta dzvu kawadaga nda suma, ka fanamtá həŋ ta tsa mnduha ya ma dzvu ta Lazglafta, ya zlghaf həŋ.

Slna gwal ghunay 4:31

Manda kɗakwa taŋ ta ndəɓatá tsa dzvu ya, ka ghudzavaftá tsa vli tskava həŋ ya. Ka ndəghaftá həŋ demdem nda Sulkum nda ghuɓa, ka mnə həŋ ta gwaɗa Lazglafta nda tatá us ta iri.

La Ruma 10:17

Mantsa ya ná, ma snaŋtá gwaɗa ta kəl lu ka nuta ka mnda zlghay nda ŋuɗuf. Tsa gwaɗa snaŋ lu ya guli ná, gwaɗa Kristi ya.

1Kwa 10:13

Inda tsa dzəghuha ta grughunusta ya ná, dzəghuha ta raŋtá mnda səla ya. Lazglafta ná, ŋərma mndu ya. Haɗ dzaʼa zlaŋtá dzəghə ŋa dzəghaghunata ka malaghutá mbrakwa ghuni, da traptá kuni ta spafta wa.

1Kwa 11:1

Ksawaksa ta saɗa ɗa, manda ya ta ksə iʼi ta saɗa *Kristi ya.

1Kwa 4:16

Kdəkwa kdək! Ksawaksa ta ghəzama ɗa.

Filip 3:17

Kaghuni demdem zwana ma ɗa, ksawaksa ta saɗa ɗa, fafwa ira ghuni ta gwal ɗina mbaɗa taŋ manda ya ta nghə kuni ta mbaɗa aŋni ya.

1Tes 1:6

Kaghuni, ksaf ksa kaghuni ta saɗa ŋni, nda ŋa Mgham Yesu. Dər má ta ghuya ɗaŋwa kuni katakata, tsuʼaf tsuʼa kuni ta gwaɗa ni nda rfu ma mbrakwa Sulkum nda ghuɓa.

1Tes 2:13

Ta gɗa gɗa ŋni ta rfa Lazglafta guli, kabga ma fitika mnaghunata ŋni ta gwaɗa Lazglafta ná, tsuʼaf tsuʼa kuni, ka zlghafta manda va gwaɗa gwaɗagap Lazglafta, manda ya gwaɗagap mnduha a wa. Manda va tsaya nzakwa ni kahwathwata, sagha da Lazglafta tsa gwaɗa ya, ka ksə tsi ta slna ma kaghuni ta zlghafta ya.

2Tes 3:7

Kaghuni, nda sna kaghuni ta skwi ŋa magay, ŋa ksay ghuni ta saɗa ŋni. Ma nzakwa ŋni da kaghuni ná, nza a ŋni ka gwal ta yaɗi wa.

2Tes 3:9

Nza a vəl magay ŋni mantsa ya kazlay, ra a ka mutsay ŋni ta skwi da kaghuni wu kəʼa wa. Nda nza tsa slna mag ŋni ya ŋa tagha skwi ŋa ghuni.

1Tim 3:5

Ka si sna a mndu ta ŋanatá həga ni wu katsi, wa kəʼa dzaʼa laviŋtá nghaftá Igliza Lazglafta na?

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Hebru 13:24

Ka ganaghata kuni ta zgu ta maliha ghuni demdem, nda inda mnduha Lazglafta tani. Ta ga zgu zwana ma ma luwa Italiya ŋa ghuni.

Hebru 6:12

Ma ksu yaɗi ta kaghuni. Ksawaksa ta saɗa gwal ta ŋavata ma zlghay nda ŋuɗuf, gwal ta faftá ghəŋa taŋ ta Lazglafta ka mutsaftá həŋ ta skwi ya tanaf Lazglafta ta imi ta sləməŋ ta mndu.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

Suna Yuhwana 1:9

Iʼi Yuhwana zwaŋama ghuni ya ta vindaghunafta. Nda iʼi tani, nda kaghuni tani, nda guya vgha mu ma *Yesu. Ta kuwa turtuk mu ma ghuya ɗaŋwa. Suʼuway ta suʼu mu demdem. Ma ga mghama ni mu. Ksaf ksa lu ta iʼi, ka klaghata vziŋta ta tsatá haɗik ma takataka drəf ta hgu lu ka Patmus, ta ghəŋa vəl mnay ɗa nda tva ni ta gwaɗa Lazglafta nda kahwathwata ni ya marigiŋ tsi ma Yesu.

Suna Yuhwana 20:4

Tahula tsa guli, ka nghaŋtá yu ta dughurukha. Ka vlaŋtá lu ta mbrakwa tsa guma ta gwal ta nzaku tida. Ka gi nghaŋtá yu ta hafa gwal ɗatsaghu lu ta ghəŋa taŋ ta ghəŋa vəl mna gwaɗa Yesu nda ya ta ghəŋa gwaɗa Lazglafta. Hahəŋ ná, tsəlɓaŋ a həŋ ta tsəlɓu ŋa tsa nimtak ya nda ya ŋa skwa wuyay ni tani wa. Haɗ ŋizla ni ta kuma taŋ nda ya ta dzvuha taŋ wa. Ka vramtá həŋ, ka gə həŋ ta mgham kawadaga nda Yesu Kristi ka vaku dəmbuʼ.

Suna Yuhwana 6:9

Manda pslanapta tsa Zwaŋa Tuwak ya ta tsa mahutafa tsa ŋizla ya, ka nghə yu mista gwir ta hafa gwal psla lu ta ghəŋa gwaɗa Lazglafta nda ya ma vəl mnay si ta mnə həŋ.