Hebru 13:4 - Hdi

⁴ Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

Hebru 13:4 Iomraidhean Croise

Zlrafta 2:21

Mantsa tama, ka fanaghatá Yawe, Lazglafta ta mghama hani ta mndu, ka dziŋtá hani tsek. Ka klaʼatá tsi ta dzidzala mndu turtuk, ka nuʼamtá tsi ta tsa vli ya nda sluʼuvgha.

Zlrafta 2:24

Tsaya dzaʼa kəl zgun ka zlaŋtá da ni nda ma ni ka laghwi ndiʼanavatá vgha ta markwa taŋ, ŋa nzakwa taŋ ka sluʼuvgha turtuk.

2Mgh 22:14

Ka laghu Hilkiya, mnda dra skwi ŋa Lazglafta, nda Ahikam, nda Ghakbur, nda Safaŋ, nda Ghasaya slanaghatá anabi Hulda, markwa Salum, zwaŋa Tikva, zigha Harhas mndu ta nghapta ka lgutha ya. Ma lfiɗa ghərzla ma Ursalima ta nzakwa Hulda. Ka rusanaftá həŋ ta tsa gwaɗa ya.

La Levi 15:18

Ka hana hana mndu nda marakw, dzaʼa mbazaghu mbaza həŋ ta mbaza. Dzaʼa nza nza həŋ ka gwal ta tsaɗ lu ha ga hawu. »

La Levi 18:20

Yaha ka da hanata nda markwa sləvda gha, dzaʼa nighis na ka mndu ta tsaɗ lu.

1Kwa 6:18

Tsaya tama, zlaŋwa sliʼiŋsliʼiŋ. Hamata dmakuha ta mag lu ná, ta ɓla vgha ta magaʼata lu. Mndu ta fatá sliʼiŋsliʼiŋ ka slna ni, ŋa vərɗa sluʼuvgha ni ta ga tsi ta dmaku.

1Kwa 6:9

Sna a kaghuni kazlay: Haɗ vla gwal ta ga dmaku ma ga mghama Lazglafta wu kəʼa ra? Ma nanə kuni ta ghəŋa ghuni. Ɗina ka snaŋta ghuni kazlay: Gwal ta ga sliʼiŋsliʼiŋ, nda gwal ta wuya skwi, nda gwal ta hliri, nda gwal ta hani zgun nda zgun, marakw nda marakw,

1Kwa 7:38

Tsaya tama, ka klaf kla mndu ta marakw ná, ɗina tsaya. Ka kla a yu ta marakw wu, ka mndu guli ná, mal tsaya ɗinakwa ni.

1Kwa 9:5

Laviŋ a aŋni guli má ta kliŋtá makuma ma zlghay nda ŋuɗuf ta nzakway ka markwa ŋni manda ŋa sanlaha ma gwal ghunay, nda i zwana ma ni mamgham Yesu, nda Kefas wu ra?

2Kwa 5:10

Inda amu demdem ná, dzaʼa lagha la mu ta kəma *Kristi ŋa tsamaghatá guma, ŋa zlghay inda mndu ta nisəla slna ni ya maga tsi ma nzakwa ni ta ghəŋa haɗik. Ka ɗina slna ni maga tsi, dzaʼa zlghay ta nisəla ni, ka ɗina a slna ni maga tsi wu dzaʼa zlghay ta nisəla ni guli.

Galat 5:19

Ma ɗifa a skwiha zɗəgana magay ta sluʼuvgha wu, wya həŋ: Maga sliʼiŋsliʼiŋ, hliri, maga skwa hula,

Galat 5:21

haraʼutiri, ghuyaku, nda hambala vgha ŋa ghuyaku ka maga sliʼiŋsliʼiŋ, nda pɗakwa sanlaha ma skwiha manda tsaha ya. Ka yu ta mnəglaghunata manda va ya ghada yu ta mnuta ná, haɗ mndərga gwal ta maga tsa skwiha ya dzaʼa lami da ga mghama Lazglafta wa.

Afisus 5:5

Wya skwi ŋa snaŋta ghuni: Haɗ gwal ta hliri, nda gwal ta maga skwa hula, nda gwal ta tsagana, dzaʼa mutsaftá skwa za mgham ma luwa ga mghama i Lazglafta nda Kristi wa. Tsa gwal malaghu mala ɗvafta taŋ ta tsagana ka Lazglafta ya ná, ka guram nda wya skwi tsaya.

Vrafta ta zlahu 22:22

Ka slanagha sla lu ta mndu ta han nda markwa mndu, pslatá həŋ his his, tsa zgun ta hanata nda tsa marakw ya nda vərɗa tsa marakw ya. Mantsa ya dzaʼa kliŋta kuni ta ghwaɗaka skwi mataba la Israʼila.

1Tes 4:6

Ma tsa skwiha ya tama ná, ma tsaghu sani ta sani ka nənɓapta, kabga dzaʼa ghuzlanap ghuzla Lazglafta ta iri ta gwal ta maga mndərga tsaya, manda ya ghada ŋni ta mnuta ya.

1Tim 3:12

Mndu ta ksa slna ma səla mnduha ná, turtuk ka markwa ni, pərɗafpərɗa katsi ta zlaha zwana ni nda gwal ga taŋ tani.

1Tim 3:2

Ɗina ka nzakwa mali ta ghəŋa Igliz, ka mndu kul haɗ rutsak tida, turtuk ka markwa ni, zlahafzlaha katsi ta ghəŋa ni, ta ndanay katsi ta ndanu tɗukwa, ɗina ka nzakwa ni, ta tsuʼay katsi ta mayəm ga taŋ, nda sna katsi ta taghanaftá skwi ta mndu,

1Tim 3:4

Nda sna katsi ta ŋanatá həga ni, nda sna katsi ta zlaha zwana ni ŋa nzakwa taŋ ka zwani ta sna gwaɗa nda hanata ghəŋ guli.

1Tim 4:3

Dzaʼa lmay həŋ ta kla marakw, dzaʼa lmay həŋ ta zay lu ta sanlaha ma skwa zay. Wya Lazglafta ta zlagigiŋtá tsa skwiha ya ŋa zay gwal zlghay nda ŋuɗuf, gwal nda sna ta kahwathwata. Ta zə həŋ ya, ŋa rfay taŋ ta Lazglafta ta ghəŋa ni.

1Tim 5:14

Tsaya tama, ta kumay yu ta sliʼa miʼa wadgu ta ka daghali ya da zəʼalha taŋ, ka yaya həŋ ta zwani, ka ngha həŋ ta həga taŋ, kada kwala ghumaha mu ta mna gwaɗa kul raku ta amu.

Titus 1:6

Tsa gwal dzaʼa zabapta ka ya ná, gwal kul haɗ gwaɗa ta ghəŋa taŋ katsi, gwal turtuk turtuk markwa taŋ, zlghaf zlgha ka zwana taŋ ta *Yesu, ksu a sliʼiŋ ta həŋ wu, haɗ həŋ ta mbrəs wu, katsi.

Hebru 12:16

Ɗasuwa ka kuni, yaha gwal ta hliri nzakway mataba ghuni. Yaha mndu dər turtuk mataba ghuni da vziŋtá skwi ta nzakway ka ŋa Lazglafta, manda Ghesav ta skwaptá mamali mala ni nda skwa zay kweŋkweŋ ya.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.