Hebru 13:18 - Hdi

¹⁸ Magawa duʼa ta ghəŋa aŋni. Graf gra ŋni kazlay: Haɗ sana ɓədzaku ya maga ŋni wu kəʼa ma ndana ŋni. Ta kumay ŋni ta gɗata ŋni ta maga skwi ɗina ɗina inda fitik.

Hebru 13:18 Iomraidhean Croise

Slna gwal ghunay 23:1

Ka vazlanamtá Pwal ta iri ta gwal tsa guma. Kaʼa mantsa: « Zwana ma ɗa, haɗ sana skwi dəmanaf yu ta Lazglafta ha gita wa. Haɗ sana skwi guli ŋa tsaɗivata wu, » kaʼa.

Slna gwal ghunay 24:16

Tsaya ta kəl yu ka ŋavata ka nzaku manda ya ta raku ta kəma Lazglafta nda ya ta kəma mnduha.

La Ruma 12:17

Ma vranam kuni ta ŋaslu nda ŋaslu ta mndu. Zbawa maga skwi ɗina ta wa ira inda mnduha.

La Ruma 13:13

Nzama nza ta nzaku ya ta raku manda skwi gifitik. Zluŋmazla ta mblitá skwi nda ghuyaku. Zluŋmazla ta sliʼiŋsliʼiŋ nda hliri. Zluŋmazla ta zlərɗa wi nda draku.

La Ruma 15:30

Zwana ma ɗa, ma nzakwa ndiʼatá vgha mu ma *Yesu Kristi nda ya ma ɗvu ya ta vlamata Sulkum ná, ta ndəɓa dzvu yu da kaghuni ŋavawa ŋa kawadaga nda iʼi ma maga duʼa da Lazglafta ŋa katihata.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.

Kwalus 4:3

Magawa duʼa guli ta ghəŋa aŋni, kada gunaŋnaŋta Lazglafta ta wa tgha ŋa mnanaŋta gwaɗa ni ta mnduha, mnanaŋha ŋni ta ɗifatá skwa *Kristi guli ta həŋ. Tsa vəl magay ɗa ta ɗifatá skwa Kristi ya kəl lu ka hbamtá iʼi.

1Tes 4:12

Ka mantsa ka kuni magay katsi, dzaʼa vlay gwal ta kul zlghafta ta glaku ŋa ghuni, haɗ kuni dzaʼa slaslamaku guli wa.

1Tes 5:25

Zwana ma ɗa, ndəɓawa dzvu ta ghəŋa aŋni.

2Tes 3:1

Skwi ya ta pɗaku tama zwana ma ɗa, magawa duʼa ta ghəŋa aŋni, kada dzaʼa gwaɗa Mgham *Yesu ta kəma ta kəma misimmisim, nda ya ŋa ghubaray mnduha manda ya ta magaku da kaghuni ya.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

1 Piyer 2:12

Ɗina ka kuni nzaku mataba gwal kul snaŋtá Lazglafta. Ŋa nzakwa ni dər má ta vaza rutsak həŋ ta kaghuni, ŋa nghay taŋ ta ŋərma slna ya ta mag kuni, ŋa zləzlvay taŋ ta Lazglafta baɗu dzaʼa sagha tsi da guyaku nda həŋ.

1 Piyer 3:16

Ta zlghə kuni ta tsa wi ya, zlghawazlgha nda hanatá ghəŋ, nda ya nda vla glaku ŋa taŋ guli. Gɗata kaghuni ta maga tsa skwi ɗina ya ŋa ghuni, kada ksuta tsi ka hula ta həŋ, dər klaf kla həŋ ta kaghuni ka ghwaɗaka mnduha, ka raraza ŋərmata nzakwa ghuni ta tva Kristi.

1 Piyer 3:21

Tsa imi ya ná, gray nda batem ta mba kaghuni gitana ya. Rɗak ta vgha a ta ghuɓu na batem wa. Magaftá batem ná, vlaŋta mu ta ghəŋa mu ta Lazglafta nda vərɗa ŋuɗufa mu ya. Ndana guli, ta mbay batem ta kaghuni nda ma sliʼagapta Yesu Kristi ma mtaku.