Hebru 13:15 - Hdi

¹⁵ Gɗamagɗa ta zləzlva Lazglafta ka nzakwa tsi manda skwa pla ghəŋ nda ma Yesu Kristi. Zləzlvama hga ni nda gwaɗa ma wa mu.

Hebru 13:15 Iomraidhean Croise

2Rus 29:31

Ka Hizkiya tama mantsa: « Ndanana, ya wana pgham pgha lu ta kaghuni ŋa maganatá slna ta Yawe ya, gavagaghawa gava, hlagaghawa hla ta skwiha ŋa pla ghəŋ, nda mbəhuha da həga Yawe ŋa maraŋtá rfu, » kaʼa. Ka hladaghatá guyatá ghəŋ ta skwiha ŋa pla ghəŋ, nda mbəhuha ŋa maraŋtá rfu. Ka vlatá inda gwal ta muvla ta skwiha ŋa pla ghəŋ ŋa dray tsuh tsuh.

2Rus 33:16

Ka vrəglanaftá tsi ta gwira Yawe, ka vlatá tsi tida ta skwiha ŋa pla ghəŋa zɗaku, nda ŋa rfu, mnanafha guli ta la Yuda ta ksanata taŋ ta slna ta Yawe, Lazglafta la Israʼila.

2Rus 7:6

Ka sladatá gwal dra skwi ŋa Lazglafta ma vla maga slna taŋ, mantsa ya la Levi nda huzla skalu ŋa Yawe, ya si mamagaf mgham Dawuda ŋa zləzləva Yawe, ka həŋ mantsa: « Ta gɗava gɗa zɗakwa ni ŋa ɗekɗek, » ka həŋ. Taɓ ta laha ya vlaŋ Dawuda ta həŋ, ka viy gwal dra skwi ŋa Lazglafta ta talakwa ta kəma taŋ, ta sladu la Israʼila demdem hada.

Izra 3:11

Wya ka həŋ ta fa tsa laha zləzləvu ya. Faha ya faha ya nda vlaŋtá glaku ta Yawe: « Ŋərma mndu na Yawe, ŋa ɗekɗek ta nzakwa zɗakwa ni ŋa la Israʼila, » ka həŋ. Ka hlə inda mnduha ta wi nda lili nda lili, ka fa laha, ka zləzləva Yawe, kabga ta thay thay lu ta tughwa həga Yawe.

Nəhemiya 12:40

Ka sladatá tsa ghuɓuha his ta fa laha zləzləvu ya ma həga Lazglafta. Ka sladatá iʼi guli, kawadaga nda tsa rita maliha mista ɗa ya,

Nəhemiya 12:43

Ka magatá həŋ gagaʼ baɗ tsaya ta skwa pla ghəŋ, ka rfu həŋ ta rfu, kabga vlaŋ vla Lazglafta ta rfu dagala ta həŋ katakata. Ka rfu miʼaha nda zwani guli ta rfu, ka snavata rfa la Ursalima diʼiŋ.

La Levi 7:12

Ka si ŋa zləzlva Lazglafta na pla ghəŋa mndu katsi, kladaghata ni ta skwi nda səla kawadaga nda gatuha kul haɗ is mida hwaɗam lu nda rɗi, nda biskwitha kul haɗ is mida masaf lu ta rɗi tida, nda ya nda gatuha magaf lu nda hpu kəzlitit hwaɗam lu ɗina nda rɗi.

Mbsak 7:62

nda leghwa turtuk ka dasu ta magay ta gram dərmək nda ghwaŋ, ndəghata ni nda urdi ŋa dray nda dra,

Mata 11:25

Ma va tsa fitik ya, ka *Yesu mantsa: « Ta rfay yu ta kagha Da, Mghama luwa nda haɗik tani, kabga ɗifana ɗifa ka ta na skwiha na da gwal nda ɗifil ma ghəŋa taŋ, nda gwal nda sna ta skwi, ka maranatá ka ta zwani.

Lukwa 10:21

Ma va tsa fitik ya ka zɗanaftá Sulkum nda ghuɓa ta ŋuɗuf ta *Yesu, kaʼa mantsa: « Əŋkaʼ a Da, Mgham ta luwa nda ya ta haɗik, ta ghəŋa ɗifanata gha ta tsa skwiha ya da gwal nda ɗifil ma ghəŋa taŋ, nda ya da gwal nda mahizl ma ghəŋa taŋ, ka maranaŋtá ka ta gwal kul snaŋtá skwi. Kahwathwata mantsa nzakwa ni Da, ta rfa kagha yu ta ghəŋa ɗvafta gha mantsa, kaʼa.

Yuhwana 10:9

Iʼi wa tgha gamaka tuwak, ka lam la mndu nda ta iʼi, dzaʼa mbaku. Dzaʼa laviŋ lava ta lami ka sabi, ŋa mutsafta ni ta skwa zay ni.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

La Ruma 12:1

Zwana ma ɗa, dagala tawa hiɗahiɗa Lazglafta ta amu. Tsaya tama ta kəl yu ka ndəɓa ghunata dzvu. Vlaŋwa vla ta ghəŋa ghuni tsuh tsuh ta Lazglafta manda skwa pla ghəŋ nda hafu mida, nda ghuɓa ta zɗəganata. Tsaya vərɗaka tva tsəlɓay ghuni ta tsəlɓu ŋa ni.

La Ruma 6:19

Manda va ya ta gwaɗ mnda səla ta gwaɗaghunata yu ta na gwaɗa na, kabga pərɗaf a kuni ta snaŋta wa. Ghalya ná, si zliŋ zla kuni ta fawayha ghuni ka vuʼa maga ŋəɗaka skwiha, nda dmakuha ŋa kwal kul sna gwaɗa da Lazglafta. Ndanana tama ná, zlaŋwa zla ta fawayha ghuni ka vuʼa maga skwi tɗukwa ŋa nzakway ka gwal ta snanatá ŋa Lazglafta.

Afisus 2:18

Əŋkaʼ a ka Kristi kəl amu demdem, kaghuni nda aŋni tani, ka laviŋta ndusanavatá Lazglafta ta nzakway ka Da, nda ma tsa Sulkum nda ghuɓa turtuk ya.

Kwalus 1:12

Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

Hebru 12:28

Ya mantsa tsi ya, rfamarfa ta Lazglafta ta vlamatá ga mgham ya kul haɗ ta ghudzavata. Maraŋma mara ta tsa rfay mu ya nda ma maganatá slna ya ta zɗəganata nda haniŋtá ghəŋ, nda ya nda zləŋay.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!