Hebru 12:24 - Hdi

²⁴ Gavadagha ta vata *Yesu ta nzamta mataba mnduha nda Lazglafta ŋa dzrafta wi ka lfiɗ ya kuni. Gavadagha ta vata usa Yesu ya kəl tsi ka wutsikatá mnduha nda tsi ya kuni. Malaghu mala gwaɗa ta gwaɗ tsa us ya, ka ŋa Abel ta mnata.

Hebru 12:24 Iomraidhean Croise

Zlrafta 4:10

Ka Yawe mantsa: « Nu na maga ka na? Wana ɓhaɗigha ɓha lwa usa zwaŋama gha daga ta haɗik.

Sabi 24:8

Ka klaftá Musa ta tsa us ya ka wutsikafta ta mnduha, kaʼa mantsa: « Nana us na, ta maraŋta dzratá wa Yawe nda kaghuni, manda ya mna tsi ma inda gwaɗa ni, » kaʼa.

La Levi 1:5

Ka ghwanafta tsi ta tsa lghəŋ ya ta kəma Yawe. Ka klafta zwana Haruna gwal ta dra skwi ŋa Lazglafta ta usa ni, ka wutsikafta ta slərpuha gwir demdem ta wa tsa tumpula guyaku ya.

Mata 23:35

Tsaya tama, ta ghəŋa ghuni dzaʼa vrafta usa gwal tɗukwa psla kuni. Zlrafta ta Abel mndu tɗukwa, ha ka sagha ta dzata dza kuni ta Zakari zwaŋa Baraki, ya dza lu ma takataka vli nda ghuɓa ma həga Lazglafta nda gwir ya.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Markus 14:24

Kaʼa nda həŋ mantsa: « Nana na na usa ɗa ya. Nana usa ɗa ná, dzaʼa pghupgha ŋa slərɓa zughu mataba mnduha demdem nda Lazglafta.

Lukwa 11:51

na zlrafta ta Abel, ka sagha ta Zakari dza lu ma takataka gwir nda vli nda ghuɓa ma həga Lazglafta ya. Mantsa tsaya, dzaʼa ghuzlanaŋghuzla lu ta iri ta gwal ma na fitik na ta ghəŋa vəl pslata taŋ ta tsa mnduha ya.

Lukwa 22:20

Tahula zuta taŋ ta skwa zay, ka kapaftá tsi ta leghwa manda tsaya guli, kaʼa mantsa: « Nana leghwa na ná, slərɓatá zughu mataba mnduha nda Lazglafta ya nda ma usa ɗa ta pghuta ŋa ghuni.

Galat 3:20

Mataba mnduha his ta nzakwa mndu matabu tazlay, ama haɗ mndu ta nzakway matabu ma fitika tanafta Lazglafta ta imi ta sləməŋ ta Abraham wa.

1Tim 2:5

Na nzakwa ni ná, turtuktuk Lazglafta. Turtuktuk mndu ta guyanaftá mndu nda Lazglafta guli. Tsa mndu ya ná, *Yesu *Kristi ya

Hebru 10:22

Ma tsa nzakwa ni mantsa ya tama, gavanamavagava ta Lazglafta nda ŋuɗuf turtuk, nda fata ghəŋ dar, nda ghuɓata ŋuɗuf kul haɗ dmaku mida, nda mbazatá mbaza nda imi tsələŋa.

Hebru 11:28

Nda ma zlghay nda ŋuɗuf tahanatá tsi ta skala *Pak. Tahafwa taha ta us ta wa tgha, kaʼa nda la Israʼila, kada kwala duhwala Lazglafta ya dzaʼa ghunakta lu da rwa zumala la Masar da rwiŋtá ŋa ghuni guli, kaʼa.

Hebru 11:4

Nda ma zlghay nda ŋuɗufa ni klafta Abel ta skwa pla ghəŋ ta malaghutá ɗinaku ka ŋa Kayinu, ka vlaŋtá Lazglafta. Tsa zlghay nda ŋuɗufa ni ya kəl Lazglafta ka klafta ka mndu tɗukwa, kabga tsuʼaf tsuʼa ta tsa skwi vlaŋ tsi ya. Nda mta Abel má mndani, ama kabga zlghay nda ŋuɗufa ni ná, tata gwaɗa tsatsi.

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Hebru 7:22

Ma tsa waɗu waɗa Lazglafta ya ná, graf gra amu ma Yesu kazlay: Mamu mu nda slərɓatá zughu ya ta malaghuta kəʼa.

Hebru 8:13

Ma tsa mna gwaɗa ta dzratá wi ka lfiɗ ya, niŋ na Lazglafta ka halata ni ta tsa taŋtaŋa ni ya. Tsa ŋa ghalya ta halaku ya, taghwaŋ a ka hluta wa.

Hebru 8:6

Kahwathwata ná, slna dagala vlaŋ lu ta *Yesu. Tsatsi ta nzamta ma takataka slərɓatá zughu ɗina ta malaghuta, thaf lu ta tatá imi ta sləməŋ ɗina ta malaghuta ya guli.

Hebru 8:8

Manda tsaya ná, mamu rutsak kəl Lazglafta ka mnay ŋa taŋ. Kaʼa mantsa: « Dzaʼa sagha sa fitik, dzaʼa dzrəglaf dzra yu ta wi ka lfiɗa ni mataba ɗa nda la Israʼila, nda ya nda la Yuda,

Hebru 9:15

Tsaya kəl Kristi ka sladamta ma takataka i Lazglafta nda mnduha, ŋa dzrəglaftá wi ka lfiɗ nda həŋ, ŋa zlghay gwal hagaf Lazglafta ta tsa ŋərma skwi tanaf tsi ta imi ta sləməŋ ta həŋ ŋa vlaŋtá həŋ, ŋa nzakwa ni ka ŋa taŋ ŋa ɗekɗek ya. Əŋkaʼ a ka mtakwa Kristi ta varagaptá mnduha ma ghwaɗaka skwiha ya ta mag həŋ ma dzratá wi ya ŋa ghalya.

Hebru 9:19

Tahula mnanafta Musa ta inda zlahu ta mnduha demdem, manda ya mnaf zlahu, ŋa klafta ni ta usa zwana lghəŋ nda ŋa dugzumha ka gaɓanafta nda imi. Ɓlaha ta sluhwa fwa izwap nda swida tuwaka dva hbuŋ lu ta wa udzu, ka tsughumamta ma tsa us ya, ka wutsikay ta tsa deftera zlahu ya, nda ya ta inda mnduha.

Hebru 9:21

Wutsikafha guli ta tsa həga tumpul ya, nda inda huzlaha mida ta kəl lu ka ksa slna ka tsəlɓu ta kəma Lazglafta ya.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.