Hebru 12:22 - Hdi

²² Ama kaghuni, gavadagha ta vata ghwá *Tsiyuŋ, nda ya ta vata luwa Lazglafta ya ta vla hafu tsaya ta nzakway ka Ursalima ta luwa, nda tskata vgha duhwalha Lazglafta ka rfu kul laviŋtá lu ta mbəɗaftá həŋ ya kuni.

Hebru 12:22 Iomraidhean Croise

2Mgh 19:4

Kawayaka skwi, nda sna Lazglafta gha ta inda tsa gwaɗaha slufa ghunak daŋahəga ni, mghama la Asur ŋa raza Lazglafta nda hafu mida ya. Kawayaka skwi, dzaʼa tsanagha tsa Yawe, Lazglafta gha ta guma ta tsa gwaɗaha snaŋ tsi ya. Maga ta duʼa ta ghəŋa gwal ta pɗata,” kaʼa, » ka həŋ.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Danyel 7:10

Ka mbəzagaptá zala vu, ka sabi ta kəma ni. Mleŋwi mleŋwi mnduha ta ksanatá slna, mleŋwi mleŋwi dəmbuʼ ghwaŋ mnduha ta sladu ta kəma ni. Ka tskavatá gwal tsa guma, ka gwananaftá lu ta sanlaha ɗelewerha.

Mata 16:16

« Kagha ná, *Kristi ka, Zwaŋa Lazglafta ya ta vla hafu ka, » ka *Piyer nda tsi.

Mata 5:35

Dər nda haɗik, kabga vla fa səla ni ya. Dər nda luwa Ursalima, kabga luwa Mgham dagala ya.

La Ruma 11:26

Manda va tsaya ná, dzaʼa mbanaf mba lu ta inda la Israʼila. Manda ya nda vinda na: « Dzaʼa sagha sa mnda mba mndu daga ma Tsiyuŋ, ŋa hliŋtani ta kwal kul sna gwaɗa ma ŋuɗufa mndəra la Yakubu.

La Ruma 9:26

Ma vli ya mnana lu ta həŋ, “mnduha ɗa a kuni wu” kəʼa ya, ma tsa vli ya dzaʼa hga lu ta həŋ ka Zwana Lazglafta nda hafu. »

Galat 4:26

Ursalima ya ta luwa ná, nza a ka vuʼa wu, tsaya ta nzakway ka mamu ta amu.

Afisus 2:19

Tsaya tama ná, nza a kuni ka mayəm wu, nza a kuni ka mayəm guli tama wa. Nda nza kuni ndanana tama ka mnda luwa kawadaga nda sanlaha ma mnduha Lazglafta. Nda nza kuni ka mnda huɗa həga.

Vrafta ta zlahu 33:2

Kaʼa mantsa: « Sagha sa Yawe daga ta ghwá Sinay, manda fitik sliʼafta tsi daga ta haɗika Seghir, daga ta ghwá Paraŋ, ka tsuwaɗak tsi ta vli da mnduha ni. Ka sagha tsi kawadaga nda dəmbuʼata gwal nda ghuɓa, nda ŋatá zləghakwa vu ma dzva zeghwa ni.

Vrafta ta zlahu 5:26

Tsaya ná, wati ma mndu ya, tahula snaŋta ni manda aŋni ta lwa Lazglafta nda hafu mida ta gwaɗagapta ma vu, ŋa nzata ni nda hafu na?

Filip 3:20

Amu ná, ta luwa vla nzakwa mu. Mghama mu Yesu Kristi mnda mba amu dzaʼa saha ta luwa da slamaghatá ŋa amu ŋa kəzlay.

1Tes 1:9

Nda wa taŋ ta rusa mnduha ŋa ŋni, ká kuni tsuʼaftá aŋni ma lagha ŋni da kaghuni, nda ya ká kuni zlaŋtá skwa wuyay ka mbəɗavata tsəlɓu ta kəma vərɗa Lazglafta ya ta vla hafu,

2Tim 4:18

Nda sna yu guli ná, dzaʼa katigipkata Lazglafta ma inda ghwaɗaka skwi. Dzaʼa katay ta iʼi ŋa lafa ɗa ta luwa da vla ga mghama ni. Ŋa ni glaku ŋa kɗekedzeŋ. *Amin!

Hebru 10:31

Skwa zləŋay gwaɗa ta dəɗamta mndu da dzva Lazglafta ya ta vla hafu.

Hebru 11:10

Ka nzatá Abraham ka kəzla tsa luwa dihana Lazglafta ta tughwa ni ya. Lazglafta ka ghəŋa ni ta garafta, tsatsi mnda bafta guli.

Hebru 11:16

Kahwathwata ná, vli ta malaghutá tsaya ŋa taŋ ta pahaŋta, vli ya ta nzakway ta luwa. Tsaya kəl tsi ka zɗəganatá Lazglafta, na hgay ta hgə həŋ ka Lazglafta taŋ. Ka payanaftá tsi ta luwa taŋ ta həŋ.

Hebru 13:14

kabga ta na ghəŋa haɗik na a luwa amu ŋa kɗekedzeŋ wa. Ama luwa dzaʼa nzakway ŋa kɗekedzeŋ ŋa amu ta pahay.

Hebru 3:12

Ɗasuwa ka kuni zwana ma ɗa, yaha ya dər turtuk mataba ghuni da nzata nda ghwaɗaka ŋuɗuf ka zlanavatá Lazglafta ta vla hafu ya.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Yəhusuwa 3:10

Ka Yəhusuwa guli mantsa: « Dzaʼa graf gra kuni kazlay na mataba ghuni Lazglafta nda hafu mida kəʼa. Nda ya kazlay dzaʼa ghəzliŋ ghəzla ta kəma ghuni ta la Kanʼana, nda la Het, nda la Hiv, nda la Periz, nda la Girgas, nda la Amuru, nda ya nda la Yəbus kəʼa.

Yuda 1:14

Ka Inuk ta nzakway ka mandəfáŋa dzidzí daga ta *Adamu mnata ta ghəŋa mndərga tsa mnduha ya daga ghalya na: « Wya Mgham ta saha kawadaga nda duhwalha ni nda ndəgha ŋəɗdəm,

Suna Yuhwana 14:1

Ka nghaŋtá yu kay guli ta Zwaŋa Tuwak ta sladu ta ghwá *Tsiyuŋ. Ta sladu mnduha dəmbuʼ dərmək nda fwaɗ mbsak fwaɗ mida kawadaga nda tsi. Inda taŋ, nda vinda hga Zwaŋa Tuwak nda hga Da ni guli ma bizlbizla kuma taŋ.

Suna Yuhwana 21:10

Ka klaghatá tsi ta iʼi kay guli ma Sulkum ta sana ghwá dagala nda slra. Ka marihatá tsi ta luwa dagala nda ya nda ghuɓa ta nzakway ka Ursalima ta saha ta luwa daga da Lazglafta.

Suna Yuhwana 21:2

Ka gi nghaŋtá yu ta saha luwa dagala nda ghuɓa, ta nzakway ka luwa Ursalima ta luwa daga da Lazglafta. Nda rka rka ni manda makwa ta dzaʼa da zəʼal.

Suna Yuhwana 22:19

Ka klanaghukla mndu ta sana skwi mataba gwaɗaha ma na defteri ta nzakway ka tsghatá lwa Lazglafta na katsi, dzaʼa klanaghukla Lazglafta ta mayaka ni ma yakwa tsa fwa hafu ya, nda ya nda tsa luwa nda ghuɓa ya, manda va ya nda vinda ma na defteri na.

Suna Yuhwana 3:12

« Dzaʼa nanaf na yu ta mndu ta zata ghwa ka guguɗi ma həga Lazglafta ɗa. Haɗ dzaʼa walaŋta sabi mida wa. Dzaʼa vindaf vinda yu ta hga Da ɗa nda hga luwa Da ɗa tani tida. Tsa luwa ya ná, lfiɗa Ursalima ya dzaʼa saha ta luwa, ghunaf Lazglafta. Dzaʼa vindaf vinda yu guli tida ta lfiɗa hgu ya mutsaf yu.

Suna Yuhwana 7:2

Ka nghə yu ta sana duhwala Lazglafta ta safi nda ma mndəra luwa nda ŋatá ŋizla Lazglafta ta vla hafu. Ka hgaŋtá tsi nda lwi dagala dagala ta tsa duhwalha Lazglafta valaŋ lu ta həŋ ta mbrakwa ɓadziŋtá haɗik nda imiha tani ya.