Hebru 12:15 - Hdi

¹⁵ Ɗasuwa ka kuni yaha mndu dər turtuk da mbəɗanatá hul ta zɗakatahuɗa Lazglafta. Yaha ya dər ka turtuk da nzakway manda slrəŋ ɗahɗaha da ɗyamta ka ɓadza ndəghata mnduha.

Hebru 12:15 Iomraidhean Croise

1Mgh 14:16

Dzaʼa zlanava zla Yawe ta la Israʼila dabga dmakuha maga Yaruvgham, nda ya dabga hlamta ni ta la Israʼila dida, » kaʼa.

Sabi 32:21

Ka Musa nda Haruna mantsa: « Nya maga gha na mnduha na kəl ka ka klanaktá həŋ da mghama dmaku manda na na? » kaʼa.

Lukwa 22:32

Tsaw maga maga yu ta duʼa ta ghəŋa gha, kada kwala zlghay nda ŋuɗufa gha htuta ɗekɗek. Baɗu vragaghuta gha da iʼi ya, ka mba ka ta zwana ma gha, » ka *Yesu.

1Kwa 10:12

Tsaya tama, ka nda slada slada ɗa, ka mndu ná, ɗaswa katsi tama da zləmbutá tsi.

1Kwa 13:8

Haɗ ɗvutá mndu ta kɗaghuta ɗekɗek wa. Dzaʼa kɗaghukɗa kla lwa Lazglafta, dzaʼa kɗaghukɗa gwaɗa sanlaha ma gwaɗa, dzaʼa kɗaghukɗa snaŋtá skwi guli.

1Kwa 15:33

Ɗasuwa ka kuni, ma nanə kuni ta ghəŋa ghuni, ya « ksa nzaku nda ghwaɗaka mnduha ná, ta ɓadzay ta mndu. »

1Kwa 5:6

Ngha a iʼi ta skwi ŋa ghərɓay kaghuni ta ghərɓaku wa. Sna a kuni kazlay: Kuseta ta is ná, ta ŋlanaf ŋla ta inda hwaɗatá hpwa buradi kəʼa ra?

2Kwa 13:5

Ndanawa ndana kaghuni ka ghəŋa ghuni ta ghəŋa ghuni, ŋa grafta ghuni ka ma zlghay nda ŋuɗuf kuni tsi, ka ki tsi. Ndanawa ndana kaghuni ɓa ka ghəŋa ghuni, tsatsaf a kuni kazlay: Mamu *Yesu Kristi ma kaghuni kəʼa ra? Ba tsatsaf a kuni tɗukwa kasiʼi wa.

2Kwa 6:1

Ndanana ná, ta ksa slna aŋni nda Lazglafta. Kdəkwa kdək ta ndəɓa dzvu ŋni ŋa ghuni, ma ganava kuni ta masfa ta zɗakatahuɗa Lazglafta ya zlghaf kuni.

Galat 2:13

Ka tsaghutá sanlaha ma la Yahuda ta nzakway ka gwal zlghay nda ŋuɗuf ta vgha guli manda tsa ŋa Piyer ya. Ka dəɗamtá Barnabas guli da tsa ghwaɗaka ndana taŋ ya.

Galat 5:4

Inda tsa kaghuni ta zba nzaku tɗukwa ta wa ira Lazglafta nda ma zlahu ya, tsaghu tsa kuni ta vgha nda Kristi, bəghapbəgha kuni ma zɗakatahuɗa Lazglafta.

Afisus 5:3

Ya nda nza kuni ka ŋa Lazglafta ya, yaha kuni walaŋtá hliri, yaha kuni maga skwa hula, yaha kuni tsagana, yaha mndu da razaghunafta ta ghəŋa tsa skwiha ya.

Vrafta ta zlahu 29:18

Tahula snaŋta mndu ta na gwaɗaha waɗu na, yaha mndu mataba ghuni da ghuba ghəŋa ni, ka mnay kazlay: “Dzaʼa mutsay yu ta zɗaku, dər má kɗaŋ kɗa yu ta maga skwi ta kum yu” kəʼa. Dzaʼa zaɗiŋ zaɗa tsaya ta gwal kul haɗ dmakwa taŋ nda vərɗa tsatsi tani.

Vrafta ta zlahu 32:32

Fwa inaba taŋ ná, ta dzuslafta ta dughwaŋa inabiha ma Sədum, nda ya ma vwahha inabi ma Ghamura həŋ. Yakwa taŋ ná, ka gruma nzakwa ni, zuŋura taŋ ná, ɗahɗaha nzakwa ni.

Vrafta ta zlahu 4:9

Ama ɗasuwa ka kuni, ka nghuta kuni ta ghəŋa ghuni, ma zanap kuni ta skwi ya nghaŋ kuni nda ira ghuni, dá zliŋtá kuni ŋa saghwa ni ma ŋuɗufa ghuni ma inda nzakwa ghuni. Ka rusa kuni ŋa zwana ghuni nda ya ŋa zighiha ghuni.

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

Titus 1:15

*Nda ghuɓa inda skwi demdem ŋa gwal nda ghuɓa. Haɗ skwi nda ghuɓa da gwal kul ghuɓaku kul zlghaftá gwaɗa Lazglafta wu, ɗina a ndana taŋ wu, ɗina a ghunislaka taŋ wa.

Hebru 3:12

Ɗasuwa ka kuni zwana ma ɗa, yaha ya dər turtuk mataba ghuni da nzata nda ghwaɗaka ŋuɗuf ka zlanavatá Lazglafta ta vla hafu ya.

Hebru 4:1

Tshala tamafta Lazglafta ta imi ta sləməŋ kazlay: Dzaʼa laviŋ lava kuni ta lami da vla mbiʼa vgha ya payaghunaf yu kəʼa ya, ɗasuwa ka kuni tama, da pɗaghutá sani dər turtuk mataba ghuni ka kwal lami.

Hebru 4:11

Tsaya tama ná, ŋavama ŋa ka lama mu da tsa vla mbiʼa vgha ya. Ɗasuwa ka mu da kwalaghutá mu ta snanatá gwaɗa Lazglafta, manda tsa ŋa dzidzíha mu ya.

Hebru 6:11

Ndanana ná, ta kumay ŋni ta ŋavata inda kaghuni nda fata ghəŋ ta skwi ya faf kuni ta ghəŋ tida ha ka kɗavakta ni.

Yəhusuwa 6:18

Ama ɗaswa ka kuni! Yaha kuni ksaŋtá skwiha nda fa ŋa zaɗanata nekwnekw, kabga ka klaf kla kuni ta skwiha má dzaʼa kuni hwanzaɓiŋta katsi, dzaʼa tɗanak tɗa kuni ta maswaɗaka ta ghuɓa la Israʼila, ŋa zaɗanata.

2 Piyer 1:10

Tsaya tama zwana ma ɗa, ŋavawa ŋa ka nzafta kuni ta tsa hgu hgaf Lazglafta ta kaghuni, ka ɗagaptá kaghuni ya. Ka mantsa ya ka kuni magay haɗ kuni dzaʼa dəɗamta da ghwaɗaka skwi wa.

2 Piyer 2:18

Ta ghərɓaku həŋ ka yawu bətbət, ka bara gwal tsaghuta taŋ yeya ta vgha nda gwal ta gɗata ta nzaku ma dmaku.

2 Piyer 3:11

Ka si mantsa dzaʼa zwaɗuta inda tsa skwiha ya ná, mndərga wati nzaku ta raku ŋa nzakway ghuni? Nzawa nza ta nzaku ya nda ghuɓa. Ka vlaŋta kuni ta ghəŋa ghuni ta Lazglafta ma inda skwi.

2 Piyer 3:14

Tsaya tama graha ɗa ya ta ɗvu yu, ŋavawa ŋa, ŋa slaghunaghata ni nziɗiɗ kul haɗ sana skwi ta kaghuni, ŋa nzakwa ghuni nda zɗaku nda tsi.

2 Yuhwana 1:8

Ɗasuwa ka kuni nda həŋ, da dəɗəgudughunusta hya hya skwi ya mutsaf kuni da aŋni, ya dzaʼa mutsay kuni ta nisəla ghuni katakata.