Hebru 11:7 - Hdi

⁷ Nda ma zlghay nda ŋuɗuf snata Nuhu ta gwaɗa ya mnana Lazglafta ta ghəŋa skwi dzaʼa magaku ta kul nghaŋtá iri karaku. Ka tsaftá tsi ta kwambalu dagala manda ya mnanaf Lazglafta. Ka lam tsi dida nda gwal ga taŋ tani, ka mbaftá həŋ. Ma tsa magata ni mantsa ya tsanaghata tsi ta guma ta ghəŋa haɗik. Ka klaftá Lazglafta ka mndu tɗukwa kabga zlghay nda ŋuɗufa ni.

Hebru 11:7 Iomraidhean Croise

Zlrafta 19:14

Ka sliʼaftá Lut ka laghu da mnay ŋa gwasiha ni ta dzugwa kwagha ni, kaʼa mantsa: « Sliʼafwa sliʼa misimmisim ka sliʼapta kuni ma na vli na, kabga dzaʼa zaɗanatá na luwa na Yawe, » kaʼa. Ama ma ndana gwasiha ni ya ná, gaga mndani ya, ka həŋ.

Zlrafta 6:13

Ka Lazglafta nda Nuhu mantsa: « Dzaʼa hərɗiŋtá inda skwi ta hafu yu ta haɗik. Dabga hahəŋ ná, nda ndəgha haɗik nda mbraku mbraku. Wana yu dzaʼa zaɗanatá həŋ nda haɗik tani.

Zlrafta 6:22

Mantsa tama, inda skwi mnana Lazglafta ta Nuhu ŋa magay ya, ka magatá tsi.

Zlrafta 6:9

Wya rusa ta ghəŋa Nuhu. Mataba mnduha ta tsa fitik ya ná, Nuhu tɗukwa mndu, haɗ rutsak tida wa. Ta nzakw ma zɗaku nda Lazglafta.

Zlrafta 7:23

Mantsa ká Lazglafta zaɗanatá inda skwiha demdem ta ghəŋa haɗik. Nda mnda səla tani, nda rini nda nimtak tani, nda skwiha ta mbaɗa nda huɗi tani, nda ɗyakha nda zarakha ta ndaraku ta luwa tani, ka zaɗanatá Lazglafta tendərzleleʼ ta haɗik. I Nuhu kweŋkweŋ ta pɗata, nda skwiha ma kwambalu kawadaga nda tsi.

Zlrafta 7:5

Ka magatá Nuhu ta inda skwi mnana Yawe ŋa magay.

Zlrafta 8:16

« Sab sa ma kwambalu, kagha nda markwa ghuni, nda zwana gha tani, nda ghwaʼalha gha tani kawadaga nda kagha.

2Mgh 4:5

Ka sliʼaftá tsa marakw ya ka laghwi. Ka lam həŋ da həga tsatsi nda zwana ni, ka haftá həŋ ta wa tgha. Ka vlə tsa zwana ni ya ta hwarakha, mbaɗa tsatsi ka ndaghay.

Mata 2:12

Tahula tsa ka mnanatá Lazglafta ta həŋ nda ma suni kazlay: Yaha yaha həŋ da vradaghata nda da Hiridus kəʼa. Ka sliʼaftá həŋ ka vraghata da luwa taŋ nda ta sana tvi.

Mata 24:15

« Tsaya tama, ka nda ngha kuni ta sana “ghwaɗaka manzakɗaway ta vla mbiɗa” manda ya mnə anabi Danyel, fa lu ma vli nda ghuɓa ya, ɗina ka snaŋta mndu ta dzaŋay.

Mata 24:25

Wya mnaghuna mna yu ta tsekeʼluwa.

Mata 24:38

Manda va ya ma tsa fitik ma kɗaku tsa ima mabuɗbuɗ ya dzaʼa nzakwa tsi, laghu la mnduha da hamtá ghəŋ ma za skwi, nda ya ma sasaku. Laghu la həŋ da hamtá ghəŋ ma kla makwa, nda valaŋtá kwagha taŋ ŋa zəʼal, ha ka sagha fitik kəl Nuhu ka lam da kwambalu.

Mata 3:7

Nghay Yuhwana ta ndəghadaghata la *Farisa nda la *Sadukiya ta sliʼadaghata da tsi, ŋa maganaftani ta batem ta həŋ ná, kaʼa nda həŋ mantsa: « Mndəra la mupuhwa! Wa ya ta mnaghunatá hwayapta ma tsa ɓasatá ŋuɗufa Lazglafta dzaʼa sagha ya na?

Lukwa 17:26

Tsa skwi ta maguta ma fitika Nuhu ya ná, mantsa ya dzaʼa magakwa tsi ma fitika Zwaŋa mndu guli.

La Ruma 1:17

Tsa Lfiɗa Gwaɗa ya ta maray kinawu ká Lazglafta ta nanaftá mnduha ka gwal tɗukwa tawa ira ni zlghafər həŋ. Haɗ sana tvi wu, ta ghəŋa tsa zlghay nda ŋuɗuf ya kweŋkweŋ. Nda nza manda ya nda vinda ma deftera kazlay: Mndu ta zlghafta Lazglafta ná, tsaya mndu tɗukwa tawa ira Lazglafta, tsa mndu ya guli dzaʼa nzata nda hafu kəʼa.

La Ruma 10:6

Ama wya ka gwaɗa Lazglafta ta mnay ta ghəŋa tva nzaku tɗukwa ta wa ira Lazglafta nda ma zlghay nda ŋuɗuf: « Yaha kuni da mnay ma ŋuɗufa ghuni kazlay: Wa dzaʼa ŋladafta ta luwa » da klagatá *Kristi na? ka ka mndu ná, ghada ghada Kristi ta saha!

La Ruma 3:22

Tsaya tvi dzaʼa kəl Lazglafta ka nanaftá mnduha ka gwal tɗukwa ta kəma ni ya nda nza nda ma zlghafta dər wa ta *Yesu *Kristi. Haɗ ya galap Lazglafta, dər la *Yahuda dər gwal kul nzakway ka la Yahuda wa.

La Ruma 4:11

Ma fitika nzakwa ni ta kul tsaku fafaɗa ni, ka klaftá Lazglafta ka mndu tɗukwa ta wa ira ni, kabga vəl zlghafta ni. Tahula tsa ka tsatá tsi ta fafaɗ. Ka nzaku tsa tsatá fafaɗa ni ya, ka ŋizla maraŋtá nzakwa ni tɗukwa ta wa ira Lazglafta. Abraham ná, da ni ma inda gwal kul tsaku fafaɗa ni ya, ama ka zlghaftá həŋ ta Lazglafta, ka klaftá Lazglafta ta həŋ ka gwal tɗukwa ta wa ira ni, manda ŋa Abraham ya.

La Ruma 4:13

Tanafta Lazglafta ta imi ta sləməŋ ta Abraham nda zivira ni tani kazlay: Dzaʼa vlagha vla yu ta ghəŋa haɗik kəʼa. Tanaf a Lazglafta ta imi ta sləməŋ kabga vəl magay ni ta skwi ta kum zlahu wu, ama kabga vəl klafta Lazglafta ka mndu tɗukwa ma zlghafta ni.

La Ruma 9:30

Kinawu tsa tama? Gwal kul nzakway ka la *Yahuda ná, zbaŋ a hahəŋ ta nzakway ka gwal tɗukwa ta wa ira Lazglafta wu, ka mutsaftá həŋ ta nzakway ka gwal tɗukwa ta wa ira Lazglafta nda ma zlghay nda ŋuɗuf.

Galat 5:5

Aŋni ná, nda fa ghəŋa aŋni kazlay: Namafna Lazglafta ka mndu tɗukwa ta wa ira ni, kabga vəl zlghafta mu ta Kristi nda ŋuɗuf kəʼa. Tsaya skwi ta kzlə amu nda ma mbrakwa Sulkum.

Filip 3:9

ŋa nzakwa ɗa ɗekɗek ka ŋa ni. Walglaŋta a iʼi ta mnay kazlay: Tɗukwa mndu yu kəʼa ta kəma Lazglafta, kabga snata ɗa ta zlaha la Yahuda wa. Skwi ta niɗifta ka mndu tɗukwa ta kəma ni ná, vəl zlghafta ɗa ta Yesu Kristi ya. Lazglafta ta niɗifta ka mndu tɗukwa, kabga zlghafta ɗa.

Hebru 11:1

Zlghay nda ŋuɗuf ná, graftá skwi ya faf lu ta ghəŋ tida ya. Fatá vgha kazlay: Mamu tsa skwi ya kahwathwata kəʼa ya, dər ta ngha a iri.

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Hebru 5:7

Ma fitika nzakwa Yesu ma ghəŋa haɗik ná, ka mag tsi ta duʼa ka taw ka ŋɗaŋɗa da Lazglafta ta laviŋtá mbanafta ma mtaku. Ka snanatá Lazglafta ta ghəŋa vəl hananatani ta ghəŋa ni.

Hebru 8:5

Tsa slna ta mag tsa gwal ta maga slna Lazglafta ya ná, fwata skwi ta magaku ta luwa ya, sulkuma skwi ta magaku ta luwa ya guli. Ma fitika dzaʼa Musa ba həga tumpul ná, wya ka Lazglafta nda tsi: « Ɗasuwa ká ka, manda va tsa nzakwa ni mara gha yu ta ghwá ya ná, manda va tsaya ká ka da bafta, » kaʼa.

1 Piyer 3:20

Tsa sulkumha ya ná, hahəŋ gwal ta kwalaghutá snanatá gwaɗa Lazglafta ghalya. Aŋ mndani, nzɗavanzɗa Lazglafta ka ksanatá ŋuɗufa ni ma fitika tsay Nuhu ta kwambalu. Ka mbaʼatá mbsaka mnduha hutsekw ma tsa imi ya nda ma tsa kwambalu ya. Tghas yeya həŋ kweŋkweŋ.

2 Piyer 1:1

Iʼi Simuŋ *Piyer ta nzakway ka kwalva nda ya ka ghunatá mnda *Yesu *Kristi ta vinda na ɗelewer ná, ŋa gwal ta mutsaftá zlghay nda ŋuɗuf ka guram nda va ŋa ŋni, nda ma zɗakwa Lazglafta nda Yesu Kristi.

2 Piyer 2:5

Tsa mnduha ghalya ta gatá dmaku ya guli ná, zlana a Lazglafta ta həŋ mantsa ya guli wa. Ka zaɗanatá tsi ta tsa gwal ta maga ghwaɗaka skwi ya nda ima mabuɗbuɗ. Ta ghəŋa Nuhu si ta mnay ŋa mnduha kazlay: Magawa skwi tɗukwa kəʼa yeya mbanaf tsi, nda sanlaha ma mnduha ndəfáŋ guli.

2 Piyer 3:6

Nda imi ta nzakway ka ima mabuɗbuɗ zaɗanamta Lazglafta ta ghəŋa haɗik ghalya.