Hebru 11:6 - Hdi

⁶ Ka haɗ zlghay nda ŋuɗuf wu ná, haɗ fitik zɗəgana mndu ta Lazglafta wa. Mndu ta gavadaghata da Lazglafta ná, ɗina ka grafta ni kazlay: Mamu Lazglafta, ta magay ta skwi ɗina guli ŋa gwal ta zbay kəʼa.

Hebru 11:6 Iomraidhean Croise

Zlrafta 15:1

Tahula tsa skwiha ta maguta ya, ka maravatá Yawe da Abram manda skwi ma suni, kaʼa nda tsi mantsa: « Abram! Ma zləŋ ka ta zləŋ. Iʼi ná, zalama gha yu, dzaʼa vlagha vla yu ta nisəla dagala, » kaʼa.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

Mbsak 14:11

Ka Yawe nda Musa mantsa: « Ha ŋa yawu dzaʼa gɗata na mnduha na ta hərtətatá iʼi na? Ha ŋa yawu dzaʼa gɗata həŋ ta kwalaghuta faftá ghəŋ ta iʼi, kulam nda inda ŋizlaha maraŋ yu mataba taŋ na?

Mbsak 20:12

Ka Yawe nda i Musa nda Haruna mantsa: « Ma kwala ghuni kul zlghaftá iʼi, maraŋ a kuni ta nzakwa ɗa nda ghuɓa ta kəma la Israʼila ya wu, dabga tsaya, kladamtá a kuni ta na guyatá ghəŋa mnduha na ta tsa haɗik vlaŋ yu ta həŋ ya wu, » kaʼa.

Mata 11:26

Manda va tsa nzakwa ni Da, ta rfay yu ta kagha, ma zɗakwa gha nzakwa tsi mantsa.

Mata 5:12

Rfawa rfa ta rfu, ka nzata kuni waɗah, kabga mamu nisəla ghuni dagala ta kəzla kaghuni ta luwa. Manda va tsaya ganapta lu ta iri ta anabiha ta tiŋlaghutá kaghuni. »

Mata 6:16

« Ka ta suma kuni, ma pslaf kuni ta kuma manda ya ta mag ghwaɗaka mnduha. Ta pslafpsla həŋ ta kuma, kabga ŋa nghay mnduha kazlay: Ta suma həŋ kəʼa. Kahwathwata ka yu ta mnaghunata, mutsu mutsa həŋ ta nisəla taŋ nda tsaya.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

Mata 6:5

« Ta ndəɓu kuni ta dzvu, ma nza kuni manda ŋa gwal ta maga maɗgwirmaɗgwir zɗəgana maga duʼa ta həŋ ta sladu ta sladu ma həga tagha skwa la *Yahuda, nda ya ta wa madədga tvi ŋa nghaŋta mnduha ta həŋ ya. Kahwathwata ka yu ta mnaghunata, mutsu mutsa həŋ ta nisəla taŋ.

Markus 16:17

Wya ŋizla dzaʼa maraŋtá gwal ta zlghaftá iʼi: Nda hga ɗa, dzaʼa ghazlay həŋ ta duhwalha halaway ma mnduha, dzaʼa gwaɗay həŋ ta sana Lfiɗa Gwaɗa.

Lukwa 12:31

Dzawa dza ta vgha ka zba ga mgham Lazglafta karaku, dzaʼa vlaghuna vla Lazglafta ta pɗakwa ni, » kaʼa.

Lukwa 6:35

Kaghuni ya ná, ɗvuwa ɗva ta ghumaha ghuni, magawa maga ta zɗaku ŋa taŋ. Ɓlawa nzawa ŋa mnduha, ma faf kuni ta ghəŋ ta vraghunamta, dzaʼa mamu nisəla ghuni dagala, dzaʼa nzakway kuni ka zwana Lazglafta Dagala, kabga tsatsi ná, zɗa ghəŋa ni nda mnduha kul haɗ ta rfa mndu, nda gwal ta sidi tani. »

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 8:24

Tsaya tsa kəl yu ka mnay ŋa ghuni kazlay: Dzaʼa rwaku kuni ma dmakuha ghuni kəʼa ya. Dzaʼa rwaku kuni ma dmakuha ghuni ka si zlgha a kuni kazlay: “Iʼi ná, iʼi ya kəʼa ya wu,” » kaʼa nda həŋ.

La Ruma 10:14

Ka zlghaf a həŋ wu, kinawu ka həŋ dzaʼa hwayanavata tama, kinawu ka həŋ dzaʼa zlghaftá mndu kul snaŋta həŋ ta gwaɗa ta ghəŋa ni? Kinawu ka həŋ dzaʼa snaŋtá gwaɗa ta ghəŋa ni guli ka haɗ mndu ta mnanaŋtá həŋ?

Galat 5:6

Ka nda ndiʼa mndu nda *Yesu Kristi katsi, dər nda tsa fafaɗa ni, dər tsa a tsi wu, haɗ ghəzliwa ni wa. Zlghafta nda ŋuɗuf, ka mara tsa zlghay ya nda ma ɗvutá sanlaha vərɗa skwi.

Hebru 11:26

Mal ghuyɗipta mnduha ta ɗaŋwa manda ya dzaʼa ghuyanapta lu ta *Kristi ya, ka inda skwa gadghəl ta haɗika Masar, » kaʼa, kabga nda fa ŋuɗufa ni ta skwi ya dzaʼa vlaŋta Lazglafta ta kəma.

Hebru 3:12

Ɗasuwa ka kuni zwana ma ɗa, yaha ya dər turtuk mataba ghuni da nzata nda ghwaɗaka ŋuɗuf ka zlanavatá Lazglafta ta vla hafu ya.

Hebru 4:2

Guli ná, mnamamna lu ta *Lfiɗa Gwaɗa manda va ya mnana lu ta dzidzíha mu ghalya. Ama kataŋ a tsa gwaɗa mnana lu ta həŋ ya ɗekɗek wa. Manda snaŋta taŋ ta tsa gwaɗa ya, ka kwalaghutá həŋ ta zlghafta nda ŋuɗufa taŋ.

Hebru 4:6

Tsa gwal ta snaŋta taŋtaŋ ta tsa Lfiɗa Gwaɗa ya ná, lam a həŋ wu, kabga kwalaghuta taŋ ta snanatá gwaɗa Lazglafta. Tsaw nda ghada fata Lazglafta kazlay: Dzaʼa lam la sanlaha kəʼa guli.

Hebru 7:19

Zlaha Musa ná, laviŋ a ta nanaftá mndu ka mndu tɗukwa ta wa ira Lazglafta wa. Ama ndanana ná, mutsaf mutsa mu ta fata ghəŋ ta malaghuta. Tsaya dzaʼa ɓhadamaghata da Lazglafta.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

2 Piyer 1:10

Tsaya tama zwana ma ɗa, ŋavawa ŋa ka nzafta kuni ta tsa hgu hgaf Lazglafta ta kaghuni, ka ɗagaptá kaghuni ya. Ka mantsa ya ka kuni magay haɗ kuni dzaʼa dəɗamta da ghwaɗaka skwi wa.

2 Piyer 1:5

Mantsa ya tama, ŋavawa ŋa ka sganaghata kuni ta ghəŋa zlghay nda ŋuɗufa ghuni ta nzaku ɗina. Ta ghəŋa nzaku ɗina, ka sganaghata kuni ta snaŋtá skwi.

2 Piyer 3:14

Tsaya tama graha ɗa ya ta ɗvu yu, ŋavawa ŋa, ŋa slaghunaghata ni nziɗiɗ kul haɗ sana skwi ta kaghuni, ŋa nzakwa ghuni nda zɗaku nda tsi.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Rut 2:12

Ka plagham pla Yawe ta skwi ya maga ka, ka hɗaghamta Yawe, Lazglafta la Israʼila, sagha ka da zba vla bukwa mista zlimbira ni ya, ta nisəla gha gerger! » kaʼa.