Hebru 11:37 - Hdi

³⁷ Nda pala zlazlərtsata lu ta sanlaha ka pslatá həŋ, ɗatsanap nda ɗatsa lu ta sanlaha, tsasla nda kafay lu ta sanlaha, ka pslatá həŋ. Hwayapta ka ra vli ŋa sanlaha, ka nutá həŋ ka pɗu ka kla huta ta tuwak nda ŋa gu ta vgha. Ka ghuyanaptá lu ta ɗaŋwa, ka ganaptá lu ta iri ta həŋ.

Hebru 11:37 Iomraidhean Croise

2Sam 12:31

Ka kasaghatá tsi ta mnduha ma tsa luwa ya, ka pghamtá həŋ tkweʼ da maga slna nda zarta, nda kalək, nda ya nda slpaɗa, ka pghamtá həŋ ka gwal tsatsa brik a tsi. Ka mag tsi manda tsaya ŋa inda luwaha la Ghamuŋ. Tahula tsa, ka vraghatá Dawuda da Ursalima kawadaga nda inda sludziha ni.

1Mgh 18:13

Rusaghaf a lu rí rvera ɗa ta skwi maga yu ma pslata Izabel ta anabiha Yawe ra? Ɗifana ɗifa yu ta anabiha Yawe dərmək, ka bakwa mnduha hutaf mbsak hutaf mbsak ma galighaha, ka vlə yu ta skwa zay nda imi ŋa taŋ.

1Mgh 18:4

Ma fitika zaɗay Izabel ta anabiha Yawe ná, ka hlaftá Ghuvadiya ta anabiha dərmək, ka laghwi ɗifanatá həŋ ka bakwa mnduha hutaf mbsak hutaf mbsak ma galighaha, ka vla skwa zay nda imi ŋa taŋ.

1Mgh 19:1

Ka rusanaftá Ahav ta Izabel ta inda skwi ya maga Iliya, nda ya kəʼa pslatá inda anabiha nda kafay.

1Mgh 19:10

Kaʼa zlghanaftá wi mantsa: « Ŋava ŋa yu nda inda mbrakwa ɗa ka maganatá slna ta Yawe, Lazglafta mghama gwal vulu. Ama zlanava zla la Israʼila ta dzratá wa gha, ka dzaɓiŋtá həŋ ta gwirha gha, ka pslatá anabiha gha nda kafay. Ka pɗatá iʼi turtukwa ɗa. Ta zba iʼi həŋ guli ŋa dzata, » kaʼa.

1Mgh 19:13

Na snaŋta Iliya ta tsa lwi ya, ka bukwamtá tsi ta kuma ni nda sɗakwa ni, ka sab tsi ma tsa galigha ya ka nzuŋta ta wa ni. Ka gwaɗganatá sana lwi: « Nu ta mag ka hadna ní, Iliya? » kaʼa.

1Mgh 19:14

Kaʼa zlghanaftá wi mantsa: « Ŋava ŋa yu nda inda mbrakwa ɗa ka maganatá slna ta Yawe, Lazglafta mghama gwal vulu. Ama zlanava zla la Israʼila ta dzratá wa gha, ka dzaɓiŋtá həŋ ta gwirha gha, ka pslatá anabiha gha nda kafay. Ka pɗatá iʼi turtukwa ɗa, ta zba iʼi həŋ guli ŋa dzata, » kaʼa.

1Mgh 19:19

Ka sliʼaftá Iliya hada ka laghwi slanaghatá Ilisa, zwaŋa Safat ta hva. Mamu slaha his his his ha ghwaŋpəɗ his ta kəma ni. Vərɗa Ilisa ta kla tsa maghwaŋpəɗ hisa ni ya. Ka gavadaghatá Iliya ta vata Ilisa, ka wuɗanaftá sɗakwa ni.

1Mgh 21:10

Ka pghata kuni ta falaya mnduha his mbəŋ nda tsi, ka tsanavata həŋ ta gwaɗa kazlay na: “Kagha ta razanaftá i Lazglafta, nda mgham,” ka həŋ dzaʼazlay. Tahula tsa, ka klaghata kuni ta hula luwa ŋa zlambata ha ka mtata ni! » kaʼa.

2Mgh 1:8

Ka həŋ nda tsi mantsa: « Sana mndu ya nda gatá lguta swidi ta vgha ni, nda ɓanava huta mista ni, » ka həŋ. Ka mgham tama mantsa: « Iliya mnda la Tisbe ya! » kaʼa.

2Mgh 2:13

Tahula tsa, ka klaftá tsi ta sɗakw ta dɗagaghuta ta badzaga Iliya. Ka vraghatá tsi, ka sladata ta wa Yardeŋ.

2Mgh 2:8

Ka klaftá Iliya ta sɗakwa ni, ka mbsanata ka dzaŋtá imi nda tsi. Ka tavaptá tsa imi ya, ka lab hahəŋ his his nda səla ta ghwalata vli.

1Rus 20:3

Ka kasaghatá tsi ta mnduha ma tsa luwa ya, ka pghamtá həŋ tkweʼ da maga slna nda zarta, nda kalək, nda ya nda slpaɗa. Ka mag Dawuda manda tsaya ŋa inda luwaha la Ghamuŋ. Tahula tsa, ka vraghatá tsi da Ursalima kawadaga nda inda sludziha ni.

2Rus 24:21

Ama ka gwaftá həŋ ta wi tida, ka zlambata ta gwaɗa mgham ta mnanaftá həŋ, ma daɓa həga Yawe.

Mata 21:35

Ama, ka valaftá tsa gwal hva tsa vwaha inabi ya ta tsa kwalvaha ya. Ka ɗgaptá həŋ nda ɗgatá sani ka dzata həŋ nda dza ta sani. Ka zlərtsatá həŋ nda zlərtsa ta sani.

Mata 3:4

Gatá lguta swida ŋalibwa ta suɗə Yuhwana ta vgha nda hbatá ɓanava huta misti. Hiʼi nda zuɗuma mtak skwa zay ni.

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Lukwa 13:34

« Luwa Ursalima! Luwa Ursalima! Kagha ta rwanatá anabiha. Ghunəgaghagha Lazglafta ta mnduha ná, rwana ka, ka pslatá həŋ nda pala. Kumaŋ kuma yu ta tskanatá mnduha gha ta vata iʼi, manda mana ghatalakw ta tskanatá nduɗukhani ma zlambaka ni, ka kwalaghutá kuni.

Slna gwal ghunay 14:19

Ta ma tsa gwaɗa ya həŋ, ka sliʼadaghatá la *Yahuda ma luwa Aŋtakiya nda gwal ma luwa Ikwaniya, da baraftá tsa tskata mnduha ya. Ka zləzlərtsə lu ta Pwal ma ŋa dzata. Zlah nda mta tama ka lu ka tsəhidiŋta tahula luwa ta wa mazawa.

Slna gwal ghunay 7:52

Wati ma anabi ya kul ganaptá dzidzíha ghuni ta iri na? Ta psla psla həŋ ta gwal ya ta mna gwaɗa ta ghəŋa mndu ta nzakway tɗukwa. Ta na fitik na guli, ka skwaptá kaghuni ta tsa mndu tɗukwa ya ka dzata.

2Kwa 12:10

Tsaya tama ta kəl yu ka rfu nda hta ta mbrakwa ɗa, nda raraza iʼi ta rarazə lu, nda giri ta gə lu ŋa ɗa, nda ghuya ɗaŋwa ta ghuy lu ŋa ɗa, nda skwiha ya ta dza iʼi ma vgha ta gwaɗa ta Kristi. Ma tsa hta ta iʼi ya ta mutsafta yu ta mbraku.

Hebru 11:25

Ta draŋ ghuyay ɗa ta ɗaŋwa kawadaga nda mnduha Lazglafta, ka rfay ɗa ta rfu ma gay ɗa ta dmaku ŋa fitik kwitikw.

Hebru 13:3

Havapwa hava ka gwal ma gamak, manda skwi kawadaga kuni nda həŋ. Havapwa hava ka gwal ta gə lu ta iri ŋa taŋ, kabga mnda səla kaghuni guli manda va hahəŋ.

Suna Yuhwana 11:3

Dzaʼa ghunaf ghuna yu ta masləmtsəkha ɗa his, ŋa suɗavata taŋ ta buhu ta vgha, ŋa zata taŋ ta fitik dəmbuʼ nda his dərmək nda mkuʼ mbsak ta mna gwaɗa ɗa ma tsa fitikha ya. »