Hebru 11:16 - Hdi

¹⁶ Kahwathwata ná, vli ta malaghutá tsaya ŋa taŋ ta pahaŋta, vli ya ta nzakway ta luwa. Tsaya kəl tsi ka zɗəganatá Lazglafta, na hgay ta hgə həŋ ka Lazglafta taŋ. Ka payanaftá tsi ta luwa taŋ ta həŋ.

Hebru 11:16 Iomraidhean Croise

Zlrafta 26:24

Ta tsa rviɗik ya ka zlagaptá Yawe da tsi, kaʼa mantsa: « Iʼi Lazglafta Abraham da gha ya, ma zləŋ ka, kawadaga yu nda kagha, dzaʼa tfaghagha tfa yu ta wi, dzaʼa yanaf ya yu ta zivira gha dabga kwalva ɗa Abraham, » kaʼa.

Zlrafta 28:13

Ka sladanavatá Yawe ta vata ni, kaʼa nda tsi mantsa: « Iʼi Yawe, Lazglafta Abraham ta nzakway ka da gha, Lazglafta Izak. Nana haɗik hana ka tida na ná, dzaʼa vlagha vla yu ta kagha nda zivira gha tani.

Sabi 3:15

« Ka ka dzaʼazlay nda la Israʼila guli na: “Yawe, Lazglafta dzidzíha ghuni, Lazglafta Abraham, Lazglafta Izak, Lazglafta Yakubu ta ghungiɗaghata da kaghuni.” Tsaya hga ɗa ŋa kɗekedzeŋ. Nda tsa hgu ya dzaʼa hava inda zivira mnduha ta Iʼi.

Sabi 3:6

Iʼi Lazglafta da gha, Lazglafta Abraham, Lazglafta Izak, Lazglafta Yakubu, » kaʼa. Gi ka bukwamtá Musa ta kuma ni, kabga ta zləŋay ta nghaŋtá Lazglafta.

Sabi 4:5

« Ka maga ka mantsa ya, kada grafta həŋ kazlay zlagap zlaga, iʼi Yawe, Lazglafta dzidzíha taŋ, Lazglafta Abraham, Lazglafta Izak, Lazglafta Yakubu da kagha kəʼa, » kaʼa.

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Markus 12:26

Ta ghəŋa gwaɗa ta vragapta ma mtaku nda hafu ya ná, ta dzaŋaf a kuni ta tsa vli ta ghəŋa mubuk nda vu tida ma deftera Musa ya ra? Ka Lazglafta nda Musa hada na: “Iʼi Lazglafta Abraham, iʼi Lazglafta Izak, iʼi Lazglafta Yakubu,” kaʼa.

Markus 8:38

Ya wana ka dmaku mnduha ta na zamana na, ka sliʼiŋ ka sliʼiŋ həŋ da Lazglafta. Ka kwalaghu kwala mndu ta mnaŋtá hga ɗa nda gwaɗa ɗa guli ta kəma tsa mnduha ya katsi, iʼi *Zwaŋa mndu guli ná, dzaʼa kwalaghu kwala yu ta mnaŋtá tsa mndu ya baɗu vragata ɗa kawadaga nda duhwalha nda ghuɓa ta luwa ma glakwa Lazglafta. »

Lukwa 12:32

« Ma zləŋ kuni ta zləŋ kaghuni gwal ta nzakway ka ŋa ɗa manda zwaŋa bra. Zɗəgana zɗa ta Da ghuni Lazglafta na vlaghunata ni ta ga mghama ni.

Lukwa 20:37

Kɗiŋ kɗa Musa ta mnata kazlay: Dzaʼa sliʼagap sliʼa gwal nda rwa ŋa nzaku nda hafu kəʼa. Ma vla gwaɗa ta ghəŋa mubukw ta zlghaku, ka hgə tsi ta Mgham, “ka Lazglafta Abraham, ka Lazglafta Izak, ka Lazglafta Yakubu.”

Yuhwana 14:2

Nda ndəgha vla nzaku ma həga ga Da ɗa, ka má haɗ tsi mantsa wu, má mnaghuna mna yu. Dzaʼa nda sliʼa yu da payaghunatá vli.

Slna gwal ghunay 7:32

“Iʼi Lazglafta dzidzíha gha, ta nzakway ka Lazglafta Abraham, nda Izak, nda Yakubu ya, kaʼa. Ka ghudzaku Musa ta ghudzaku da zləŋ, Walglaŋ a ta nghay wa.

Filip 3:20

Amu ná, ta luwa vla nzakwa mu. Mghama mu Yesu Kristi mnda mba amu dzaʼa saha ta luwa da slamaghatá ŋa amu ŋa kəzlay.

2Tim 4:18

Nda sna yu guli ná, dzaʼa katigipkata Lazglafta ma inda ghwaɗaka skwi. Dzaʼa katay ta iʼi ŋa lafa ɗa ta luwa da vla ga mghama ni. Ŋa ni glaku ŋa kɗekedzeŋ. *Amin!

Hebru 10:34

Ksu ksa ka hiɗahiɗa ta kaghuni, na gwal ya hlaf lu ka pghamta ma gamak ta gwaɗa ta Yesu. Hlugudughunusha lu ta huzla ghuni, ta rfu nda rfa kuni, ndanaŋ a kuni wu, kabga nda sna kuni mamu skwi da kaghuni ta malaghutá inda skwi kəʼa. Tsa skwi ya guli ná, ŋa kɗekedzeŋ nzakwa ni.

Hebru 11:10

Ka nzatá Abraham ka kəzla tsa luwa dihana Lazglafta ta tughwa ni ya. Lazglafta ka ghəŋa ni ta garafta, tsatsi mnda bafta guli.

Hebru 11:14

Tsa gwal ta mnay mantsa ya ná, maraŋ mara həŋ baŋluwa kazlay: Ta kəzla vla taŋ həŋ kəʼa.

Hebru 11:40

Payaf paya Lazglafta ta skwi ta malaptá ɗinuta ŋa mu. Ma ndana ni ná, va a ta dzanaghatá ghəŋa slna ni nda hahəŋ nda ghəŋa taŋ kul haɗ amu hada wa.

Hebru 12:22

Ama kaghuni, gavadagha ta vata ghwá *Tsiyuŋ, nda ya ta vata luwa Lazglafta ya ta vla hafu tsaya ta nzakway ka Ursalima ta luwa, nda tskata vgha duhwalha Lazglafta ka rfu kul laviŋtá lu ta mbəɗaftá həŋ ya kuni.

Hebru 13:14

kabga ta na ghəŋa haɗik na a luwa amu ŋa kɗekedzeŋ wa. Ama luwa dzaʼa nzakway ŋa kɗekedzeŋ ŋa amu ta pahay.

Hebru 2:11

Tsa mndu ta ghuɓa mndu ya nda tsa gwal ghuɓiŋ lu ya tani ná, ma da turtuk həŋ. Tsaya tsa kwal hula ksaŋtá Yesu ka hga həŋ ka zwana ma ni ya. Kaʼa nda Lazglafta mantsa:

Suna Yuhwana 21:2

Ka gi nghaŋtá yu ta saha luwa dagala nda ghuɓa, ta nzakway ka luwa Ursalima ta luwa daga da Lazglafta. Nda rka rka ni manda makwa ta dzaʼa da zəʼal.