Hebru 10:5 - Hdi

⁵ Tsaya kəl Kristi ka mnay ŋa Lazglafta ma fitika dzaʼa ni saha ta ghəŋa haɗik, kaʼa mantsa: « Va a ka ta plaghatá ghəŋ nda rini wu, va a ka ta vlaghatá sana skwi ŋa plaghata ghəŋ guli wa. Ama ka vlihatá ka ta sluʼuvgha ŋa vlaghata.

Hebru 10:5 Iomraidhean Croise

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Mata 11:3

da ɗawaŋta da *Yesu kazlay: Kagha Kristi dzaʼa sagha ya re, ari ka kəzla ŋni ta sana mndu a na kəʼa.

Lukwa 1:35

« Sulkum nda ghuɓa dzaʼa saha ta ghəŋa gha. Mbrakwa Lazglafta Dagala dzaʼa bukwaghamta. Tsaya dzaʼa kəl lu ka hga tsa zwaŋ nda ghuɓa dzaʼa yata ka ya ka Zwaŋa Lazglafta.

Lukwa 7:19

Ka hgaftá Yuhwana ta gwal his mataba duhwalha ni, ka ghunaftá həŋ da Mgham *Yesu. Kaʼa nda həŋ mantsa: « Lawa la ɗawaŋta! Kagha tsa mndu snə ŋni dzaʼa sagha ya re, ari ka kəzla ŋni ta sana mndu a na? » ka kuni nda tsi.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Galat 4:4

Ama magatá tsa fitik ya, ka ghunagata Lazglafta ta zwaŋa ni. Marakw ta yagata ma sagha ni, ka nziŋtá tsi mista zlaha Musa,

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Hebru 1:6

Sana skwi guli, ma fitika dzaʼa Lazglafta ghunagatá kɗakwa Zwaŋa ni da ghəŋa haɗik, kaʼa mantsa: « Ka tsəlɓa inda duhwalha Lazglafta ta tsəlɓu ŋa ni, » kaʼa.

Hebru 10:10

Maga maga *Yesu Kristi ta skwi ta kum Lazglafta. Ka vlaŋtá tsi ta ghəŋa ni ŋa pla ghəŋ turtuktuk səla. Mantsa ya kəl mu ka nzakway nda ghuɓa ta wa ira Lazglafta.

Hebru 10:7

Ka yu mantsa: “Wana yu Lazglafta, sasa yu ta ghəŋa haɗik da maga skwi ya ta kum ka, manda ya nda vinda ta ghəŋa ɗa ma deftera zlahu,” » kaʼa.

Hebru 10:8

Ka Kristi mnuta karaku na: « Nda pla ghəŋ nda skwi nda səla tani, nda skwiha ta klafta lu ka vlaghata nda vla tani, nda skwiha nda səla ta drə lu nda dra ta gwir tani, nda skwi nda səla ta klafta lu ŋa pla ghəŋ ta ghəŋa dmaku tani, va a ka ta həŋ wu, zɗəgagha a həŋ guli wu, » kaʼa. Ta wya maga manda va ya mna zlahu lu ta tsa pla ghəŋ ya kay guli.

Hebru 2:14

Tsa zwani mnə tsi ya ná, mnda səla həŋ demdem. Ka nutá Yesu ka ghəŋa ni guli ka mnda səla manda va hahəŋ, kada laviŋta tsi ta mtuta, ŋa nanatá halaway ta ŋanatá mbrakwa mtaku ya, ka mbegi.

Hebru 5:7

Ma fitika nzakwa Yesu ma ghəŋa haɗik ná, ka mag tsi ta duʼa ka taw ka ŋɗaŋɗa da Lazglafta ta laviŋtá mbanafta ma mtaku. Ka snanatá Lazglafta ta ghəŋa vəl hananatani ta ghəŋa ni.

Hebru 8:3

Inda mali ta ghəŋa gwal ksa slna Lazglafta ná, fa fa lu ŋa vla skwi ta vlata lu, nda skwa pla ghəŋ tani. Nda ra ka mutsafta ŋa amu ma mali ta ghəŋa gwal ksa slna Lazglafta guli ta skwi ŋa vlay ni.

1 Piyer 2:24

Tsatsi ka ghəŋa ni ta klaftá dmakwa mu ta vgha ni ma zləŋafta lu ta udza zləŋay. Ŋa nzakwa mu ka gwal nda rwa təv dmaku, ŋa nzay mu ta nzakwa tɗukwa. Nda ma tsa balanata ya mbaghunafta lu.

2 Yuhwana 1:7

Kəl yu ka mnay mantsa ná, nda ndəgha gwal nana mndu ta tamtá vgha ma ghəŋa haɗik. Ka həŋ ta mnay ná, ka mndu tsakwam a saha *Yesu *Kristi ta ghəŋa haɗik wu, ka həŋ. Tsa mndu ta mnay mantsa ya ná, ghuma Kristi ya. Tsatsi ná, nana sanlaha ma mnduha ta nanə tsi.