Hebru 10:29 - Hdi

²⁹ Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

Hebru 10:29 Iomraidhean Croise

2Mgh 9:33

Ka Yehu mantsa: « Vzagawa vza ta haɗik, » kaʼa. Ka vzagatá həŋ, ka wutsiraftá usa ni ta vata matsak nda ya ta plisha. Ka ŋalaftá Yehu tida nda mwata plisa ni.

Sabi 24:8

Ka klaftá Musa ta tsa us ya ka wutsikafta ta mnduha, kaʼa mantsa: « Nana us na, ta maraŋta dzratá wa Yawe nda kaghuni, manda ya mna tsi ma inda gwaɗa ni, » kaʼa.

Danyel 8:13

Ka snaŋtá yu ta sana mndu nda ghuɓa ta gwaɗa. Ka sana mndu nda ghuɓa guli nda tsa ta gwaɗata ya mantsa: « Tsa skwiha ta maravata manda skwi ma suni ya ní, kidaghi fitik dzaʼa magata tsi na? Ŋa kulam yawu dzaʼa hərɗiŋta lu ta tsa skwa pla ghəŋ ta plə lu inda fitik ya na? Tsa ghwaɗaka slna ta zaɗanatá inda skwi ya ní, ŋa kulam yawu dzaʼa nzəɗavatá tsi na? Ŋa kulam yawu dzaʼa diŋlanapta lu ta vli ya nda ghuɓa, nda gwal vulu ta luwa tani na? » kaʼa.

Mata 26:28

kabga nana na ná, usa ɗa ya, usa slərɓa zughu dzaʼa pghiŋta lu ŋa pla dmakwa ndəghata mndu.

Mata 7:6

« Ma vlə kuni ta skwi nda ghuɓa ŋa kriha, da mbəɗavatá tsi valafta ta kaghuni ka patsaghunata. Ma vza kuni ta miziɗikwa ghuni ta kəma ghuvazu da diŋlanaptá tsi, ka mbəɗavata da hiʼida kaghuni. »

Markus 7:2

Ka nghaŋtá həŋ ta sanlaha ma duhwalha Yesu ta za skwa zay nda ŋratá dzvu, mbaziŋ a həŋ manda ya taghanaf dzidzíha taŋ ta həŋ wa.

Lukwa 12:10

Mndu dzaʼa vaza ŋazlu ta ghəŋa Zwaŋa mndu, dzaʼa plinis pla lu ta dmakwa ni. Ka Sulkum nda ghuɓa dzaʼa razanafta mndu katsi, haɗ lu dzaʼa plinistá dmakwa ni ɗekɗek wa.

Yuhwana 10:36

Iʼi, Da ta zbaptá iʼi, ka ghunigihata ta ghəŋa haɗik, waká kuni dzaʼa mnay kazlay: Ta kwara kwara ka kəʼa kabga mnay ɗa kazlay: Zwaŋa Lazglafta yu kəʼa?

Yuhwana 17:19

Iʼi fagha fa yu ta ghəŋa ɗa ka ŋa taŋ, kada nzakwa hahəŋ guli ka ŋa gha kahwathwata.

Slna gwal ghunay 7:51

Ka Atiyen guli mantsa: « Kaghuni ná, təŋ təŋa ghəŋa ghuni. Ta hgə Lazglafta ta kaghuni ná, duduzla ka kuni nzata, va a kuni ta sna gwaɗa da Sulkum nda ghuɓa manda va tsa nzakwa dzidzíha ghuni ya wa.

La Ruma 16:20

Lazglafta ná, tsatsi ta vla zɗaku, dzaʼa gi huʼanap huʼa ta halaway, ŋa vlaghunata ni ta mbraku ta ghəŋa ni. Ka nza zɗakatahuɗa Mghama mu *Yesu kawadaga nda kaghuni.

1Kwa 11:27

Mantsa ya, ta zə mndu ta na buradi ná, ta sə mndu ta skwi ma na leghwa ná, ngha a ka sana skwi wu katsi, gaga ta dmaku, kabga ngha a ta sluʼuvgha Mgham Yesu ka sana skwi wa.

1Kwa 11:29

Mndu ta zay, ta say kul snaŋtá guyata vgha taŋ nda Mgham Yesu ná, tɗanak tɗa ta ghəŋa ni ta guma Lazglafta, ma tsa zay ta zə tsi nda tsa say ta sə tsi ya.

1Kwa 15:25

Nda nza tkweʼ ka gay Kristi ta mgham ha ka sagha fitik dzaʼa kəl Lazglafta ka nanaftá ghumaha ni ka skwa ta diŋlay səla ni.

1Kwa 15:27

Wya ka lu vindafta ma deftera Lazglafta: « Dzaʼa niŋ na Lazglafta ta inda skwi ka skwa ta diŋlay səla ni. » Tsa mnay mnə lu kazlay: Dzaʼa niŋ na ta « inda skwi » ka skwa ta diŋlay səla ni kəʼa ya ná, nda tsala. Haɗ tsa mndu ta vlaŋtá mbraku ta ghəŋa inda skwi ya mida wa.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

Afisus 4:30

Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.

Afisus 5:26

Mtu mta ta ghəŋa ni, ka ghuɓiŋtá tsi nda imi nda ma gwaɗa ni kada nzakwa tsi hezleʼ.

Hebru 10:10

Maga maga *Yesu Kristi ta skwi ta kum Lazglafta. Ka vlaŋtá tsi ta ghəŋa ni ŋa pla ghəŋ turtuktuk səla. Mantsa ya kəl mu ka nzakway nda ghuɓa ta wa ira Lazglafta.

Hebru 12:25

Ɗasuwa ka kuni! Yaha kuni da kwalaghutá snaŋtá lwa Lazglafta ya ta gwaɗa nda kaghuni! Ghalya, tsa gwal ta kwalaghutá snatá gwaɗa tsa mndu ta mnay ŋa taŋ ta ghəŋa haɗik ya ná, ndap a həŋ ma guma wa. Amu yeya dzaʼa ndapta ka mbəɗana mbəɗa mu ta hul ta Lazglafta ta gwaɗa nda amu daga ta luwa rki tama?

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.

Hebru 2:11

Tsa mndu ta ghuɓa mndu ya nda tsa gwal ghuɓiŋ lu ya tani ná, ma da turtuk həŋ. Tsaya tsa kwal hula ksaŋtá Yesu ka hga həŋ ka zwana ma ni ya. Kaʼa nda Lazglafta mantsa:

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

Hebru 6:4

Skwi ŋa snaŋta mu na: Nda bla ma mnduha ya si tsuwaɗakanaf tsuwaɗaka Lazglafta, gwal ya ta tapanatá skwi ya vla Lazglafta, gwal ya si ta mutsaftá Sulkum nda ghuɓa ma ŋuɗufa taŋ,

Hebru 6:6

ta zləmbuta ka vrəglamta da nzakwa ni ghalya ná, nda bla ka vrəglakta taŋ da pləgəltá dmakwa taŋ. Zləŋglafzləŋa həŋ ta Zwaŋa Lazglafta ta udza zləŋay, ka razay baŋluwa.

Hebru 9:13

Ghalya, ta psla psla lu ta dugzumha, nda lghəŋha ka wutsika usa ni ta gwal ta gatá krughuvi manda ya ta mnə zlahu ya. Ta ksaf ksa lu ta vlək guli ka drata nda dra, ŋa faɗaftá hutiɗifa ni ka dzay ta mnduha guli. Tsaya dzaʼa kəl tsa krughuva taŋ ya ka saha ta həŋ manda ya ta mnə zlahu.

Hebru 9:20

« Nana na usa dzratá wa Lazglafta nda kaghuni ka ŋanata kuni ta tsa dzratá wi ya, » kaʼa ta mnay ta wutsik tsi ta həŋ.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.