Hebru 10:26 - Hdi

²⁶ Tahula snaŋta mu ta vərɗa tvi, ka gɗata mu ta gəgəltá dmaku ka palama katsi, grafma gra kazlay: Ta haɗ sana skwi dzaʼa vlata lu ŋa pla ghəŋ ŋa hərɗiŋtá dmaku wu kəʼa.

Hebru 10:26 Iomraidhean Croise

La Levi 4:13

« Ka guyatá ghəŋa inda la Israʼila ta gatá dmaku, ka si ka palama a tsi wu, dər má sna a həŋ mndani wu, ka ɓlanaptá həŋ ta ya turtuk ma inda zlahuha Yawe nda ma magatá skwi ya pyaf zlahu ta magay katsi, ksaf ksa dmaku ta həŋ.

La Levi 4:2

« Mnana mna ta la Israʼila, ka ka dazlay nda həŋ ná, ka gaga mndu ta dmaku ka si ka palama a gata tsi wu, ka ɓlanaptá tsi ta ya turtuk ma inda zlahuha Yawe nda ma magatá skwi ya pyaf zlahu ta magay katsi, wya skwi ŋa magay ni:

Lukwa 12:47

« Tsa kwalva nda sna ta skwi ta kum mghama ni ka kwalaghutá tsi ta payavata ka magay ya, dzaʼa ɗgapɗga lu kwərɗək.

Yuhwana 13:17

Ka nda sna kuni ta tsaya, dzaʼa rfu kuni kata magay kuni ta slna nda tsi.

Yuhwana 9:41

Ka Yesu nda həŋ mantsa: « Ka má ghulpghulpa kuni katsi ná, má haɗ dmaku ta kaghuni wa. Tsaw “nda ngha aŋni ta vli,” ka kuni ndanana ya, tsaya kəl dmakwa ghuni ka gɗavata, » kaʼa nda həŋ.

Vrafta ta zlahu 17:12

Ama ka kwalaghu kwala mndu ma gla ghəŋa ni ta gwaɗa mnda dra skwi ŋa Lazglafta fa lu ŋa maganata slna ta Yawe, Lazglafta ghuni, sna a ta ŋa mnda tsa guma wu, dzatá tsa mndu ya. Mantsa ya dzaʼa kliŋta kuni ta ghwaɗaka skwi mataba la Israʼila.

2Tes 2:10

Dzaʼa magay ta inda ghwaɗaka skwiha ŋa nanaghatá gwal ta zaɗa ghəŋa taŋ, kabga kwalaghuta taŋ ta tsuʼafta, ɗvaf a həŋ ta kahwathwata má dzaʼa mbanaftá həŋ ya wa.

1Tim 1:13

Aŋ mndani, nda nza yu ka mndu si ta pgha rutsak tida ghalya, ka mnda giri ŋa ni, ta balanata, ama ka tawatá Lazglafta ta hiɗahiɗa ta iʼi, kabga ma kwala ɗa kul snaŋta si ta maga yu ta tsa skwiha ya. Si haɗ zlghay nda ŋuɗuf da iʼi wa.

1Tim 2:4

Ta kumay tsatsi ta mbafta inda mndu, ka mutsafta taŋ ta snaŋtá kahwathwata.

Yakubu 4:17

Mantsa tama, mndu ya nda sna ta maga skwi ɗina má ŋa magay ni, ka kwalaghutá tsi ta magay ná, gaga ta dmaku.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.

1Sam 2:25

Ka gana ga sana mndu ta dmaku ta sana mndu katsi, dzaʼa mbəɗay Lazglafta ta gwaɗa tida, ama ka gana ga tsi ta dmaku ta Yawe, wa dzaʼa mbəɗa gwaɗa tida na? » kaʼa. Ama nda warga ta sna həŋ ta tsa skwi ta mnə da taŋ ya, kabga ta kumay Yawe ta rwanatá həŋ.