Hebru 10:22 - Hdi

²² Ma tsa nzakwa ni mantsa ya tama, gavanamavagava ta Lazglafta nda ŋuɗuf turtuk, nda fata ghəŋ dar, nda ghuɓata ŋuɗuf kul haɗ dmaku mida, nda mbazatá mbaza nda imi tsələŋa.

Hebru 10:22 Iomraidhean Croise

1Mgh 15:3

Ka kɗaŋtá tsi ta maga inda dmaku ya si ga da ni ma kɗaku tsatsi. Ndiʼaf a ta vgha ni kahwathwata ta Yawe, Lazglafta ni, manda ya si maga dzidza ni, Dawuda wa.

1Rus 12:33

Ma mndəra la Yisakar ná, his dərmək (200) maliha nda inda zwana ma taŋ ta sna gwaɗa ta mnafta həŋ. Hahəŋ gwal nda sna ta galapta skwi ŋa magay la Israʼila nda fitika ni.

1Rus 28:9

Kagha zwaŋa ɗa Salumuŋ, snaŋ sna ta Lazglafta da gha, ka maganata ka ta slna nda hya hya ŋuɗufa gha, ka ɗvuta ka nda hafa gha, kabga da hya ŋuɗuf ta nghadamta Yawe, ka gala inda ndanu. Ka ta zbay ka, dzaʼa fagha fa ta vgha, ama ka zlanava zla ka, dzaʼa wuɗighis wuɗa ŋa ɗekɗek.

1Rus 29:17

Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

Sabi 29:4

Ka hlagaghata ka ta i Haruna nda zwana ni ta wa tgha tumpula guyaku. Ka mbambazata ka ta həŋ nda imi.

La Levi 14:7

Ndəfáŋ səla kəʼa dzaʼa wutsikafta ta tsa mndu ta kliŋta lu ta skwa tsaɗa tida dabga tsa ghwaɗaka lku ya. Tahula tsa, ŋa mnanaŋta ni kazlay nda nza ka mndu kul haɗ skwa tsaɗa tida kəʼa, ŋa zlidiŋta ni ta tsa ɗyak ta ndiri ya da mtak.

La Levi 16:4

Ka suɗavata tsi ta sɗakw nda ghuɓa ka liŋ, suɗivha ta gedzerha ka liŋ, hbafha ta huɗi nda biwir ka liŋ, wamha ta gwambar ka liŋ ma ghəŋ. Tsaha ya lgutha nda ghuɓa. Ka mbazaghuta tsi ta mbaza karaku kada pghavata.

La Levi 8:6

Lagha Musa ka gavadanaghatá i Haruna nda zwana ni, ka mbambazatá həŋ nda imi.

Mbsak 8:7

Wya ká ka dzaʼa magay ŋa hliŋtá skwi ta tsaɗ lu ta həŋ: Ka wutsikafta ka ta ima kliŋtá skwi ta tsaɗ lu ta həŋ, ka hatsiŋta həŋ ta swidi demdem ta vgha taŋ, ka ghwaɓiŋta həŋ ta lgutha taŋ, ŋa nzakwa taŋ kul haɗ skwi ta tsaɗ lu ta həŋ.

Mata 3:11

Iʼi ná, nda imi ta magaghunafta yu ta batem ŋa maraŋtá ta mbəɗata nzakwa ghuni. Ama tsa mndu ta sagha nda hula ɗa ya ná, mal ŋa ni glaku ka ŋa ɗa. Slaghu a yu dər ŋa hlaptá ɓaɓah ma səla ni wa. Tsatsi ná, dzaʼa magaghunaf maga ta batem nda Sulkum nda ghuɓa nda ya nda vu.

Lukwa 1:1

Ari ŋərma Tawfilus, nda ndəgha mnduha ta ŋavata ka vinda gwaɗa ta ghəŋa skwiha ta luta mataba ŋni.

Yuhwana 3:5

Ka Yesu mantsa: « Kahwathwata ka yu ta mnaghata, ka ya a lu ta mndu nda imi nda Sulkum wu katsi, laviŋ a ta walaŋtá lami da ga mghama Lazglafta wa.

Yuhwana 8:9

Tahula snaŋta taŋ ta tsa gwaɗa Yesu ya, ka gazlaghatá həŋ turtuk turtuk, zlrafta ta la galata mnduha ha ka saha ta zwani. Ka zlaŋtá həŋ ta Yesu turtukwa ni nda tsa marakw ya ta sladu ta kəma ni.

Slna gwal ghunay 22:16

Ndanana, haɗ sana skwi ŋa kzləgəlta gha wa. Sliʼaf sliʼa, sawi ka magaghafta lu ta batem, ka ghuɓata dmakwa gha nda ma hgaŋta gha ta Mgham Yesu,” » kaʼa.

Slna gwal ghunay 8:21

Haɗ ŋa gha ma na skwi na wu, haɗ ima gha mida guli wu, kabga slada a ŋuɗufa gha dar ta kəma Lazglafta wa.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

2Kwa 7:1

Zwana ma ɗa, ya mantsa ya ka lu tamaftá imi ta sləməŋ ya ná, suɗapma ghəŋa mu ma skwi dzaʼa ŋəriŋtá vgha mu nda ŋuɗufa mu. Ka kɗanakta mu ta nzakwa mu hezleʼ ma zləŋa Lazglafta.

Afisus 3:12

Nda ma zlghafta mu ta Yesu Kristi ka ndiʼaftá vgha nda tsi, kəl mu ka ndusanavata Lazglafta kul haɗ zləŋ.

Afisus 5:26

Mtu mta ta ghəŋa ni, ka ghuɓiŋtá tsi nda imi nda ma gwaɗa ni kada nzakwa tsi hezleʼ.

Afisus 6:5

Kaghuni la kwalva, snawa sna ta gwaɗa da daŋahəga ni həga ghuni ma na ghəŋa haɗik na. Zləŋawa zləŋa ta həŋ, ka vla kuni ta glaku ŋa taŋ nda ŋuɗufa ghuni turtuk, manda skwi ŋa *Kristi ta maga kuni.

1Tim 4:2

Ŋa nanaghata gwal ta maga maɗgwirmaɗgwir, ta mna tsakalawi, ta həŋ. Vli ma ndana tsa mnduha ya ná, manda datá kfur ghandand ma vu ya nzakwa ni.

Titus 3:5

ka mbamaftá tsi. Vəl magata mu ta skwiha tɗukwa a wu, hiɗahiɗa tawa tsi ta amu, ka ghuɓimistá mbrakwa Sulkum nda ghuɓa, kəl mu ka mutsaftá lfiɗa yaku.

Hebru 10:1

Zlaha Musa ná, vərɗaka nziɗiɗa tsa skwi ta sagha ya a wu, fuwatani ya. Laviŋ a ɗekɗek ta payaftá gwal ta gavanavatá Lazglafta ŋa nzakwa taŋ manda ya ta kumay tsi wa. Waká tsa pla ghəŋ ta gɗata lu ta magay inda fitik, vaku nda vaku ya dzaʼa ghuɓiŋta həŋ ta wa ira Lazglafta na?

Hebru 10:19

Mantsa tama zwana ma ɗa, nda pla vgha mu ta lami da tsa vli nda ghuɓa katakata ya nda ma usa *Yesu.

Hebru 11:28

Nda ma zlghay nda ŋuɗuf tahanatá tsi ta skala *Pak. Tahafwa taha ta us ta wa tgha, kaʼa nda la Israʼila, kada kwala duhwala Lazglafta ya dzaʼa ghunakta lu da rwa zumala la Masar da rwiŋtá ŋa ghuni guli, kaʼa.

Hebru 12:24

Gavadagha ta vata *Yesu ta nzamta mataba mnduha nda Lazglafta ŋa dzrafta wi ka lfiɗ ya kuni. Gavadagha ta vata usa Yesu ya kəl tsi ka wutsikatá mnduha nda tsi ya kuni. Malaghu mala gwaɗa ta gwaɗ tsa us ya, ka ŋa Abel ta mnata.

Hebru 4:16

Ka si mantsa tsi tama, gavanamavagava nda fatá ghəŋ ta Lazglafta, tsatsi ta vla zɗakatahuɗi, ŋa tawata ni ta hiɗahiɗa ta amu, ŋa vlamata ni ta zɗakatahuɗa ni ŋa katamata ma fitik ya nda ra.

Hebru 6:11

Ndanana ná, ta kumay ŋni ta ŋavata inda kaghuni nda fata ghəŋ ta skwi ya faf kuni ta ghəŋ tida ha ka kɗavakta ni.

Hebru 7:19

Zlaha Musa ná, laviŋ a ta nanaftá mndu ka mndu tɗukwa ta wa ira Lazglafta wa. Ama ndanana ná, mutsaf mutsa mu ta fata ghəŋ ta malaghuta. Tsaya dzaʼa ɓhadamaghata da Lazglafta.

Hebru 9:10

Gwaɗa ta skwa zay, nda skwa say, nda tva ghuɓaku kavghakavgha kweŋkweŋ ta taghamafta tsaha ya. Tsa skwiha fa fa lu laviŋ mnduha ta magay ya ná, nda nza tsaha ya ŋa kəzla mbəɗanafta Lazglafta ta inda skwi.

Hebru 9:19

Tahula mnanafta Musa ta inda zlahu ta mnduha demdem, manda ya mnaf zlahu, ŋa klafta ni ta usa zwana lghəŋ nda ŋa dugzumha ka gaɓanafta nda imi. Ɓlaha ta sluhwa fwa izwap nda swida tuwaka dva hbuŋ lu ta wa udzu, ka tsughumamta ma tsa us ya, ka wutsikay ta tsa deftera zlahu ya, nda ya ta inda mnduha.

Yakubu 1:6

Ama ka ɗawa tsi nda zlghay nda ŋuɗuf, yaha tsi dgaŋtá ghəŋ dər ka kiʼa ta ghəŋa ni. Ka ta dga ghəŋ mndu ná, nda nza ka guram nda gamtsaʼuwakwa drəf ta vyə falak dər ndiga ndiga ya nzakwa ni.

Yakubu 4:8

Gavanavawagava ta Lazglafta, dzaʼa gavaghunavagava tsatsi guli. Mbaziŋwa dzva ghuni, kaghuni gwal ta nzakway ka gwal dmaku. Ghuɓiŋwa ŋuɗufa ghuni, kaghuni gwal nda ghwaɗaka ndanu.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Piyer 3:21

Tsa imi ya ná, gray nda batem ta mba kaghuni gitana ya. Rɗak ta vgha a ta ghuɓu na batem wa. Magaftá batem ná, vlaŋta mu ta ghəŋa mu ta Lazglafta nda vərɗa ŋuɗufa mu ya. Ndana guli, ta mbay batem ta kaghuni nda ma sliʼagapta Yesu Kristi ma mtaku.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.