Hebru 10:11 - Hdi

¹¹ Inda gwal ta dra skwi ŋa Lazglafta turtuk turtuk, ta sladu ta sladu ta nzata həŋ ka maga slna taŋ inda fitik, ta gɗata ta vla va tsa skwi turtuk ŋa hərɗiŋta dmaku ya, ama laviŋ a ta hərɗiŋta wa.

Hebru 10:11 Iomraidhean Croise

Sabi 29:36

Inda fitika ka vlata ka ta lghəŋ ŋa pla ghəŋ ŋa ɗawa pla dmaku, ŋa slərɓaptá zughu. Ka ghuɓiŋta ka ta gwir nda tsa slərɓa zughu ya, ka pghanaghata ka ta rɗi tida ŋa nzakwa ni nda fa ka ŋa Yawe.

Danyel 11:31

Dzaʼa sliʼadagha sliʼa sludziha ni da niŋta ka dzibata vli ta vli nda ghuɓa nda matsaka huzla ni. Dzaʼa pyafta həŋ ta pla ghəŋ ta mag lu inda fitik, ka fatá ghwaɗaka manzakɗaway ta vla mbiɗa.

Danyel 12:11

Daga ta tsa fitik dzaʼa kwal mnduha pləgəltá ghəŋ inda fitik ŋa Lazglafta, ka fatá ghwaɗaka manzakɗaway ta ga mbiɗa ya ná, dzaʼa lula fitik dəmbuʼ nda his dərmək nda təmbay mbsak (1.290).

Danyel 8:11

Ka lagha tsa duli ya da liŋtá mali mataba gwal vulu ta luwa. Ka hlanatá tsi ta tsa pla ghəŋ ta plə lu inda fitik ŋa Lazglafta ya, ka dmanaftá tsi ta vli ni nda ghuɓa.

Danyel 9:21

Tata maga tsa duʼa ya yu tama, ka ndragaghatá tsa Gabriyel si nghaŋ yu taŋtaŋ manda skwi ma suni ya kay ta vata iʼi, ga hawu ta fitika pla ghəŋ.

Danyel 9:27

Ma tsa luma turtuk ya, dzaʼa hbaf hba ta dzratá wi nda mbra nda ndəghata mnduha. Ma takataka tsa luma ya, dzaʼa pyaf pya ta slna pla ghəŋ nda mbəhuha. Ma tsa vla taŋ ya, dzaʼa mamu ghwaɗaka manzakɗaway ta vla mbiɗa ha ka zaɗanata lu ta tsa mndu ta klaktá zaɗaku ya, manda ya kura lu, » kaʼa.

Mbsak 28:24

Manda va tsaya dzaʼa vlata kuni inda fitik, ma tsa fitikha ndəfáŋ ya, ta mbəha ɗafa ka skwa pla ghəŋ ŋa dray ta vu, zɗəgana həlhəla ni ta Yawe. Tsaya dzaʼa lu sganaghata ta ghəŋa tsa skwa pla ghəŋ ŋa dray tsuh tsuh inda fitik, nda skwi ŋa slranata ya.

Mbsak 28:3

Ka mnanata ka ta həŋ: Wya skwa pla ghəŋ ŋa dray ta vu dzaʼa kladaghata kuni ŋa Yawe: Slaɓalakwha maŋazak his turtuk turtuk vakwa taŋ, kul haɗ maslivinza ta həŋ, ka skwa pla ghəŋ ŋa dray tsuh tsuh inda fitik.

Mbsak 29:6

Inda tsa pla ghəŋha ya dzaʼa sganaghata lu ta ghəŋa tsa skwa pla ghəŋ ŋa dray tsuh tsuh ma tili ya, nda mbəha ni ka nimaya, nda skwa pla ghəŋ ŋa dray tsuh tsuh inda fitik, kawadaga nda mbəha ni ka nimaya, nda skwiha taŋ ŋa slranata manda ya mnaf lu. Tsaya skwa pla ghəŋ ŋa dray ta vu zɗəgana həlata ni ta Yawe. »

Hebru 10:1

Zlaha Musa ná, vərɗaka nziɗiɗa tsa skwi ta sagha ya a wu, fuwatani ya. Laviŋ a ɗekɗek ta payaftá gwal ta gavanavatá Lazglafta ŋa nzakwa taŋ manda ya ta kumay tsi wa. Waká tsa pla ghəŋ ta gɗata lu ta magay inda fitik, vaku nda vaku ya dzaʼa ghuɓiŋta həŋ ta wa ira Lazglafta na?

Hebru 10:4

kabga haɗ usa lghəŋha, nda dugzumha ta hərɗiŋtá dmaku wa.

Hebru 5:1

Inda mali ta ghəŋa gwal ksa slna Lazglafta ná, mataba mnduha zabapta lu. Slna taŋ ná, ŋa maganatá slna ta Lazglafta da manaka taŋ ya, ŋa vla skwi nda pla ghəŋ ŋa Lazglafta ta ghəŋa dmakwa mnduha.

Hebru 7:27

Nza a tsatsi manda hamata sanlaha ma la mali ta ghəŋa gwal ksa slna Lazglafta wa. Zba a tsatsi ta pla ghəŋ inda fitik ŋa ghəŋa ni, nda ya ŋa hamata mnduha guli wa. Turtuktuk plata tsatsi ta ghəŋ ma vlata ni ta ghəŋa ni.

Hebru 8:2

Ta ksa slna tsatsi ma vərɗa həga tumpul ya magaf Mgham Lazglafta ta luwa ma vla nzakwa Lazglafta, ya magaf dzva mndu a wa.

Hebru 8:4

Ka má si ta haɗik na *Kristi katsi ná, ma haɗ fitik dzaʼa nzata tsi ka mnda dra skwi ŋa Lazglafta wu, kabga nda ghada kluta gwal ta dra skwi ŋa Lazglafta ta vli manda ya mnaf zlahu.