Hebru 1:9 - Hdi

⁹ Skwiha tɗukwa tɗukwa ta zɗəgaghatá kagha, ɗva a kagha ta ghwaɗaka skwiha wa. Tsaya kəl Da gha Lazglafta ka pghaghaghatá rɗa zɗaghaftá ŋuɗuf, ka ɗvutá tsi ta kagha ka malaghutá graha gha, » kaʼa.

Hebru 1:9 Iomraidhean Croise

Mbsak 7:43

Wya skwiha hladagha tsi: Kliwtir turtuk ka kfura tsedi ta maga kiluʼ nda rita, nda nzəganzəga turtuk ka kfura tsedi ta maga gram tghas dərmək taɓta gra skwi ma həga nda ghuɓa, nda ndaghatá tsa huzlaha ya his his nda hpu kəzlitit hwaɗam lu nda rɗi, ŋa mbəha nimaya,

Lukwa 4:18

« Kawadaga Sulkuma Lazglafta nda iʼi ŋa vlihatá mbraku. Zbap zba Lazglafta ta iʼi ka tfiɗaghatawi ŋa mnanatá Lfiɗa Gwaɗa ta gwal ka pɗu, ghunaf ghuna ta iʼi ŋa mnanatá gwal habaf lu kazlay: Palaghunispala lu kəʼa, ŋa gwaniŋtá ira gwal nda ghulpa, ŋa zluʼagapta ɗa ta gwal raghwana lu,

Yuhwana 1:41

Tiŋəl ŋa zwaŋama ni Simuŋ sliʼafta tsi ka laghu da mnay. Kaʼa mantsa: « Slaf sla ŋni ta Almasihu, » kaʼa. Tsaya ta nzakway ka « Kristi. »

Yuhwana 10:17

Ɗvu ɗva Da ta iʼi, kabga fa fa yu ta vgha ɗa ŋa mtuta, ŋa mutsəglafta ɗa.

Yuhwana 20:17

« Ma ŋiha ka, ta laf a yu da Da ɗa karaku wu, la da mnay ŋa zwana ma ɗa kazlay: Ta dzaʼa da Da ɗa ta nzakway ka Da ghuni yu, da Lazglafta ta nzakway ka Lazglafta ghuni ya yu guli, » ka Yesu nda tsi.

Yuhwana 3:34

Mndu ghunaga Lazglafta ná, gwaɗa Lazglafta ta gwaɗ tsi, kabga zwakuzwakwa Sulkum vlaŋ Lazglafta mida.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

Slna gwal ghunay 4:26

Hbaf hba mghamha ta ghəŋa haɗik ta vgha ŋa vulu. Guyaf guya gwal nda mbra ta wi ta ghəŋa Mgham Lazglafta nda ya ta ghəŋa Mgham tfanagha tsi ta wi” kəʼa ya.

Slna gwal ghunay 4:27

Mantsa ya guli ná, guyaf guya i Hiridus nda Pwaŋəs Pilat ta wi ma na luwa na kawadaga nda sanlaha ma mndəra mnduha, nda la Israʼila ta ghəŋa kwalva gha ya nda ghuɓa, ta nzakway ka *Yesu, mndu ya tfanagha ka ta wi.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

La Ruma 15:13

Lazglafta ná, Lazglafta ta vla faftá ghəŋ ya. Ka vlaghuna vla tsi ta rfu nda zɗaku ma zlghay ghuni nda ŋuɗuf, kada nzata kuni nda fata ghəŋ nda ma mbrakwa Sulkum nda ghuɓa.

1Kwa 1:9

Tsa Lazglafta ta hagaftá kaghuni ka guyaghunafta nda Yesu Kristi ta nzakway ka Mghama mu ya ná, haɗ ta tsakalawi wa.

2Kwa 11:31

Nda sna Lazglafta Da ni ma Mghama mu Yesu ta zləzlvu lu ŋa kɗekedzeŋ ya kazlay: Tsakala a yu ta wi wu kəʼa.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Afisus 1:3

Zləzlvama Lazglafta ta nzakway ka Da ni mamgham *Yesu *Kristi. Tsatsi ta tfamaghatawi ma vlamata ni ta inda skwi ɗina ɗina daga ta luwa ŋa kataŋtá sulkuma mu. Nda ma ndiʼatá vgha mu nda Yesu Kristi magamata tsi.

Filip 2:9

Tsaya kəl Lazglafta ka kapanafta ka vlaŋtá glaku, ka vlaŋtá hgu ya ta malaghutá hga inda skwi demdem.

Hebru 2:11

Tsa mndu ta ghuɓa mndu ya nda tsa gwal ghuɓiŋ lu ya tani ná, ma da turtuk həŋ. Tsaya tsa kwal hula ksaŋtá Yesu ka hga həŋ ka zwana ma ni ya. Kaʼa nda Lazglafta mantsa:

Hebru 2:9

Tsa mndu vragana lu ŋa fitik kwitikw mista duhwalha Lazglafta ta nzakway ka *Yesu ya nghaŋ amu. Ka vlaŋtá Lazglafta ta glaku, nda sgit ta ghəŋa vəl mtuta ni, ka ghuytá ɗaŋwa. Mantsa ya tama, ma zɗakatahuɗa Lazglafta ná, ka ŋa inda mndu ɗaŋta tsi ta mtaku.

Hebru 7:26

Tsaya tama ná, nda nza Yesu ka mali ta ghəŋa gwal ksa slna Lazglafta ya pahaŋ mu. Tsatsi ná, nda ghuɓa nzatá nzakwa ni, haɗ rutsak tida wa. Haɗ dmaku tida guli wa. Nza a tsatsi manda gwal dmaku wa. Klagha kla lu ta luwa.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1 Yuhwana 1:3

Tsa skwi nghaŋ ŋni nda ya snaŋ ŋni ya, tsaya ta mnaghunata aŋni kada nzakwa kuni nda guya nda aŋni. Ka nda guya ghəŋa mu katsi, nda guya ghəŋa mu kawadaga nda Lazglafta Da, nda ya nda zwaŋa ni *Yesu *Kristi.

Suna Yuhwana 2:15

Manda tsaya guli ná, mamu sanlaha mataba ghuni ta ɗvuta tagha skwa la Nikwalay guli.