Filip 4:11 - Hdi

¹¹ Htaghuta skwi da iʼi a kəl yu ka mnay mantsa guli wa. Dər má kinawu nzakwa ɗa, mamu skwi da iʼi, haɗ skwi da iʼi katək wu, taghaf tagha yu ta tva nzaku nda rfu.

Filip 4:11 Iomraidhean Croise

Zlrafta 28:20

Ka waɗatá Yakubu, kaʼa mantsa: « Ka kawadaga Lazglafta nda iʼi, ka pghaf pgha tsi ta iʼi ɗughwana ma mbaɗa ɗa ta tvi, ka vliha vla tsi ta skwi ŋa zay, nda lgut ŋa suɗavata ɗa ta vgha,

Sabi 2:21

Ka lagha Musa nzata ga taŋ. Ka vlaŋtá tsi ta makwa ni Tsifura ŋa nzakway ka markwa taŋ.

Lukwa 3:14

« A ki aŋni, nu ta raku ŋa magay ŋni? » ka La sludzi ɗawaŋta guli da tsi. Kaʼa nda həŋ mantsa: « Ma mbrəh kuni ta mndu ŋa vlaghunata skwi, rfawa ta rfu nda kuraghuta skwi ta plaghunata lu, » kaʼa.

2Kwa 11:27

Tazlay ná, ta hərfu hərfa yu, ta duda vgha ɗa ta maga slna, haɗ yu ta faftá hani ta iri baɗu ma sani wu, baɗu ma sani ta dzay maya nda ndala ta iʼi, haɗ yu ta mutsaftá skwa zay baɗu ma sani wu, ta dzay mtasl ta iʼi, ta pɗa pɗa yu ta lgut ŋa fafta ta vgha.

2Kwa 6:10

Ma skwi má ŋa ɓasay ŋni ta ŋuɗuf ya ná, rfu ŋa aŋni ta rfay. Ka pɗu həŋ, ka lu nda aŋni, tsaw nda ndəgha mnduha ta nanaftá aŋni ka gadghəl. Mamu skwa taŋ ra, ka lu nda aŋni, tsaw ŋa ŋni inda skwi demdem.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

2Kwa 9:8

Mamu Lazglafta nda mbrakwa faghunaghatá gasifa ŋa gɗata ghuni ta mutsa inda skwiha ŋa maga ŋa ghuni ma slna, ŋa pɗakwa ni ŋa maga inda ŋərma slnaha guli nda tsi.

Filip 3:8

Mantsa ya nzakwa ni, ka skwi bətbət inda tsa skwiha ya da iʼi, kabga nda sna yu ta Yesu Kristi Mghama ɗa. Malaghu mala tsatsi ta ghəŋa inda skwi, kəl yu ka pghiŋtá inda hamata skwi. Manda ŋəɗak ta ngha yu ta tsa skwiha ya, kada ndiʼafta yu ta vgha nda Yesu Kristi,

Hebru 10:34

Ksu ksa ka hiɗahiɗa ta kaghuni, na gwal ya hlaf lu ka pghamta ma gamak ta gwaɗa ta Yesu. Hlugudughunusha lu ta huzla ghuni, ta rfu nda rfa kuni, ndanaŋ a kuni wu, kabga nda sna kuni mamu skwi da kaghuni ta malaghutá inda skwi kəʼa. Tsa skwi ya guli ná, ŋa kɗekedzeŋ nzakwa ni.