Filip 4:1 - Hdi

¹ Zwana ma ɗa gwal ɗvu yu nda ŋuɗufa ɗa, mamaya ghuni ta ksihata, ta kumay yu ta nghəglaŋtá kaghuni. Ta kaghuni ta ghərɓa yu ta ghərɓaku, ta kaghuni ta rka yu ta rka. Ka si mantsa tsi tama zwana ma, nzafwanza ta Mgham manda va ya taghaghunaf yu.

Filip 4:1 Iomraidhean Croise

Mata 10:22

Dzaʼa husaŋ husa kuni ta inda mnduha ta ghəŋa gwaɗa ta iʼi. Ama mndu dzaʼa kɗanakta ná, dzaʼa mbaku.

Yuhwana 8:31

Ka *Yesu nda tsa la *Yahuda ta zlghafta ya mantsa: « Ka gɗava gɗa kuni ma skwi ta tagh yu ŋa ghuni katsi, nda nza kuni ka vərɗa duhwalha ɗa.

Slna gwal ghunay 11:23

Manda ɓhadaghata ni, ka nghaŋtá tsi ta zɗakatahuɗa Lazglafta, ka rfu tsi ta rfu. Ka vlaŋtá tsi ta mbraku ta həŋ ŋa gɗavata taŋ nda fatá ŋuɗufa taŋ ta Mgham Yesu.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

Slna gwal ghunay 2:42

Inda tsa mnduha ya ná, ta gɗata ta ŋavata ka sna skwi ta tagh gwal ghunay həŋ. Ta ŋava ŋa həŋ ka guya vgha nda zwana ma. Ta ŋava ŋa həŋ guli ka guya ghəŋ ta ghəŋa skwa zay, nda ya ma vla maga duʼa.

La Ruma 2:7

Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ.

1Kwa 15:58

Mantsa tama zwana ma ɗa gwal ta ɗvu yu, dihavawa diha, ma gigɗava kuni, lawa la ta kəma ta kəma nda slna Mgham Lazglafta, ya haɗ visa ghuni dzaʼa nzata ka mbalay da Mgham Lazglafta wa.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

Galat 5:1

Plimispla *Kristi, ŋa kwala mu nzəglaku ka vuʼa mista zlaha Musa. Mantsa tama, dihavawa diha, yaha lu nglighunista ka vuʼa.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Filip 1:8

Nda sna Lazglafta kazlay: Ta ɗvu ɗva yu ta kaghuni katakata kəʼa. Ɗvu ɗva yu ta kaghuni ma kɗavakta hya hya ŋuɗufa ɗa ma Yesu *Kristi.

Filip 2:16

ka vlaŋta kuni ta gwaɗa hafu ta həŋ. Ka maga maga kuni mantsa, dzaʼa rfu yu baɗu vragata Yesu *Kristi, kabga nzata a tsa slna ŋava yu ta magata ya ka bətbət wa.

Filip 2:26

Si ta ndanay ta lab da nghaghunaghata manda snaŋta ni kazlay: Snaghunaghasna si kwala ni kul ɗughwanaku kəʼa. Nda sliʼa ghəŋa ni ŋa lab.

Kwalus 4:12

Ta ga zgu Ipafras ta nzakway ka mnda ghuni ya, ŋa ghuni guli. Kwalva Yesu Kristi ya. Haɗ ta zlaŋtá maga duʼa da Lazglafta ta ghəŋa kaghuni wa. Ta magay ta duʼa ŋa dihavata ghuni, ŋa sifaghunafta ta tva Lazglafta.

1Tes 3:13

Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

2Tes 2:15

Tsaya tama zwana ma ɗa ná, dihavawa diha, ka ŋanata kuni ta inda tsa skwiha taghaghunaf ŋni ya, dər ya mnaghuna lu nda mna, dər ya vindaghunafta lu nda vinda a tsi.

2Tim 2:1

Kagha tama zwaŋa ɗa, mbra ta vgha ma zɗakatahuɗi vlama lu ma *Yesu *Kristi.

Hebru 10:23

Sladafma slada ta fatá ghəŋa mu ka gɗata mu ta va mnay kazlay: Tsa mndu ta tamaftá imi ta sləməŋ ya ná, ŋərma mndu ya kəʼa.

Hebru 3:14

Amu ná, graha *Yesu *Kristi mu ka ŋana ŋa mu his his dzvu ta kahwathwata fatá ghəŋ ya mutsaf mu daga taŋtaŋ ya.

Hebru 4:14

Tsəhala mamu mu nda mali ta ghəŋa gwal ta dra skwi ŋa Lazglafta ta hemanata, ta nzakway ka *Yesu Zwaŋa Lazglafta, ta ɓhadafta ta luwa da Lazglafta ya, sladafma slada dar ta zlghay nda ŋuɗufa mu.

2 Piyer 3:17

Kaghuni graha ɗa ya ta ɗvu yu, snaghunam sna lu ndana tama. Ɗasuwa ka kuni, yaha krughuva ghwaɗaka mnduha da zaɗighunista da tsaghutá kuni ta vgha ta fatá ghəŋa ghuni.