Filip 2:1 - Hdi

¹ Tsa ndiʼatá vgha ghuni nda *Kristi ya a ta vlaghunatá dra ŋuɗuf ra? Tsa ɗvu ɗvaf tsi ta kaghuni ya a ta mbra kaghuni ra? Nda sulkum nda ghuɓa a guyatá vgha ghuni ra? Ta ɗvuvustá vgha a kuni sani nda sani mataba ghuni ra? Ta tawa hiɗahiɗa a kuni sani nda sani mataba ghuni guli ra?

Filip 2:1 Iomraidhean Croise

Lukwa 2:25

Ma tsa fitik ya, mamu sana mndu ma Ursalima Simeyuna hga ni. Tsa mndu ya ná, tɗukwa mndu ya, ta snay ta gwaɗa da Lazglafta. Ta kzlaykzlay ta mnda mba la Israʼila. Kawadaga Sulkuma Lazglafta nda tsi guli.

Yuhwana 14:18

Iʼi, zlaghunata a yu manda zwana tawakri wu, dzaʼa vragagha vra yu da kaghuni.

Yuhwana 14:27

« Zɗaku ya ta zlaghunaŋta yu. Zɗakwa ɗa ya ta vlaghunata yu. Vla a yu ŋa ghuni manda ya ta vlə mnduha ma ghəŋa haɗik wa. Yaha ŋuɗufa ghuni da tɗu, yaha kuni da zləŋ.

Yuhwana 17:13

Ndanana dzaʼa da kagha yu. Manda tsaya ta mna yu ma na nzakwa ɗa tata ghəŋa haɗik na, kada ndəghafta rfa ɗa ma həŋ.

Slna gwal ghunay 2:46

Inda fitik həŋ ta tskavata ma həga Lazglafta. Ka skwa turtuk ta nzata həŋ ka za skwa zay ma wa tgha taŋ. Nda rfu nda rfu, nda ŋuɗuf turtuk ta za həŋ.

Slna gwal ghunay 4:32

Inda tsa gwal zlghay nda ŋuɗuf ya, ka skwa turtuk ŋuɗufa taŋ, ka skwa turtuk ndana taŋ guli. Haɗ mndu ya ta mnay kazlay: Ŋa ɗa yeya kəʼa wa. Tuts ka skwa turtuk skwa taŋ.

La Ruma 5:5

Ka faf fa mu ta ghəŋ ta Lazglafta ná, nzata a ka bətbət wu, kabga maramaŋ mara Lazglafta ma ŋuɗufa mu kəʼa ɗvutá amu nda ma Sulkuma ni ya vlama tsi.

La Ruma 8:26

Manda tsaya guli ná, ta katay Sulkum nda ghuɓa ta amu guli ma hta ta mbrakwa mu. Sna a amu ta maga duʼa manda ya ta raku wu, ama ka ndəɓu Sulkum ka ghəŋa ni ta dzvu da Lazglafta da manaka amu nda ŋizi, kul laviŋtá lu ta mnay nda wi.

1Kwa 12:13

Amu demdem, dər la *Yahuda tsi, dər la *Grek a tsi, dər mndu ka vuʼa tsi, dər mndu kul haɗ ka vuʼa a tsi, magamafmaga lu ta batem ŋa nzaku ka sluʼuvgha turtuk ma Sulkum turtuk. Ka mutsaftá mu demdem ta va tsa Sulkum turtuk ya, manda skwi sava mu nda sa.

1Kwa 15:31

Gita re mahtsim a na, mtaku ta kəzla iʼi. Kahwathwata ta mnaghunata yu zwana ma, ta ghərɓaku yu ta kaghuni ta ghəŋa slna maga mghama mu *Yesu Kristi.

1Kwa 3:16

Sna a kuni ka mnay kazlay: Həga Lazglafta ta nzaku Sulkuma Lazglafta mida kuni kəʼa ra?

2Kwa 2:14

Rfu da Lazglafta! Tsatsi ta vlaŋnatá za ghwa inda fitik ma *Kristi. Klaf kla ta aŋni ŋa mnaŋtá Kristi ma inda vli. Nda nza aŋni manda urdi zɗa vərtiktika ta pusata lu.

Galat 4:6

Ŋa maraŋta kazlay: Zwana ni kuni kəʼa, ka ghunagatá Lazglafta ta Sulkuma zwaŋa ni da ŋuɗufa mu. Tsa Sulkum ya ta mnay kazlay: Aba! Da! kəʼa.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Afisus 4:4

Gwal zlghay nda ŋuɗuf ná, manda sluʼuvgha Kristi turtuktuk ya nzakwa ni. Turtuktuk Sulkum nda ghuɓa guli, turtuktuk skwi ya faf kuni ta ghəŋ tida hgaghuna Lazglafta ŋa zlghay.

Filip 1:8

Nda sna Lazglafta kazlay: Ta ɗvu ɗva yu ta kaghuni katakata kəʼa. Ɗvu ɗva yu ta kaghuni ma kɗavakta hya hya ŋuɗufa ɗa ma Yesu *Kristi.

Filip 3:3

Katək ná, amu vərɗa gwal ta tsa fafaɗ, ta maga duʼa da Lazglafta nda mbrakwa Sulkum nda ghuɓa, ta ghərɓaku ta Yesu *Kristi. Haɗ amu ta walaŋta faftá ghəŋa mu ta skwi ta magaʼata mnda səla wa.

Kwalus 2:2

Ta kumay yu ta nzata taŋ nda hbatá ŋuɗuf, ka nzəvuvusta həŋ ta vgha ma ɗvu, ka ndəghafta həŋ nda vərɗa hiɗaku ŋa snaŋta ɗifatá skwa Lazglafta, ta nzakway ka snaŋtá Kristi ya.

Kwalus 3:12

Mantsa ya tama, Lazglafta ta psapta kaghuni ŋa nzakwa ghuni ka mnduha ni, ta ɗvay ta kaghuni. Kaghuni guli, nzawa nza nda tawa hiɗahiɗa ta mndu, nda zɗaku, nda hanata ghəŋ, nda nzaku leɓtekwa, nda ksanata ŋuɗuf.

Hebru 6:18

Mantsa ya ná, his skwiha ya dzaʼa kwal lu kul laviŋtá mbəɗanafta. Skwiha ya tanaf tsi ta imi ta sləməŋ ta mndu nda waɗu ya waɗa tsi nda tsi. Haɗ dzaʼa walaŋtá tsakalatawi mida wa. Mantsa ya guli ná, ta vlama vla ta mbraku ta amu gwal ta hwayamta da ghuva Lazglafta, ŋa ŋavata mu nda fatá ghəŋ ta skwi ya tamaf Lazglafta ta imi ta sləməŋ ya.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Yuhwana 3:24

Mndu ta sna zlaha Lazglafta ná, ta gɗava gɗa kawadaga nda Lazglafta, ta gɗava gɗa Lazglafta guli kawadaga nda tsatsi. Nda sna amu guli kazlay: Ta gɗava gɗa Lazglafta ma amu nda ma Sulkum ya vlama tsi kəʼa.

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.

1 Yuhwana 4:16

Amu ná, nda sna amu kazlay: Ɗvu ɗva Lazglafta ta amu. Ta tsaya fafta amu guli ta ghəŋa mu. Lazglafta ná, ɗvu ya. Tsaya tama, mndu ta gɗata ta ɗva mndu ná, nda nza nzakwa ni nda Lazglafta nda nza nzakwa Lazglafta guli nda tsatsi.