Filip 1:5 - Hdi

⁵ Ta rfay yu ta Lazglafta, kabga daga ma fitika zlrafta ghuni ta nzaku ka gwal ta zlghaftá Yesu Kristi nda ŋuɗuf, ha ka sagha ta gita, nda guya kuni kawadaga nda iʼi ma slna mna gwaɗa Lazglafta.

Filip 1:5 Iomraidhean Croise

Slna gwal ghunay 2:42

Inda tsa mnduha ya ná, ta gɗata ta ŋavata ka sna skwi ta tagh gwal ghunay həŋ. Ta ŋava ŋa həŋ ka guya vgha nda zwana ma. Ta ŋava ŋa həŋ guli ka guya ghəŋ ta ghəŋa skwa zay, nda ya ma vla maga duʼa.

La Ruma 11:17

Ka ɗatsanaghutá lu ta zligamaha fwa zaytuŋ ya ta hvə lu nda hva, ka tsaktá ya ma mtak ndiʼafta tida. Kagha mndu kul nzakway ka la Yahuda ná, manda fwa zaytuŋ ma mtak ka. Kagha tsa ndiʼaf lu ta dughwaŋa ni ta nzakway ka la Yahuda ya. Ndanana tama ná, ima slrəŋa tsa fu ya ta mutsə kagha.

La Ruma 12:13

Dguvuswa dga ta skwa ghuni nda gwal zlghay nda ŋuɗuf ta pɗay. Tsuʼawatsuʼa ta mayəm.

La Ruma 15:26

kabga gwal zlghay nda ŋuɗuf ta haɗika Mekaduniya nda ya ta haɗika Akaya ná, kura kura hahəŋ ka ghəŋa taŋ ta tskaftá skwi ŋa kataŋtá gwal ka pɗu mataba mnduha Lazglafta ma luwa Ursalima.

1Kwa 1:9

Tsa Lazglafta ta hagaftá kaghuni ka guyaghunafta nda Yesu Kristi ta nzakway ka Mghama mu ya ná, haɗ ta tsakalawi wa.

2Kwa 8:1

Zwana ma ɗa, ta kumay ŋni ta mnaghunatá skwi maga zɗakatahuɗa Lazglafta mataba *Igliz ta haɗika Mekaduniya.

Afisus 3:6

Wya tsa skwa Lazglafta ta ɗifanata ya: Dzaʼa zay gwal kul haɗ ka mndəra la Yahuda ta zlghafta ta za mgham ta vəl Lazglafta kawadaga nda mndəra la Yahuda gwal ta zlghafta. Nda kaghuni tani, nda vərɗa la Yahuda tani, nda na kuni ka mndəra mndu turtuk. Tsa imi tanaf Lazglafta ta sləməŋ ta gwal ta ndiʼaftá vgha nda Yesu Kristi ya ná, dzaʼa vlama vla, ka *Lfiɗa Gwaɗa ta mnay.

Filip 1:12

Zwana ma ɗa, wya skwi ta kum yu ta snaŋta ghuni: Nana ghuya ɗaŋwa ta slaɗighata hadna na ná, hlana a ta mna gwaɗa Lazglafta wa. Katək ná, ta kəma ta kəma ta kla tsi.

Filip 1:16

Tsa hahəŋ ya, ta mnay həŋ kabga ɗvu ɗva həŋ ta iʼi. Nda sna hahəŋ kazlay: Lazglafta ta ghunaktá iʼi da hadna ŋa dihavata ɗa ka zlərɗatá *Lfiɗa Gwaɗa ŋa mnduha kəʼa.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Filip 1:7

Tsa ndanu ta ndanu yu ta ghəŋa ghuni ya ná, tɗukwa nzakwa ni, graf gra yu, kabga laghu la kuni da ŋuɗufa ɗa. Kaghuni demdem kawadaga kuni nda iʼi. Nda guya mu ma zɗakatahuɗa Lazglafta, ma na nzakwa ɗa ma gamak ná, nda ya ma ŋavata ta ŋavata yu ka mnigiŋtá gwaɗa Lazglafta kahwathwata ka dihavata ka zlərɗatá *Lfiɗa Gwaɗa.

Filip 2:12

Zwana ma ɗa gwal ta ɗvu yu nda ŋuɗufa ɗa, ya wya nda sna kuni ka *Yesu hanaganatá ghəŋa ni mista Lazglafta ya, hanaganawa hana kaghuni guli ta ghəŋa ghuni mista ni. Ma fitika nzakwa mu kawadaga ná, si ta snay kuni ta gwaɗa ni. Magawa maga manda va tsaya daga ndanana dər haɗ yu kawadaga nda kaghuni. Kawadaga nda zləŋa Lazglafta, magawa maga kaghuni guli ta slna nda tsa mbaku vlaghuna lu ya.

Filip 2:22

Kaghuni, nda sna kuni kazlay: Ŋərma mndu Timute kəʼa, ksagapksa ŋni ta slna mna gwaɗa Lazglafta kawadaga nda tsi. Katiha kata ma slna manda zwaŋ ta kata da ni ma slna.

Filip 4:3

Ka yu ta mnaghatá kagha guli gra ta ksa slna ɗa ná, wya dzvu, kataŋ kata ta tsa miʼaha ya. Nda tsa miʼaha ya, nda Klimaŋ, nda hamata gwal ta ksa slna kawadaga nda iʼi, dagala slna maga həŋ kawadaga nda iʼi, ghuy ghuya ŋni ta ɗaŋwa nda həŋ ta mna gwaɗa Lazglafta ŋa mnduha. Hahəŋ ná, vindaf vinda Lazglafta ta hga taŋ ma defteri ta vindi tsi ta hga gwal ta mutsa hafu.

Filimuŋ 1:17

Ka si klaf kla ka ta iʼi ka gra gha katsi ná, ka zlghafta ka manda skwi vərɗa iʼi ta zlghə ka.

Hebru 3:14

Amu ná, graha *Yesu *Kristi mu ka ŋana ŋa mu his his dzvu ta kahwathwata fatá ghəŋ ya mutsaf mu daga taŋtaŋ ya.

2 Piyer 1:1

Iʼi Simuŋ *Piyer ta nzakway ka kwalva nda ya ka ghunatá mnda *Yesu *Kristi ta vinda na ɗelewer ná, ŋa gwal ta mutsaftá zlghay nda ŋuɗuf ka guram nda va ŋa ŋni, nda ma zɗakwa Lazglafta nda Yesu Kristi.

1 Yuhwana 1:3

Tsa skwi nghaŋ ŋni nda ya snaŋ ŋni ya, tsaya ta mnaghunata aŋni kada nzakwa kuni nda guya nda aŋni. Ka nda guya ghəŋa mu katsi, nda guya ghəŋa mu kawadaga nda Lazglafta Da, nda ya nda zwaŋa ni *Yesu *Kristi.

1 Yuhwana 1:7

Ala ka si ta mbaɗ ma tsuwaɗak mu ta mbaɗa manda nzakwa Lazglafta ma tsuwaɗak ya, nda guya ghəŋa mu sani nda sani nda tsa ŋa ghuɓimista usa *Yesu Zwaŋa Lazglafta ta inda dmakuha mu.