Filip 1:10 - Hdi

¹⁰ ŋa snaŋta ghuni ta zbaptá skwi ɗina ŋa magay ghuni ta slna nda tsi. Kada nzakwa kuni ka gwal tɗukwa kul haɗ rutsak ta kaghuni ha baɗu vragata Kristi.

Filip 1:10 Iomraidhean Croise

Zlrafta 20:5

Makuma ɗa ya a, kaʼa nda iʼi ra? Zwaŋama ɗa ya a ka vərɗa tsatsi guli nda iʼi guli ra? Nda ndanu tɗukwa magata yu ma ŋuɗufa ɗa, ga a yu ta dmaku wu, » kaʼa.

Mata 16:23

« Laghu la gha ta vata iʼi, halaway na. Tuthun ta fə ka ŋa ɗa. Manda ŋa Lazglafta a ta ndana ka ta ndanu wu, manda ŋa mnda səla ta ndana ka, » ka Yesu mbəɗavata nda Piyer.

Mata 26:33

Ka *Piyer nda tsi mantsa: « Dər ma dzaʼa hwayaghu hwaya lamndu ka zlavaghata ná, haɗ iʼi dzaʼa walaŋta hwayaghuta ka zlavaghata wu, » kaʼa.

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

Yuhwana 3:20

Inda mndu ta maga ghwaɗaka skwi, husaŋ husa tsuwaɗak. Haɗ tsa mndu ya dzaʼa walaŋta sagha da tsuwaɗak wu da maravata slna ni duway ta daɓi.

Slna gwal ghunay 24:16

Tsaya ta kəl yu ka ŋavata ka nzaku manda ya ta raku ta kəma Lazglafta nda ya ta kəma mnduha.

La Ruma 12:2

Ma ksə kuni ta saɗa mnduha ma na ghəŋa haɗik na, zlaŋwa Lazglafta ka mbəɗaghunafta tsi ta ndana ghuni ka lfiɗ, kada laviŋta kuni ta tsatsaftá skwi ta kum Lazglafta, skwi ya ta ɗinuta, ta zɗəganata, ta payuta.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

La Ruma 16:17

Zwana ma ɗa, wyawa dzvu, ɗaswa ka kuni nda gwal ta kladamtá daga vgha da taba ghuni ya, nda nza həŋ ka tuthun, ta irna həŋ nda tsa tagha skwi taghaf kuni ya, tsaghwa vgha nda həŋ.

La Ruma 2:18

nda sna yu ta skwi ta kum Lazglafta ka ka, nda sna yu ta skwi ɗina ma snaŋta ɗa ta zlaha Musa ka ka,

La Ruma 7:16

Tsaw ka tsa skwi kul kum yu ya ta mag yu katsi, tsaya kəl yu ka grafta kazlay: Skwi ɗina zlahu kəʼa.

La Ruma 7:22

Ma hya hya ŋuɗufa ɗa ya ná, zɗəgiha zɗa zlaha Lazglafta.

La Ruma 8:7

Gwal ta laghu da snanatá ŋa skwi ta zɗəganatá sluʼuvgha ná, ghuma Lazglafta həŋ, kabga haɗ həŋ ta sna zlaha Lazglafta wu, trap tra həŋ ta snata.

1Kwa 1:8

Lazglafta dzaʼa vla mbraku ŋa ghuni ha ka sagha tsa fitik ya, ŋa kwala lu vzaftá rutsak ta kaghuni baɗu tsa sagha Mghama mu Yesu Kristi ya.

1Kwa 10:32

Ma nza kuni ka tuthun dər ka ŋa la *Yahuda, dər ka ŋa la *Grek, dər ka ŋa Igliza Lazglafta.

1Kwa 8:13

Tsaya tama, ka si skwa zay dzaʼa zləmbiŋta zwaŋama ɗa katsi ná, haɗ yu dzaʼa walglaŋta za sluʼi ɗekɗek wu, kada kwala yu zləmbiŋtá zwaŋama ɗa.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.

2Kwa 6:3

Va a ŋni ta ksafta mndu ta aŋni nda dmaku ma slna ta mag ŋni wu, tsaya ta kəl ŋni ka ŋavata ka maga skwi ŋa kwal kul zləmbiŋtá mndu.

2Kwa 8:8

Mbla kaghuni a ta mbli yu wu, snaghunamta snaghunam yu ya ka sanlaha ta ŋavata ka vlay. Ma tsaya guli dzaʼa kəl kaghuni ka maraŋta kazlay: Ɗvu ɗva kaghuni kahwathwata guli ta kataŋtá sanlaha kəʼa.

Galat 5:11

Zwana ma ɗa, iʼi, ka si tata gɗata ta mnay kazlay: ɗina tsatá fafaɗ kəʼa yu katsi ya ní, kabgawu ta kəl mnduha ka giri ŋa ɗa tama? Haɗ tsa mtuta mtu Kristi ta udza zləŋay ya dzaʼa nzakway ka tuthun wa.

Afisus 4:15

Nzata a mantsa ya wu, kahwathwata skwi ta nghanatá Lazglafta dzaʼa mnuvusta mu ma ɗvuvusta mu ta vgha mu, ŋa glakwa mu ma inda skwi ma ndiʼatá amu nda Kristi ta nzakway ka ghəŋ ta ghəŋa gwal zlghay nda ŋuɗuf ya.

Afisus 5:10

Ŋavawa ŋa ka tsəmaptá skwi ta zɗəganatá Mgham, ka maga kuni.

Afisus 5:27

Ta kumay ta fatá Igliz ka makwa ta rka ta wa ira ni. Va a ta nzata ni nda rɗak wu, va a ta razu tida wu, va a ta dər wati ma bədzaku tida wa. Ta kumay ta nzakwa ni ɗina kul haɗ sana skwi tida.

Afisus 6:24

Ka vlaŋ vla Lazglafta ta zɗakatahuɗa ni ta inda gwal ta ɗvutá Mghama mu Yesu Kristi nda ɗvu ya kul haɗ ta kɗaku.

Filip 1:16

Tsa hahəŋ ya, ta mnay həŋ kabga ɗvu ɗva həŋ ta iʼi. Nda sna hahəŋ kazlay: Lazglafta ta ghunaktá iʼi da hadna ŋa dihavata ɗa ka zlərɗatá *Lfiɗa Gwaɗa ŋa mnduha kəʼa.

Filip 1:6

Graf gra yu kazlay: Zlraf zlra Lazglafta ta maga ŋərma slna ma ŋuɗufa ghuni kəʼa. Dzaʼa kɗaŋ kɗa ta magay ŋa kɗiŋta ni baɗu vragata *Yesu Kristi.

Filip 2:16

ka vlaŋta kuni ta gwaɗa hafu ta həŋ. Ka maga maga kuni mantsa, dzaʼa rfu yu baɗu vragata Yesu *Kristi, kabga nzata a tsa slna ŋava yu ta magata ya ka bətbət wa.

1Tes 3:13

Má ka sladanaf slada Lazglafta ta ŋuɗufa ghuni ŋa nzakwa ghuni nda ghuɓa kul haɗ gwaɗa ta ghəŋa ghuni ta kəma Lazglafta Da mu, baɗu sagha dzaʼa sagha Mghama mu Yesu Kristi kawadaga nda inda duhwalha ni ya.

1Tes 5:21

Ama kwatsaɗapwa inda skwi demdem, ka zbapta kuni ta ya ɗina,

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

Yəhusuwa 24:14

Ka Yəhusuwa sganaghata guli mantsa: « Ndanana tama, zləŋawa Yawe, ka maganata kuni ta slna manda ya ta raku nda inda kahwathwata. Ka hliŋta kuni mataba ghuni ta lazglaftaha ya si ta tsəlɓu dzidzíha ghuni ta tsəlɓu ŋa taŋ ta tsa ɓla zala Yufratis, nda ya ma Masar ya. Ka tsəlɓa kuni ta tsəlɓu kuni ta Yawe.

1 Yuhwana 4:1

Zwana ma ɗa, ma gi sna kuni ta gwaɗa mndu ta mnay kazlay: Mamu Sulkuma Lazglafta ma iʼi kəʼa ya. Ɗaslawa tsa skwi ta mnə tsi ya karaku, ka mamu Sulkuma Lazglafta mida, ka haɗ wa a tsi. Kəl yu ka mna tsaya ná, kabga nda ndəgha ghwaɗaka anabiha ta sliʼagapta ta ghəŋa haɗik.

Suna Yuhwana 2:2

Nda sna yu ta slnaha gha, ta dza dza ka ta vgha meʼ ka magay, ta ŋava ŋa ka. Haɗ ka ta dzra wi nda gwal ta sidi wa. Ghunatá mndu ŋni, ka sanlaha ma mnduha ta mnay. Tsaw ta ghunatá mndu a həŋ kay guli mataba tsa wa. Ka dzəghaŋtá ka ta həŋ, ka tsatsaftá ka kazlay: Gwal tsakalawi həŋ kəʼa.