Asta 1:1 - Hdi

¹ Ma fitika gay Ahasverus ta mgham ta ghəŋa haɗikha dərmək nda hisambsak ndəfáŋ mida, sliʼafta ni daga ma Hindiya ha ka lab da Kus, luta na gwaɗa na.

Asta 1:1 Iomraidhean Croise

Izra 4:6

Lula vakuha tama, ma zlrafta mgham Ahasverus ta ga mghama ni, ka vindanaftá tsa ghumaha ya ta ɗelewera tsanavatá gwaɗa ta la Yahuda nda la Ursalima.

Asta 10:1

Ka fatá mgham Ahasverus ta pla dzumna ka mbraku mbraku ta inda haɗikha ta gə tsi ta mgham ta ghəŋa ni, kulam nda gwal diʼiŋ ta haɗikha ma takataka drəf tani.

Asta 2:3

Ka zabaf zaba mgham ta mnduha dzaʼa maga tsa slna ya ma inda haɗikha ta gə tsi ta mgham ta ghəŋa taŋ ya, ŋa hlakta taŋ ta inda kuʼaha, nda mbaza ma kuma, gwal ta kul snaŋtá zgun ya, ŋa pghamta həŋ ta fila tska miʼaha ma vli nda ŋa nda matsaka huzlu ma Susaŋ, ŋa nghapta Hegay, mapsla mgham ta ngha miʼaha ya, ka həŋ. Ka vla lu ta rɗi kavghakavgha ŋa taŋ manda ta raku ŋa rka taŋ.

Asta 8:9

Ma va tsa fitik ya, baɗ hisambsak hkən mida ma tila mahkən, tila Sivaŋ, ka hagaktá lu ta gwal vindanatá vindi ta mgham. Ka vindaftá həŋ ta inda skwiha manda va ya mnanaf Murduhay ta həŋ, ŋa tsaghanaftá la Yahuda, nda guvnaha, nda sanlaha ma maliha, nda gwal dagala dagala ta ksa slna ma haɗikha dərmək nda hisambsak ndəfáŋ mida ma dzva mgham, sliʼafta ni ma Hindiya dikw da Kus. Ka vivindaftá həŋ ta tsa vindi ya ŋa haɗikha dərmək nda hisambsak ndəfáŋ mida (127). Inda haɗik nda vindi ya ta vindi həŋ, ŋa inda mndəra mnduha ma inda haɗikha, nda gwaɗa ya ta gwaɗ həŋ, ŋa la Yahuda, nda vindi ya ta vində həŋ, nda gwaɗa ya ta gwaɗ həŋ.

Asta 9:30

Mantsa ya, ka tsaghaftá həŋ ta ɗelewerha nda gwaɗa zɗaku, nda ya nda kahwathwata ŋa inda la Yahuda ta nzakway ma tsa haɗikha dərmək nda hisambsak ndəfáŋ mida (127) ma dzva Ahasverus ya.

Danyel 11:2

« Ndanana tama, wya kahwathwata dzaʼa yu mnaghata: Mamu mghamha hkən dzaʼa sabi guli, ga mgham ta ghəŋa Persiya. Tahula tsa, ŋa saba mafwaɗa ni ka gadghəl katakata ta malaghutá inda taŋ. Mutsafta ni ta mbraku nda ma tsa gadghəla ni ya, ŋa sliʼanafta ta inda mndu ŋa vulu nda ga mghama la Gres.

Danyel 6:1

Ka zlghaftá Daryaves mnda la Mediya ta ga mgham ta ima ni mkuʼ mbsak his mida.

Danyel 9:1

Ka nzakw Daryaves zwaŋa Ahasverus ma mndəra la Mediya, ka mghama Babila. Ma taŋtaŋa vakwa ni ta ga mgham, iʼi Danyel, ka naghamtá yu ma ɗelewerha nda ghuɓa. Mantsa tama, ka snaŋtá yu ta klatá ghəŋa tsa gwaɗa mnana Yawe ta anabi Yirməya ya. Ta gwaɗay ta ghəŋa vaku ndəfáŋ mbsak ya dzaʼa nzata luwa Ursalima ka kufik ya.