2Tim 4:8 - Hdi

⁸ Ndanana, ta kzlaykzlay nisəla vəl zaktá ɗa ta ghwa ta iʼi. Tsa nisəla ya ná, zewzewa mbaku ya dzaʼa vlihata mnda tsa guma tɗukwa, baɗu fitika tsa guma. Ŋa ɗa nda ghəŋa ɗa yeya a wu, nduk nda inda gwal ta kəzla ɗvaftá sagha ni.

2Tim 4:8 Iomraidhean Croise

Zlrafta 18:25

Haɗ kagha dzaʼa maga skwi manda tsaya wu, ŋa zaɗanata gha ta tɗukwa mnduha kawadaga nda ghwaɗaka mnduha wa. Magta a kagha ta skwi mantsa ya ŋa tɗukwa mnduha kawadaga nda ghwaɗaka mnduha wa. Magta a kagha mantsa ya wa. Kagha ta tsanaghatá guma ta inda haɗik ná, tsata a ka ta guma nda tva ni wu ra? » kaʼa.

Mata 24:36

« Tsa gwaɗa ta ghəŋa fitik ya dzaʼa magaku tsa skwiha ya, nda ya ka ta wati luwa tsi ya ná, haɗ mndu nda sna wa. Dər duhwalha Lazglafta, dər Zwaŋ, sna a wa. Da turtukwa ni yeya nda sna.

Mata 7:22

Nda ndgha gwal dzaʼa mnay ŋa ɗa baɗu tsa kazlay: Mghama ɗa, Mghama ɗa! Aŋni a si ta kla lwa Lazglafta nda hga gha kay ra? Aŋni a si ta ghazla ghwaɗaka sulkum nda hga gha kay ra? Aŋni a si ta maga ndəghata mazəmzəmha nda hga gha kay guli ra kəʼa.

Lukwa 10:12

Ka yu ta mnaghunata na: Baɗu tsa fitik dzaʼa tsə Lazglafta ta guma ta ghəŋa mnduha ya ná, ta ləŋləŋa ŋa luwa Sədum ka ŋa tsa luwa ya, » kaʼa nda həŋ.

La Ruma 2:5

Ma tsa təŋatá ghəŋa gha ya, ka kwalaghutá ka ta mbəɗanaftá nzakwa gha ya ná, guma ɓasatá ŋuɗufa Lazglafta ta tɗanakta ka ta ghəŋa gha. Dzaʼa ksaf ksa guma ta kagha, baɗu ɓasafta Lazglafta ta ŋuɗuf ta ghəŋa mnduha, ŋa tsanaghatani ta guma nda tva ni ta inda mndu.

La Ruma 8:23

Hahəŋ nda ghəŋa taŋ yeya a wu, nda amu tiŋlaghu Lazglafta ta vlamatá Sulkuma ni ya tani, ta ɓasay ɓasay amu guli ma vgha mu, ka kəzla fitika vərɗa nzakwa mu ka zwana Lazglafta, ŋa nzata mu nda vərɗaka flauʼwata vgha mu.

1Kwa 2:9

Tsaw tsa skwi maga Lazglafta ya ná, nda nza manda ya nda vinda ma defteri ta mnay kazlay: Skwi ya ta kul nghaŋtá ira mnduha, nda ya ta kul snaŋtá mnduha nda sləməŋa taŋ, nda ya ta kul ndanaŋtá mnduha ma ghəŋa taŋ ya, skwi payaf Lazglafta ŋa gwal ta ɗvuta kəʼa.

1Kwa 3:13

Baɗu tsay Lazglafta ta guma dzaʼa saba dər wa ta daɓi kabga vu dzaʼa galay.

1Kwa 9:25

Inda mndu ta tsa hwaya ya ná, ta zlahafzlaha ta vgha ni ma taghayni, ŋa zata ni. Tsa skwi dzaʼa zata tsi ya ná, dzaʼa ɓwadzu ɓwadza misimmisim. Ŋa amu ya, haɗ ta ɓadzaku ɗekɗek wa.

2Kwa 5:2

Ta na ghəŋa haɗik ná, ta ksamata ka mamay katakata na tsa həga mu ta luwa, ka vgha mu dzaʼa nzakway ka lfiɗ ya. Ta gamatá ŋa ɗa ghəŋ nda taw nda taw. Ta dər má suɗiɗiva Lazglafta ɓa, ka mu ta mnay.

Filip 3:11

ŋa laviŋta iʼi guli ta sliʼagapta ma mtaku manda ŋa ni.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

1Tes 5:4

Kaghuni zwana ma ɗa, ma grum a nzatá nzakwa kaghuni, ŋa sagha tsa fitik ya ksaghunaghata manda ghali wa.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

1Tim 6:19

Ka mantsa ya ka həŋ magay, dzaʼa tskana tska həŋ ma ŋərma vli ta skwiha taŋ, ŋa slafta taŋ tida baɗu mahtsim, kada mutsafta həŋ ta vərɗa hafu.

2Tim 1:10

Ka maravatá tsi ndana tama nda ma zlagapta Yesu Kristi, mnda mba amu. Tsatsi ta kliŋtá mbrakwa mtaku, ka maramata nda ma Lfiɗa Gwaɗa ta tva nzaku nda hafu ŋa kɗekedzeŋ.

2Tim 1:12

Ta ghəŋa tsaya ta kəl yu ka ghuya na ɗaŋwa na. Ama ksa a hula ni ta iʼi wu, kabga nda sna yu ta mndu ya faf yu ta ghəŋ tida. Graf gra yu guli kazlay: Mamu tsatsi nda mbraku, ŋa ŋanatá tsa Lfiɗa Gwaɗa faɗim tsi ma dzvu ya ha ka sagha fitika tsa guma kəʼa.

2Tim 1:18

Má ka vlaŋ vla Mgham Yesu Kristi ta mutsafta ni ta tawa hiɗahiɗa Lazglafta baɗu fitika tsa guma. Mal kagha guli nda sna ta katu ya katiha tsi ma nzakwa ɗa ma luwa Afisus.

2Tim 2:5

Manda tsaya mndu ta hwaya guli. Ka hwaya a tsi ta tsa hwaya ya nda tva ni wu katsi ná, mutsaf a ta nisəla ni wa.

2Tim 4:1

Ka yu ta mnaghata ta kəma Lazglafta nda ya ta kəma *Yesu *Kristi, ya ta dzaʼa da tsa guma ta ghəŋa gwal nda hafu nda ya ta ghəŋa gwal nda rwa. Ka yu ta mnaghata nda ma hga sagha ya dzaʼa sagha Kristi, nda ya nda ma ga mghama ni ná,

Titus 2:13

ma na nzakwa mu ta kəzla ŋərma fitik faf mu ta ghəŋ tida dzaʼa maravata glakwa Lazglafta dagala, ta nzakway ka *Yesu *Kristi mnda mba amu ya,

Hebru 12:11

Ma tsa fitik ta zlahu lu ta amu ya ná, nda nza ka skwi kul zɗəgamata, rfa a mu ta rfu ta ghəŋa ni wa. Ama tahula tsa, ŋa yiganaptani ta zɗaku, nda nzaku tɗukwa ta tsa gwal zlahaf lu ya.

Hebru 9:28

Manda tsaya Kristi guli, turtuktuk səla mtuta tsi, ŋa vlaŋtá ghəŋa ni ta Lazglafta, ŋa hərɗiŋtá dmakwa ndəghata mnduha, ŋa vrəglagatani ka mahis. Tsa vrəglagata dzaʼa vrəglagata tsi ya, ŋa hərɗgəltá dmaku a wa, ama ŋa mbanaftá gwal ta fata vgha ka kəzlay.

Yakubu 1:12

Rfu da mndu ta ksa ŋuɗuf ka suʼa skwi ta dzghaŋta, kabga tahula dzghaŋta, dzaʼa mutsay ta zewzewa hafu ya tanaf Mgham Lazglafta ta imi ta sləməŋ ta inda gwal ta ɗvuta.

1 Piyer 1:4

ka kəzla skwi ya kul ɓadzavata, kul ksə rɗak, kul kɗavakta, fana Lazglafta ta zwana ni ta luwa.

1 Piyer 5:4

Ka mantsa ya ka kuni magay, baɗu zlagagaghata mghama gwal ta ngha rini ná, ŋa mutsay ghuni ta zewzewa nda sgit tida, kul ɓadzavata ya.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!

Suna Yuhwana 19:11

Tahula tsa, ka nghaŋtá yu ta gunatá luwa, gi ka zlagapta sana plis ka ŋusliŋ. Ŋərma mndu nda vərɗa mndu ta hga lu ta tsa mndu ta tsa plis ya. Tɗukwa ta tsatsi ta guma, tɗukwa ta vula tsi ta vulu guli.

Suna Yuhwana 2:10

Ma zləŋ ka ta ghuya ɗaŋwa ya dzaʼa ka da ghuyay. Ya wya halaway dzaʼa hlafta sanlaha ma kaghuni ka pghamta ma gamak ŋa dzəghaghunata, ŋa zaghunatá fitik ghwaŋ ta giri ŋa ghuni. Ka sladafta ka ta zlghay nda ŋuɗufa gha dər ŋa dzata kagha tsi. Dzaʼa vlagha vla yu ta hafu ŋa nisəla vəl zata gha ta ghwa.

Suna Yuhwana 22:20

Ka na mndu ta nghaŋtá na skwiha na ta mnay ná, « Aŋi, wya yu gi ta lagha. » Amin! Sagha sa gha Mgham Yesu!

Suna Yuhwana 4:10

ta zlambatá tsa galata mnduha hisambsak fwaɗ mida ya ta kəma Lazglafta ta nzaku ta dughurukwa ga mgham. Ta tsəlɓu həŋ ta tsəlɓu ta kəma Lazglafta ya nda hafu ŋa kɗekedzeŋ ya, ta hlapta həŋ ta tsa zewazewaha ma ghəŋa taŋ ya ka pghata ta kəma tsa dughurukwa ga mgham ya. Ka həŋ mantsa:

Suna Yuhwana 4:4

Mamu dughurukha hisambsak fwaɗ mida guli ta wanafta tsa dughuruk ya. Hisambsak fwaɗ mida galata mnduha guli ta nzanzafta tida, nda susuɗatá lguta ŋusliŋ ta vgha taŋ, nda wawa ta zewzewa dasu guli ma ghəŋa taŋ.