2Tim 4:1 - Hdi

¹ Ka yu ta mnaghata ta kəma Lazglafta nda ya ta kəma *Yesu *Kristi, ya ta dzaʼa da tsa guma ta ghəŋa gwal nda hafu nda ya ta ghəŋa gwal nda rwa. Ka yu ta mnaghata nda ma hga sagha ya dzaʼa sagha Kristi, nda ya nda ma ga mghama ni ná,

2Tim 4:1 Iomraidhean Croise

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Lukwa 19:12

Wya tsa skwi ta mnə tsi ya: « Mamu sana mndu ka katsala mndəra taŋ ta laghwi ta sana haɗik diʼiŋ, ŋa famta ka mgham, kada vrakta tsi.

Lukwa 19:15

Kulam nda tsa, ka famtá lu mamgham, ka vraktá tsi ta haɗika ni. Ka hagaktá tsi ta tsa gwal daganaf tsi ta tsedi ya, ŋa ɗawaŋta da həŋ ta skwi mutsanagha həŋ.

Lukwa 23:42

Kaʼa tahula tsa guli mantsa: « Ka havapta ka ka iʼi baɗu saghar ka da ga mgham, » kaʼa nda Yesu.

Slna gwal ghunay 10:42

Tsatsi ta mnaŋnata, ka mna kuni ŋa mnduha, ka sladanafta kuni kazlay: Tsatsi sladana Lazglafta ka mnda tsa guma ta ghəŋa gwal nda hafu, nda ya ta ghəŋa gwal nda rwa kəʼa.

Slna gwal ghunay 17:31

kabga fa fa ta fitik ŋa tsanaghata guma nda tva ni ta inda ghəŋa haɗik. Zbap zba Lazglafta ta mndu ŋa maga tsaya ka sliʼaganaptá tsi mataba gwal nda rwa. Manda tsaya maranaŋta Lazglafta ta inda mndu kazlay: Tsatsi vərɗa mnda tsa guma zbap yu, » kaʼa.

La Ruma 2:16

Tsaya tama, manda na *Lfiɗa Gwaɗa ta mnə yu na, manda tsaya dzaʼa nzakwa tsi baɗu dzaʼa ghunagata Lazglafta ta *Yesu *Kristi ŋa tsanaghatá guma ta ghəŋa inda skwi nda ɗifa ma ŋuɗufa mnduha ya.

Kwalus 3:4

Vərɗa hafa ghuni ná, Kristi ya. Baɗu da zlagapər tsi, dzaʼa zlagaku kaghuni guli kawadaga nda tsi. Tekw kaghuni ma glakwa ni dzaʼazlay.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

1Tim 5:21

Ta ndəɓa dzvu yu ŋa gha ta kəma Lazglafta, nda *Yesu *Kristi, nda ya ta kəma duhwalha ni zabap Lazglafta. Sna sna ta tsa gwaɗa ya, yaha ka da laghu da ɗva ghəŋ. Yaha ka da gala mndu nda gala.

2Tim 1:10

Ka maravatá tsi ndana tama nda ma zlagapta Yesu Kristi, mnda mba amu. Tsatsi ta kliŋtá mbrakwa mtaku, ka maramata nda ma Lfiɗa Gwaɗa ta tva nzaku nda hafu ŋa kɗekedzeŋ.

2Tim 2:14

Havanakhava ta tsa skwiha ta mnaghata yu ya ta sanlaha. Mnana mna ta həŋ ta kəma Lazglafta, ka zlaŋta həŋ ta zlərɗa wi ta ghəŋa gwaɗaha. Haɗ sana skwi ta kataŋta tsa zlərɗa wi ya ta mndu wu, ta ghəŋa zaɗiŋtá gwal ta snay yeya katək ta zaɗiŋta tsi.

2Tim 4:18

Nda sna yu guli ná, dzaʼa katigipkata Lazglafta ma inda ghwaɗaka skwi. Dzaʼa katay ta iʼi ŋa lafa ɗa ta luwa da vla ga mghama ni. Ŋa ni glaku ŋa kɗekedzeŋ. *Amin!

2Tim 4:8

Ndanana, ta kzlaykzlay nisəla vəl zaktá ɗa ta ghwa ta iʼi. Tsa nisəla ya ná, zewzewa mbaku ya dzaʼa vlihata mnda tsa guma tɗukwa, baɗu fitika tsa guma. Ŋa ɗa nda ghəŋa ɗa yeya a wu, nduk nda inda gwal ta kəzla ɗvaftá sagha ni.

Titus 2:13

ma na nzakwa mu ta kəzla ŋərma fitik faf mu ta ghəŋ tida dzaʼa maravata glakwa Lazglafta dagala, ta nzakway ka *Yesu *Kristi mnda mba amu ya,

1 Piyer 1:7

Tsa skwiha ta dzəgha kaghuni ya ná, nda nza ŋa maraŋtá nzakwa zlghay nda ŋuɗufa ghuni. Ta ɓadzaku na dasu mndani, ama ta fam fa lu ma vu ŋa nghay ka vərɗa ni tsi, ka ki tsi. Mantsa ya nzakwa ni guli nda zlghay nda ŋuɗufa ghuni ta malapta ka dasu ya. Mantsa ya tama, ŋa klaghunaktá tsa zlghay nda ŋuɗufa ghuni ya ta zləzlvu, nda glaku, nda sgit, baɗu tsa fitik dzaʼa zlagapta Yesu Kristi ya.

1 Piyer 4:5

Ama hahəŋ nda wa taŋ dzaʼa mnaŋtá slna taŋ ta kəma Lazglafta ya nda fa vgha ni ŋa tsanaghatá guma ta gwal nda hafu nda gwal nda rwa tani.

1 Piyer 5:4

Ka mantsa ya ka kuni magay, baɗu zlagagaghata mghama gwal ta ngha rini ná, ŋa mutsay ghuni ta zewzewa nda sgit tida, kul ɓadzavata ya.

2 Piyer 1:11

Mantsa ya, nda fa ghəŋa ghuni ta gunaghunata Lazglafta ta wa tgha lami da ga mgham ŋa kɗekedzeŋ ta nzakway ka ŋa Yesu Kristi Mghama mu, ta mba amu ya guli.

2 Piyer 1:17

Ma fitika mutsafta ni ta sgit, nda glaku da Lazglafta ta nzakway ka Da ná, hada aŋni. Nda sna aŋni nda sləməŋa ŋni ta mnə Lazglafta ya ta hemanatá inda skwi kazlay: Nana na zwaŋa ɗa ya ɗvu yu ta zɗəgihata katakata kəʼa.

1 Yuhwana 2:28

Mantsa tama zwana ɗa, gɗavawagɗa kawadaga nda Yesu Kristi, ŋa kwala zləŋ ksa amu baɗu vragata dzaʼa vragata tsi, ŋa kwala hula ksa amu guli ta kəma ni.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!