2Tim 3:3 - Hdi

³ Dzaʼa nzakway həŋ ka gwal təŋ təŋa ghəŋa taŋ, ka gwal kul haɗ ta tawa hiɗahiɗa ta mndu, ka gwal ta tsanavatá gwaɗa ta mndu, ka gwal kul zlahavata, ka gwal ta sidi, ka gwal ka ghuma skwi ɗina.

2Tim 3:3 Iomraidhean Croise

Zlrafta 49:7

Ka nza tsa gufatá ŋuɗufa taŋ ya ka skwi nda ksiʼa, kabga fərtu fərta. Ka nza ŋlatá ŋuɗufa taŋ ka skwi nda ksiʼa, kabga haɗ nziʼiŋa taŋ nda mndu wa. Dzaʼa dagam daga yu ta zivira taŋ ma səla zivira Yakubu, dzaʼa wutsiŋ wutsa yu ta həŋ mataba la Israʼila.

Danyel 8:23

Lagha tsa ga mghamha taŋ ya ta kɗavakta fitika taŋ, kɗanakha tsa gwal ta maga bisibisi ya ta inda dmakwa taŋ ya, dzaʼa səglapa sa sana mgham kul haɗ ta tawa hiɗahiɗa ɗekɗek, viɗviɗ ka nanaghatá mnduha nda slna ni.

Mata 10:21

« Zwaŋama ni dzaʼa vlatá zwaŋama ni ŋa dzata. Da ni dzaʼa vlatá zwaŋa ni ŋa dzata. Dzaʼa ndəranava ndəra zwana taŋ ta dadaha taŋ, ŋa vlatá həŋ ŋa pslata.

Mata 4:1

Tahula tsa, ka klaghatá Sulkuma Lazglafta ta *Yesu da mtak ŋa dzəghay halaway.

Lukwa 10:16

Ka *Yesu guli nda duhwalha ni mantsa: « Mndu ta snatá gwaɗa ghuni, gwaɗa ɗa sna tsi. Ka kwalaghu kwala mndu ta tsuʼaftá kaghuni, iʼi kwalaghu tsi ta tsuʼafta. Ka kwalaghu kwala mndu ta tsuʼaftá iʼi, kwalaghu kwala ta tsuʼaftá mndu ta ghunigihata, » kaʼa.

Lukwa 16:14

Ka ghuɓasu la *Farisa ta sna inda tsa gwaɗa ya ta *Yesu, kabga ɗvu ɗva hahəŋ ta tsedi.

Yuhwana 6:70

Ka Yesu mantsa: « Iʼi a ta ɗagaptá na kaghuni ghwaŋpəɗ his na ra? Nziya nza tsi ná, ka halaway ya turtuk mataba ghuni, » kaʼa nda həŋ.

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

La Ruma 1:31

Haɗ ghəŋ da həŋ wu, maga a həŋ ta skwi ta mnata həŋ wu, ɗva a həŋ ta mndu wu, tawa a həŋ ta hiɗahiɗa ta mndu wa.

1Kwa 7:5

Ka dzraf nda dzra a kuni ŋa fitik rets kabga ŋa maga duʼa wu katsi ná, yaha sani da kwalaghutá vla vgha ni ŋa sani. Tahula tsaya, ka vrəglanafta kuni ta guya vgha ghuni manda va ya snu kuni, da traptá kuni ta ŋafta ghudzaku ma vgha ghuni, da mutsaftá halaway ta ghurum ŋa ŋraptá kaghuni.

1Kwa 7:9

Ala ka si laviŋ a kuni ta ŋafta wu katsi, kluvwakla ta vgha. Dər kluvtá vgha ka nzata ka suʼay.

1Tes 4:8

Tsaya tama, ka va a yu ta tsa gwaɗa ya wu ka mndu katsi, mndu a vziŋ tsi wu, Lazglafta ta vlaghunatá Sulkuma ni nda ghuɓa ya vziŋ tsi.

1Tim 3:11

Mantsa ya miʼaha ta ksa slna ma səla mnduha guli. Ɗina ka nzakwa taŋ. Haɗ wu ka həŋ ta kuslemberaku, zlahafzlaha ka həŋ ta ghəŋa taŋ, ka ŋərma ni ka həŋ nzakway ma inda skwi.

Titus 1:8

Ta tsuʼay katsi ta mndu ga taŋ, ta ɗvay katsi ta maga skwi ɗina, mndu nda hanata ghəŋ katsi, tɗukwa mndu katsi, mndu nda ghuɓa katsi, mndu ta ngha ghəŋa ni katsi.

Titus 2:3

Mantsa ka ka da mnanatá la galata miʼaha guli, ŋa magay taŋ ta ŋərma skwi manda ya ta zɗəganatá Lazglafta. Yaha həŋ da tsa mndəra mndu, yaha həŋ da ghuyaku, ka tagha həŋ ta skwi ɗina ɗina ŋa sanlaha.

Yakubu 2:6

Ama kaghuni, ka hərtətatá kuni ta gwal ka pɗu. Tsaw sna a kaghuni kazlay: Tsa gwal ka gadghəl ya ta giri ŋa ghuni, ta tsəha kaghuni da vla guma kəʼa katək ra?

2 Piyer 2:14

Ta taɗaku ira taŋ ta miʼaha, hərfava a həŋ ma vəl maga dmaku wa. Bla a ta barafta həŋ ta gwal nda hta mbrakwa taŋ ka pghamtá həŋ da dmaku wa. Yukyukyuk ka ira taŋ ta taɗaku ta skwiha. Mndərga tsaha ya ma mnduha ná, nda ghada ksuta guma Lazglafta ta həŋ.

2 Piyer 2:19

« Flaʼu vgha ghuni dzaʼazlay, » ka həŋ ta mnay ŋa taŋ. Hahəŋ ya kay tataŋ, nda ghada nzatá həŋ ka vuʼa ɓədzaku ta kla həŋ da zaɗaku. Nda sna kuni ná, ka nu tsa skwi ta hbutá tsa mndu ya ná, vuʼa tsa skwi ya tsa mndu ya.

2 Piyer 3:3

Skwi ŋa snaŋta ghuni karaku ná, ɗina ka snaŋta ghuni kazlay: Ma ndusakta kɗavakta fitik ná, dzaʼa sliʼagap sliʼa inda gwal ta maga skwi manda ya kumaŋ ghəŋa taŋ, dzaʼa ghuɓasay həŋ ta kaghuni kəʼa.

Yuda 1:16

Ta ghəŋ tsa mnduha ya mna Inuk ta tsa gwaɗa ya kazlay: Ruruŋwaku nda ŋa ɗa ghəŋ yeya ŋa taŋ inda fitik. Skwi ta kum ghəŋa taŋ ta mag həŋ, ghuba mndu ŋa gatutá wi skwi ta gwaɗ həŋ.

Yuda 1:18

Ka həŋ mnaghunata na: « Mamu mnduha dzaʼa ghuɓasa gwal ta zlghaftá Lazglafta ma kɗavakta fitikha. Nzaku manda ya kumaŋ tsa ghwaɗaka ndana taŋ ya, ŋa taŋ. »

Suna Yuhwana 13:15

Ka vlaŋtá lu ta tvi ta tsa mahisa nimtak ya ŋa vuslanamta hafu ta tsa skwa wuyay tsaf lu manda tsa taŋtaŋa nimtak ya, ŋa gwaɗay ni ta gwaɗa, ŋa pslata ni ta inda gwal kul vlaŋtá glaku.

Suna Yuhwana 13:17

Ka haɗ tsa ŋizla ta nzakway ka hga tsa nimtak ya, ka mbsaka hga ni a tsi ya, ta tsa mndu ya wu katsi, yaha da skwa skwi, yaha da dzawaptá skwi guli, kaʼa.

Suna Yuhwana 16:6

Tsa mnduha ya ta pghiŋtá usa mnduha gha nda la anabiha gha, Lazglafta. Tsaya ta kəl ka ka vlaŋtá us ta həŋ ŋa say taŋ. Mutsaf mantsa həŋ ta skwi ta raŋta həŋ, » kaʼa.

Suna Yuhwana 17:6

Ka nghə yu ta ghuyatá tsa marakw ya da usa mnduha Lazglafta, nda ya da usa masləmtsəkha *Yesu. Na tsa nghaŋtá ɗa mantsa ya ná, ka ndərmimə yu nda ndermima katakata.