2Tim 2:2 - Hdi

² Skwi ya snaŋ ka da iʼi ta kəma ndəghata masləmtsəkha ya, taghanaf tagha ta ŋərma mnduha ta laviŋtá taghanaftá sanlaha guli.

2Tim 2:2 Iomraidhean Croise

Izra 7:10

Tsaw Izra ná, fa fa ta ghəŋa ni ka dzaŋa gwaɗa Yawe, ka ksa slna nda tsi, ka taghay ŋa la Israʼila ta inda tsa zlahuha ya nda skwiha mnaf lu.

Izra 7:25

Ama kagha Izra, manda ya vlagha Lazglafta ta ɗifila ni ya, ka pghamta ka ta gwal tsa guma, nda gwal dganatá gwaɗa. Ŋa tsa guma mataba inda gwal nda ta ɓla ghwa təv dɗakwa fitik ya, nda sna ta zlaha Lazglafta gha ya. Gwal kul snaŋtá tsa zlahu ya ná, ka taghanafta ka ta həŋ.

Nəhemiya 7:2

Ka klaftá yu ta Hana ni zwaŋama ɗa ŋa nzanaghatá Ursalima, nda Hananiya ka mali ta ghəŋa həga huzlu, kabga vərɗa mndu ya, ta zləŋay ta Lazglafta ka malaghutá ndəghata sanlaha.

La Levi 14:42

Dzaʼa hlaf hla lu ta sanlaha ma palaha, ka dzihwamta da vla tsa palaha zlaɗgiŋ lu ya. Dzaʼa hlaf hla lu ta sana rɓisl ka sləhatá huɗa tsa həga ya.

Mbsak 12:7

Mantsa ya a ŋa kwalva ɗa Musa wa. Tsatsi ta nzakway ka mnda ɗa faf yu ta ghəŋ tida ŋa inda həga ɗa.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 24:25

Wya mnaghuna mna yu ta tsekeʼluwa.

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

1Kwa 4:2

Vərɗa skwi ya ta psə lu da mndu ya fanam lu ta skwi ma dzvu ná, nzakwa ni ka ŋərma mndu.

2Kwa 2:14

Rfu da Lazglafta! Tsatsi ta vlaŋnatá za ghwa inda fitik ma *Kristi. Klaf kla ta aŋni ŋa mnaŋtá Kristi ma inda vli. Nda nza aŋni manda urdi zɗa vərtiktika ta pusata lu.

2Kwa 3:5

Nda sna aŋni kazlay: Slaghu a aŋni ka ghəŋa ŋni ka maga tsa slna ya wu kəʼa. Lazglafta ta vlaŋnatá mbrakwa magay.

Kwalus 1:7

Ipafras ta nzakway ka ŋərma gra ta ksa slna ŋni, ta taghaghunaftá tsaya. Tsatsi ná, ŋərma mnda ksanatá slna ta Kristi ya ta vata kaghuni.

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

1Tim 1:18

Timute zwaŋa ɗa, na gwaɗa ta mnaghata yu ná, manda va ya mna la anabi ta gwaɗa ta ghəŋa gha ghalya ya, ŋa nzakwa na gwaɗa na ŋa vlaghatá mbraku, kada laviŋta ka ta vulaftá vərɗaka vulu.

1Tim 4:14

Yaha ka da ganavatá masfa ta skwi ya vlagha Sulkum ma kagha, ya vlagha lu ma fitika mnata la anabi, ka faghaghatá la galata mndu ta dzvu ya.

1Tim 4:6

Ka taghanaf tagha ka ta inda tsa skwiha ya ta zwana ma katsi, dzaʼa nzakway ka ka ŋərma kwalva *Yesu *Kristi. Dzaʼa maraŋ mara ka kazlay: Nda bagha ka nda gwaɗa zlghay nda ŋuɗuf, nda ya nda vərɗaka tagha skwi ya taghaf ka kəʼa.

1Tim 5:22

Yaha ka da gi hwaya fanaghatá dzvu ta ghəŋa mndu ŋa vlaŋtá slna mataba Igliza Lazglafta. Yaha ka da hba huta mista mndu ta gatá dmaku. Ngha ta ghəŋa gha, yaha ka faftá rutsak ta vgha gha.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

2Tim 3:10

Ama kagha, ksaf ksa kagha ta skwi ta tagh yu, nda tva nzakwa ɗa, nda klatá ghəŋa slna ta mag yu, nda tva zlghay nda ŋuɗufa ɗa, nda ksa ŋuɗuf ta ksə yu, nda ya ka yu ta ɗvutá mnduha, nda ya ka yu ta gɗavata. Nda sna kagha guli

2Tim 3:14

Ama kagha, ma skwi ya taghaf ka, ká ka gɗavata. Ka fafta ka ta ghəŋa gha dar tida, kabga nda sna ka ta mndu ta taghaghafta.

Hebru 2:17

Tsaya tama kəl tsi ka nzakway ka skwi nda ra ka nuta ni ka gra vgha nda zwana ma ni, kada nzakwa tsi ka mali ta ghəŋa gwal ta dra skwi ŋa Lazglafta. Tsatsi ná, dagala tawa hiɗahiɗa da tsi, ŋərma ya ma slna Lazglafta, ŋa platá dmakwa mnduha.

1Sam 2:35

Tahula tsa, dzaʼa klagap kla yu ta vərɗa mndu ŋa magihata slna dra skwi. Dzaʼa magay ta slna manda ya ta kum yu nda ya ta ndanu yu. Dzaʼa sladana slada yu ta mndəra taŋ, dzaʼa gəɗata ta maga slna ŋa ɗekɗek ta kəma mndu ya dzaʼa zbapta yu nda ma pghanaghatá rɗi.